ولعها ولعها

زائر

غير مقبول علي الإطلاق إن قله من جمهور الأهلي تسئ لنا بهذه الألفاظ كلام أتي علي لسان احمد ألكاس المدرب العام لطلائع الجيش ; جعفر يشكو الأهلي لاتحاد الكره الكلام كان علي صفحات الجرايد وللامانه لا اعلم مدي صحته ; لكن ولنكن موضوعيين فما فعله جمهور الأهلي من تعدي بالألفاظ هو رد فعل ولم يكن هو الفعل فوسائل الإعلام المضادة للأهلي لم يناموا عقب انتهاء المباراة لصياغة مقالات تدين الأهلي علي سوء سلوك جماهيره ولم يلتفتوا للسبب الذي جعل الجمهور يتصرف بهذه ألصوره مع فاروق جعفر وجهازه ففاروق جعفر هو وتر المباراة قبل بدايتها بتصريحاته ألمستفزه لجمهور الأهلي وجعفر هو من أشعل المباراة بعصبيته الغير مبرره أثناء أحداث المباراة فاروق جعفر الذي صرح قبل المباراة بأيام انه يعد ألعده لتعطيل الأهلي وإهداء الدوري للاسماعيلي لأجل عيون جماهير الزمالك وكرر انه سيهدي الدوري للدراويش بفوز أو تعادل مع الأهلي جعفر كان في منتهي الاستفزاز لان ما جاء في تصريحاته بالتفصيل كان يخرج الحجر عن صمته كلام لن يقوله جعفر علي إسرائيل إذا كان سيقابلها لهذا عندما غضب جمهور الأهلي أيها ألكاس وحينما أساء لك ولجهازك يا جعفر كانت هذه ردة فعله علي ما مارسته أنت يا جعفر من جر شكل بالبلدي كده ولكن أنا أحببت أن أتحدث في هذا السياق لان كل من تحدثوا عن المباراة وما دار حولها لم يتحدثوا إلا عن أساءت جمهور الأهلي لجعفر ولم يذكروا مالذي اقترفه جعفر من فعل مع هذا الجمهور ولعها ولعها شعللها شعللها يا جعفر .

موضوع: رد: ولعها ولعها 2009-05-23, 1:05 pm

بص يا ميدو .. اللي قاله جعفر كلام مستفز .. بس رد فعل جماهير الأهلي ميليقش بنادي القرن مهما حصل
يعني انا الشيء الوحيد اللي مفتقداه في مصر حضارية الجمهور
يعني ليه منشجعش بنظافة (سوري في اللفظ) بس عيب أوي مهما كان طريقة التشجيع
يعني دول جماهير كانوا في الملعب عشان الأهلي ووقفوا جنب الأهلي ..وشجعوا الأهلي ..لكن امتى بجد نشجع بروح وبمعنى
تشجيع الكل يحترمه مش يهاجمه ..ويمسكه علينا ذلة
يعني ليه أهلاوي يشجع فريقه يشتم الفريق التاني وياريت شتايم عادي.. شتايم تخدش الحياء
ماظنش إن ده التشجيع .. انا لما يستفزني واحد زي جعفر أنا هستفزه بحبي لفريقي وتشجيعي ليه
هستفزه لما افوز المباراة لكن ماشتموش ..او اشتم اللعيبة اللي بتلعب ليه ؟؟؟
عايزة افهم بجد ليه .. وغير كدة حرام جدا جدا جدا الكلام ده وعيب أوي والله
وبعدين انا عرفت من قريب إن الجماهير بتشتم بالأب وبالأم في الملعب وده شيء مالوش داعي والأهم كمان إنه من الكبائر ..يعني ايه كبائر ..يعني معصية لا تغفر في حق المسلم زيها زي الزنا والقتل تخيلوا عقابها زي الزنا والقتل ..بجد عيب في حق الأهلي ..
انا معاك تماما إن جعفر مستفز بالتصريح ده جدا .. بس ده مش سبب عشان أغلط واسب وكل الكلام ده ..
تسلم يا ميدو ..بس انا مش شايفة أبدا إن الجمهور ليه الحق بإنه يهزأ شخص ويشتمه بالطريقة دي
لان ده إن دل فبيدل على عدم التحضر لا غير

