شى صعب جدااااا ان الواحد ينسا حد كان بيحبه
مستحيل الواحد ينسا حد كان بيحبه مستحيل
حتى لو عاملت ايه
لكن لو لقيت واحده تانيه واتعلقت بيها اكيد هتنسا الاولى
ومعلشى يااياد هى الدينا كدة ومش لك نصيب فيها فاانشاء الله لك فالاحسن منها وربنا يوفقك

انا كنت حاسه والله من التوبيكات اللى كنت بتكتبها زمان ان فيه حاجه جرحاك (الحاسه السادسه بقى)
انا هاقولك رأيى وعن تجربه ساعات الواحد فى اول حياته (يعنى سن ال 19 و20 ) بيحس انه بيحب شخص معين وان الشخص ده هو كل حياته ويرسم حياته الجايه كلها بيه فلما يحس ان الحب ده بيضيع منه او مافيش نصيب بيقول ازاى انا هنسى انا عمرى ماهنسى وعمرى ماهرتبط بحد غيره لكن بيصادف انك بتقابل انسانه احسن وافضل (ربنا سبحانه وزتعالى هو اللى بيكون كاتب الخيييييييير )
فانت بقى يااستاذ اياد تعمل ايه (لانك عندك مشكله كبيرة وهى انها ع طول ادامك )
انت تحاول بقدر الامكان ماتشوفهاش كتير يعنى هتشوفها فى الكليه او فى البيت تقولها سلام وخلاص وماتطولش فى الكلام
ثانيا انت دلوقتى هتتشغل فى المذاكرة والامتحانات وده كويس لان عقلك هيجبرك غصب عنك انك تنشغل فى حاجات (ومش هاقولك انك مش هتفكر فيها ) لا هتفكر بس مش طول الوقت
فى الاجازة بقى حاول اطلع رحلات واقرا قران او اقعد مع اصحابك يعنى ماتحاولش تقعد مع نفسك كتييييييييييييير وكل ماتحس انك بتفكر فيها كحبيبه اعمل اى حاجه(كلم صاحبك ف التليفون اتخانق مع اختك هههههههههههههههه اى حاجه)
وصدقنى بمرور الوقت هتنسى وبكرة تقول ياااااه ده انت كنت فاكر ان الموضوع صعب اوى
وانا متفقه مع ايات فى حاجه ان الواحد لازم يبقى مستعد الاول للجواز والارتباط ويفكر فى مساله الحب علشان مايكنش مجرد تعب للقلب وخلاص
وع فكرة اعتقد ان بالنسبه للولد مايفكرش فى كده الا بعد 23 سنه لان بعد السن ده بيبقى فيه تفكير ناضج وتحمل للمسئوليه ورؤيه للزواج من كل النواحى مش مجرد اتجوز واحده بحبها وخلاص ومش مشكله عندى 21 او 22 لان امكانياتى مثلا كويسه لان فى معظم الحالات بعد سنه ولا سنتين بيبدا الراجل يزهق ويقول انا اتحملت مسئوليه بدرى
يارب تكون فهمت حاجه منى هههههههههههههههههههههه بس الخلاصه
انت تشغل نفسك واكيد لما يجى الوقت المناسب وتقابل البنت اللى ربنا كاتبهالك زوجه وربنا يألف بين قلوبكم بالحب هتضحك ع نفسك لما تفتكر موضوع بنت عمك ودى عن تجربه
سلام يااياد وربنا يوفقك