وعادت شخصية الأهلي

زائر

كلنا فرحانين آه فرحانين مبسوطين طبعا مبسوطين سعداء وأي سعادة سعادة لا توصف 60 مليون مصري متوحدين علي حب العملاق الأهلاوي الذي أسعدنا جميعا في مباراة طلائع الجيش فالكل سعد للفوز والثلاث نقاط والأداء الرائع للأهلي ولكن ما غاب عن الكثيرين من متابعي الكره ألمصريه والمنتمين للنادي الأهلي شئ أهم بكثير من النتيجة والأداء وهي عودة شخصية الأهلي بأمانه أكثر ما أسعدني في الأهلي خلال مباراة طلائع الجيش هو عودة شخصية الأهلي الأهلي الكيان وليس فريق الكره الأهلي التاريخ وليس الخمس سنوات الماضية الأهلي ذو العلم الشامخ في سماء الكره ألمصريه والافريقيه والعربية وليس الأهلي المتمثل في لاعبين أو مدربين أهلي عمر لطفي بك وليس أهلي التتش أهلي التتش وليس أهلي المايسترو صالح سليم أهلي صالح سليم وليس أهلي الخطيب وجيله أهلي الخطيب وليس أهلي طاهر وجيله أهلي طاهر وليس أهلي كمونه وعماره ومن قبلهم رمضان وأيمن شوقي أهلي رمضان وأيمن شوقي وكمونه وعماره وليس أهلي ابوتريكه وجوزيه نعم هذا ما أسعدني استعادة فريق الكره بالأهلي لشخصية هذا الكيان العملاق ألشخصيه التي تحتم عليك القتال لأخر ثانيه في المباراة تحتم عليك عدم التخاذل مهما كان وأي كان تحتم عليك عدم التراخي ألشخصيه التي تحتم عليك مواجهة الصعوبات وتحديها من اجل الهدف المنشود هذه هي شخصية كيان اسمه النادي الأهلي شخصيه مستنبطه من ألشخصيه ألمصريه الخالصة والتي تمثل القتال والكفاح وتحمل الصعوبات مهما كانت هذه معالم ألشخصيه ألمصريه هي شخصية كيان اسمه النادي الأهلي وسعادتي بعودة شخصية الأهلي التي غابت لفترة ليست بالقليلة سعادة قد تفوق سعادتي بالمكسب وكلنا شفنا جول فتحي وتنططنا فرحا بالجول لكن السؤال ما هو الدافع الذي جعل الأهلي لا يفقد الأمل الدافع هو ألشخصيه ألمصريه والتي هي شخصية كيان اسمه الأهلي والذي لم يتطبع بشخصيات جنسيات أخري كانديه أخري في مصر نعم عودة شخصية الكيان الأهلاوي العريق هي من جعلت الكل يقاتل للنهاية فعودة شخصية الأهلي كانت أهم ما في كواليس فوز الأهلي علي الجيش ولم يلتفت احد إليها مبروك للفوز ومبروك مبروك مبروك لعودة شخصية الكيان الأهلاوي .

موضوع: رد: وعادت شخصية الأهلي 2009-05-21, 1:22 am

فعلا ياميدو عندك حقك
الاهلى النهارده رجع الاهلى وروح والاسرار
اللى فقدناه فى مباريات كتيررررررره
والف مبرووووك يااهلويه
وتسلم ايدك ع المقال ياميدوو

موضوع: رد: وعادت شخصية الأهلي 2009-05-21, 8:41 am

المقال اكتر من رائع والله يا ميدو
وفيه جمله جميله جدا قولتها يمكن ناس كتير مش واخدين بالهم منها وهي
الأهلي التاريخ وليس الخمس سنوات الماضية
فعلا كلامك مظبوط جدا الاهلي التاريخ والحاضر والمستقبل
ولازم نحاول نكتم فرحتنا شويه عشان احنا لسه مش حسمنا الدوري لسه فيه ماتش فاصل يارب ناخده ونفوز بالدوري
شكرا ليك يا ميدو

موضوع: رد: وعادت شخصية الأهلي 2009-05-21, 9:55 am

مقال جميل جدا جدا ياميدو ..

ولعب الاهلي الحلو ده كان واحشني من زمان ..