زائر

وانا اتفق معاكي تمام الاتفاق ياداده وان مش مع الشتايم مستحيل لكن انا كان نفسي الناس والاعلام زي متكلم وهاجم جمهور الاهاي لازم يتكلموا علي المدرب اللي قال تصريحات صيبيانيه ماتصدرش عن مدرب كره شغل عيال لكن الشتايم طبعا مرفوضه

موضوع: رد: ولعها ولعها 2009-05-23, 1:55 pm

والله يا ميدو هو جعفر اصلا مستفز من غير حاجة
وطبعا كلنا عارفين انه بيكره الاهلى بحكم زمالكيته المعروفه
وبعيدا عن الكلام دا كله انا بتفق مع دودى فى كلامها
ىن بجد التشجيع دوقتى فى مصر اتحول
يعنى بدل ما بتشجع فريقك
لا دا انت بتشتم المنافس بتاعك
ودا طبعا غلط كبير جدا
وفى مقوله جميلة جدا بتقول
ان خير الرد على السفيه هو الصمت
فواحد زى جعفر لما يتكلم او يقول حاجه مستفزه
الجمهور يرد عليه بتشجيعه ومؤازرته للفريق
لان الجمهور اذا رد عليه رد متبادل
يبقا كده بيعمله قيمة هو مش قدها

وزى ما اتقال قبل كده
دع الـ .... تعوى والقافلة تسير

تسلم ايدك يا باشا على المقال الجميل دا
وحافظ على دماغك من اللى بالى بالك
اوك ؟

زائر

ميرسي ياميدو 101 علي ردك الجميل وماتقلقش دماغي متظبطه مع اللي بالي بالك شكرا ياصاحبي علي تعليقك الجميل ووالله انا مش مع الشتايم انا بس عايز الاعلام يعمل موازنه ويشوف الفعل ورد الفعل

موضوع: رد: ولعها ولعها 2009-05-23, 2:14 pm

معاكم حق لازم الجمهور يبعد عن الشتايم وكل اللي عملو جعفر ما كفهوش وفضل يتكلم عن أبو تريكة كأن صفارة الحكم كانت معاه وخلى الناس تفتكر إن تريكة أجرم بحاجة بحق الجيش طيب وبعد تريكة فات جونين وبكده بقى الأهلى فاز بجميع الحالات ولاعب بيقولك أصل الجون ده رجعهم عالمباراة (عأساس إنهم كانوا بره طب مهم ماخرجوش من ال18 بتاع الجيش) خلاص يا عم صلى على رسول الله وإن شاء الله الدوري للأهلي وشكرا عالتوبيك الجميل

زائر

اللهم صلي علي كامل النور لكن انا عايزكو تفهموا اني مش مع الشتايم والله انا ضد الشتايم عليه الحرام من ديني انا ضد الشتايم بس كان نفسي الاعلام اتكلم عن الجمهور يتكلم برضو عن فاروق جعفر وميرسي كتير ياعاشقه طيبه علي ردك اللي شرفني

موضوع: رد: ولعها ولعها 2009-05-23, 2:30 pm

لا والله أنا أبدا مفكرتش بالموضوع ده يعني وكلامك مابيدلش إنك مع الشتايم شكر عالتوبيك يا معلم

زائر

لا العفو انا كلامي مش موجه ليكي علي فكره بس انا باكد اني ضد الشتايم

موضوع: رد: ولعها ولعها 2009-05-23, 2:38 pm

عفوا على إيه يا راجل أنا مفهمتش إن الكلام لية بس أنا حبيت أرد عليك وما تعتذرش ولا حاجة ده إحنا إخوات يا باشا وتصدق بقى أنا كان نفسي حد يكتب عن المضوع ده وشكرا مرة تانية

زائر

وانا بتشرف بمشاركتك مره تانيه وميرسي علي زوقك

موضوع: رد: ولعها ولعها 2009-05-23, 5:07 pm

موضوع الشتايم بتاعت الجماهير مش هنخلص منها لان دي ثقافه مش موجده عندنا
كابتن فاروق انا كنت بحترمه بس هو قال كلمه كتير مننا مخدش باله منها ولو جبتوا كلامه من اي موقع هتلاقوه قال الجماهير شتمتنا وشتمت العيبه وشتمت لعيبتهم طب ازاي يا كابتن الجمهور شتم لعيبت الاهلي
وفين دليلك وفين دليلك علي ان كابتن علاء ميهوب سبلك الدين
انتا بتقول علاء سبلك الدين وكابتن غانم سلطان بيقول تف علينا واللعيبه بيقولوا انه شتمكوا طب كلام مين الصح يا كابتن يا محترم فيه عندكوا تضارب ف الاقوال

كلامك ف الجرايد علي راي الكابتن المحترم طه اسماعيل كان فيه وقت كافي عشان تنشر ان الكلام ده فبكره صحفيه بس واضح جدا انك تخاذلت ف كده وواضح اكتر انك قولت كده فعلا
وانتا قولت ف كلامك ان جماهير النادي بتاعك قالولك الاهلي يا فاروق وانتا اصريت وحمست لعيبتك ع الفوز وده من حقك بس انتا بتلعب ع مركز متاخر بتصارع مع الزمالك ع المركز السادس

ارجع اقول بالنسبه للجماهير فمفيش ثقافه وياما شتموا والنادي دفعلهم فلوس بس هو ده الجمهور المصري مش الاهلي لوحده كل جماهير الانديه المصريه الي موجوده ف الماتشات

وشكرا ليك يا ميدو علي موضوعك الجامد ده

موضوع: رد: ولعها ولعها 2009-05-23, 5:56 pm

جيبنا بقى ياميدو للحاجات اللي انا مش بحبها خالص مالص بالص بالمررررره

بص انا ايوه بشجع وساعات بتعصب ع اللعيبة وبتعصب لو حصلت حاجة مش تمام

لكن نشتم ليه بقى ؟؟؟؟ يعني نفسي اتفرج مرة ع ماتش مهم اوي من غير ماتحصل فيه بلاوي سوده

وبصراحة بقى كمان فاروق جعفر ده مستفز جدا جدا انا نفسي ماكنتش طيقاه وكان نفسي ادخل

اضربه ههههه ..كان محسسني انه بينافس ع الدوري وكان مليان حقد وغل بكرهه جدا

من زمان ع فكرة وانا مش بطيقه خالص ..وانا بقى مش هدي دروس في الاخلاق لمشجعين الاهلي

لان اللي ايديه في الميا مش زي اللي ايديه في النار ..فاكيد الشخص المستفز ده استفزهم

وخلاهم يطلعوا عن شعورهم ويشتموا ..ايوه صح ده مش مبرر ولازم نمسك نفسنا قدام الحاقدين

دول .بس انا مش بحب ادي دروس في الاخلاق ودايما بدي العذر عشان انا ماتحطتيش في الموقف

ده ..وان شاء الله ناخد الدوري ياااااااااااااااااااااااااااااارب .

ونغيظهم كلهم .وظاهرة الشتايم دي تختفي من ملاعبنا ان شاء الله

كالعادة ياميدو برغي معلش بقى اصلي كنت متغاظة من الراجل ده

نايس توبيك ياميدو ..مرسي كتيييييير

زائر

اولا شكرا يامستر 24 علي مشاركتك بس انا عايز اقلك ان الشتايم موجوده في العالم كله من الجمهور يعني بلاش نجلد الذات وبلاش نعمل الموضوع موضوع ثقافه لان الشتايم موجوده في كل العالم

زائر

جوجو انتي دايما بشرفيني بتعليقتك وكالعاده رغيك ده بيضيف للمقال كتير الف شكر علي مشاركتك ياجوجو