امبارح كانت فرحتي لاتوصف بجد

وبصراحة كنت فرحانه اكتر بلعب تريكه وحركاته اللي كانت واحشنا اوي

والجول الروعة اللي جابه ..وفتحي كمان الهد ف بتاعه كان فيه قوة وثقة في نفسه عاليه اوي

ومش هنسى محمد طلعت اللي انا بصراحة معرفوش قبل كده ..بس برده الجول بتاعه

كان جميل .ويارب يكون ليه مستقبل بااااااهر ..

وانا موافقه راي mr_24 ياريت نحاول نخفف فرحتنا شويه ..مع اني بصراحة مش بعرف

بس ده لازم عشان لسنه مخدناش الدوري .وان شاء الله هناخده ..

مرسي ياميدو ع التوبيك

موضوع: رد: وعادت شخصية الأهلي 2009-05-21, 11:32 am

الف مبروك للاهلى الف مبروك للاهلى الف مبروك للاهلى
الاهلى انشاء الله اياخ دورى وةساعتها حفلة كبيرة جدا جدا جدا

زائر

اهلاويه فور ايفر اتشرفت بردك علي المقال شكرا جزيلا

زائر

شعار كلامك سليم تعليقك ميه ميه شكرا جزيلا

زائر

جوجو التريكاويه دايما بتحرجيني بردودك شكرا جزيلا لمشاركتك اللي انا بتشرف بيها واللي بتثري المقالات بتاعتي

زائر

تيري العجيب شكرا لمشاركتك والله يبارك فيك

زائر

ميدو بصراحة كده مقالة جامده اوى اوى .فعلا بس احنا امبارح فرحنا علشان نغيظ الزمالكوية ولكل من يريد تدمير هذا الكيان الغالى فى قلوبنا . نايس يا ميدو بجد

زائر

شكرا جزيلا يااخويا طبعا اخويا اتشرفت بيك وبرايك وغيظنا كل واحد عايز نكسة الاهلي شكرا يا اخويا

موضوع: رد: وعادت شخصية الأهلي 2009-05-22, 12:58 am

الف الف الف مليون مبروك للاهلي وكل الاهلوية والف الف الف مليون حصرة لكل الزملكاوية اللذاذ والطعمين اوي ولكل حاقد علي الاهلي العظيم واخر شئ فوق فوق فوق .....................يا فاروق وسلمولي علي فاروق

زائر

شكرا يا ابراهيم علي ردك ومشاركتك بتشرف بيك

موضوع: رد: وعادت شخصية الأهلي 2009-05-22, 5:06 am

ياربنا يا ميدو
كلامك ده مش عندي أي كلام تاني ممكن أقوله
فعلا أنا المباراة دي مشفتش فريق عادي .. شفت الأهلي اللي كنت منتظراه .. اللي وحشني بجد وفجأه لقيته .. الأهلي العملاق مش البطل وبس .. الأهلي الكبير .. هو ده بجد اللي هقول عليه فووووووووووق الجميع
مباراة كانت أروع مايمكن لكن صاحب الأهلي طووووووووول المباراة حاجة اسمها سوء التوفيق طبعا لازم يكون في سوق توفيق ماهو 11 لاعب من الطلائع بيلعبوا دفاع ازاي الكورة هتدخل
لكن على مين .. دخلت من راس تريكة .. والوقت خلص لكن جميل للي شفناه من جماهير الاهلي في الاستاد .. برغم الدقيقة 90 خلصت والاهلي متعادل والاسماعيلي بيحتفل خلاص كم دقيقة وهعلن فوزه بالدوري .. لكن لاء ازاي تفتكر أحمد فتحي ممكن يعديها بسهولة ده لا يمكن ياناس في الوقت الضايع أحمد يجيب جوووون عالمي ...
وطلعت يجيب التالت وتتقلب النتيجة في كم دقيقة............. هو ده الأهلي .. أهلي الانقلابات أهلي المفاجآت أهلي بيقول لليأس لا ولو فاضل حتى ثانية ...
مش ده بس اللي عجبني ..اللي عجبني منظر الاسماعلوية في الملعب بعد اما كانوا منتظرين انتهاء الكم دقيقة عشان يحتفلوا بالدرع وهم مبتسمين وفرحانين في ثانية وجوه مبتسمة انقلبت لوجوه عابسة
وجوه ع وشك انها تبكي لأنها خايفة من لقاءنا وما أدراك من لقاءنا يا اسماعيلي

بجد تسلم يا ميدو كلامك رائع جدا والمفروض مكنتش اقول نص كلمة بعد كدة

زائر

ازاي يادودي ده رايك شرفني جدا واضاف للمقال وكلامك رائع جدا ميرسي بجد

موضوع: رد: وعادت شخصية الأهلي 2009-05-22, 4:39 pm

وااااااااااااااااااااو
الله يا ميدو والله
بجد المقال دا جميل جدا
واسلوبك فى الكتابة روعه

الحمد لله ان الروح بدأت ترجع من تانى
قدام طلائع الجيش او بمعنى ادق زمالك اخر

انا مش هقول ان الروح رجعت لانه لسه فى كتير
وكتير كمان اوى

بس نسميها بدايه
وان شاء الله تزيد مع المباراة الفاصلة مع الاسماعيلى
ونرجع السته المعروفه من تانى

تسلم يمناك يا ميدو

زائر

شكرا شكرا شكرا يا ميدو 101 علي ردك الجميبل ومجاملتك الرقيقه اوي ميرسي علي مشاركتك اللي اضافت للمقال بجد

موضوع: رد: وعادت شخصية الأهلي 2009-05-22, 5:36 pm

فعلا معاك كل الحق ياميدو
شخصية الاهلي فعلا بدات تعود شيئا فشيئا
وفعلا ومش بابالغ والله رغم التعادل لاخر الدقائق الا اني كان احساسي
وشكل الاهلي واداء اللعيبة واصرارهم بيقول لسة بدري
زي ماتعودنا دايما
مبروك للاهلي
وتحياتي يا ميدو ع المقالة الممتازة كالعادة يا فنان
والي الامام دائما

زائر

ربنا يخليك يامدين علي تعليقك ومشاركتك اللي اثرت المقال شكرا لتقديرك

موضوع: رد: وعادت شخصية الأهلي 2009-05-22, 7:17 pm

السلام عليكم..
شكرا ليك يا ميدو على المقال الجميل ده.
وفعلا عادت شخصيه الاهلى وكيانه ومبرووك للاهلى ولكل الاهلويه.
وان شاء الله ربنا يوفقك الاهلى يوم الاحد
وشكرا... Exclamation

زائر

شكرا ياسموكا علي مشاركتك وبامانه اتشرفت اوي بيها ميرسي

موضوع: رد: وعادت شخصية الأهلي 2009-05-22, 10:02 pm

تسلم يا ميدو ع المقال الجميل ده
بجد الله ينور عليكو وانشاء الله الدورى بتاعنا اجمل اداء اجمل رجالة بجد بحب الاهلى رفعتو رسنا
الحمد لله وربنا انا كان عندى احساس لحد اخر لحظه ان الماتش بتاع الاهلى وزى ما انتو عارفين وكالعاده الاهلى بيخلص وفى الوقت المناسب وعايز اقول كلمخ حق البركه فى الكبير بكرر الكبير مانويل جوزيه وتغيراته وعقبال الماتش الفيصل

تسلم مرة تانية يا ميدو ع التوبيك

زائر

شرقتني بردك يا صديقي بس البركه في تريكه يامعلم

موضوع: رد: وعادت شخصية الأهلي 2009-05-23, 1:13 pm

عندك حق يا ميدو فى كل كلمه قلتها بجد ماتش الطلائع كان حلو اوى مع انى خلاص كنت هاموت وصوتى راح بس كله ما يجيش حاجه جنب الفرحه اللى فرحناها فى الاخر بجد رجعت روح الفانله الحمرا هما دول ولاد صالح سليم بجد ون شاء الله هانكسب الاسماعيلى اللى كان عايز ياخد الدورى بس مش باقدام لاعبيه لا كان عايز يخده باقدام لاعيبه الطلائع بس بجد ربنا مش بيضيع مجهود حد والف مليووووووووووووووووووون مبروك وعقبال ماتش بكره ان شاء الله

زائر

شكرا ياسومه علي مشاركتك الكريمه