موضوع: رد: ولعها ولعها 2009-05-23, 6:09 pm

سوري يا شباب
الموضوع مش موضوع جمهور الاهلي ولا جمهور الزمالك ولا الاسماعيلي ولا غيرهم
ده الشعب المصري
وللاسف الالفاظ الوقحة دي بقت متفشية في المجتمع المصري بصورة مش لازم نتجاهلها ولا نعمل نفسنا مش واخدين بالنا
واللي بيشتموا في الاستاد دول واخدين علي كده والالفاظ دي بالنسبالهم حاجة عادية
فدي طباع بني ادمين واخلاق مالهاش علاقة لا بالاهلي ولا غيره
الانسان المحترم هيبقي محترم في اي مكان في الشارع في البيت في الاستاد في الكلية في كل مكان
والبني ادم الـ (وسخ) عمره ماهيبقي نضيف في مكان و(وسخ) في مكان تاني
للاسف احنا محتاجين حملة نظافة علي اعلي مستوي

سوري للاطالة وشكرا ياميدو علي طرح الموضوع

زائر

شكرا اخ مدين علي تعليقك رغم اني احب انك تناقش في الموضوعغ اللي انا قصده بجد ثانيا الشتيمه مش في مصر بس ياريت نبطل جلد الذات شويه

موضوع: رد: ولعها ولعها 2009-05-23, 6:23 pm

مش جلد ذات ولا حاجة يا ميدو
دي حقيقة واقعه يعني انت عاوز تفهمني ان المجموعه اللي بتشتم في الاستاد دي
اشخاص محترمين بس هما بيشتموا لما بيحصل اي موقف يستفذهم
مافتكرش ابدا

وبعدين بالنسبة لباقي الموضوع فالكلام فيه منتهي
ولو سمعت تحليل دكتور طه اسماعيل الراجل المحترم الفاهم بعد الماتش
بجد ماسابش حاجة تتقال

اللي عمله جعفر قبل الماتش كان نتيجته هو اللي شفناه من الجماهير
واللي عملوه اللاعبين والجهاز من اعتراضات وخناقات ولا الاسلوب البارد في تضييع الوقت طول المباراة
لا يتماشي اطلاقا مع كلامهم بانهم بيلعبوا عشان المركز السادس
هما كانوا بيلعبوا علي المكافاة اللي كانوا هيقبضوها من الدراويش والموضوع واضح وضوح الشمس
ايه اللي يخلي اللعيبة -لعيبة الجيش- في حالة الشد والاستماته دي الا اذا كان المقابل ورا عدم فوز الاهلي مقابل مجزي ويستحق القتال من اجله

وزي ماقالوا
انتهي الدرس ياجعفر

بس برضو مازلت مصر علي ان مشكلة الشتيمة في المدرحات ليست قضية ملاعب ولا الوسط الكروي
لكنها مشكلة اخلاقية بحتة

وتحياتي ليك ياميدو مرة تانية

زائر

شكرا يامدين للمره الثانيه علي كلامك الرائع بس اللي انا عايز اقوله ان الانهيار الاخلاقي ده اصبح مشكله في العالم كله لهذا لايمكن حل المشكله في يوم وليبله

موضوع: رد: ولعها ولعها 2009-05-23, 7:12 pm

فعلا ياميدو معاك حق
الشتيمة مرفوضة حتي علي الرغم من اللي عمله فاروق ولعيبته

زائر

شكرا ياميار علي مشاركتك وتقديرك ليا من خلال ردك عالمقال

موضوع: رد: ولعها ولعها 2009-05-24, 12:15 am

توبيك مميز
تسلم ايدك
يا ميدو

زائر

شكرا جزيلا لمشاركتك القيمه ياتريكاوي موجودي

موضوع: رد: ولعها ولعها 2009-05-24, 1:19 pm

أولا: ميرسى ع التوبيك الجامد ده
تانيا:أنا برضه رافضة الشتيمة مهما كان
لأن جماهير الاهلى الى بيميزها عن باقى الجمهور
انواجمهور محترم جدا
ثالثا:فاروق جعفر ده كل كلامه مستفز
خليه يئول الى هو عيزه بكره يشوف مين هياخد الدورى

زائر

شكرا يانهي واحب علي مشاركتك اللي بجد اثرت المقال