فاكرين فضيحة المنتخب |(أنا مصدومة في واحد)

العنوان باين من عنوانه انا هكلمكم عن ايه

الكلام اللي اتقال يمين وشمال وفوق وتحت عن منتخبتنا المحترم والشريف بعد مباراة أمريكا
ما تتفزعوش أنا مش عندى ولا ذرة شك في لاعبي المنتخب المصري
اللي بحبهم وبحترمهم جدا
وعارفة كويس جدا إنهم محترمين ولا يمكن يعملوا أي شيء مما ذكر عنهم

بس أنا فعلا مصدومة في واحد

عارفين مين ؟؟؟؟؟؟

عمرو أديب

الراجل ده اذا كان يستحق كلمة راجل جرح اللعيبة بشكل بجح أوي
شفتله النهاردة أكتر من فيديو بيهاجم لاعيبة المنتخب بعد ما انتشرت الاشاعة دي
واللي فرقعني وحرق دمي عارفين ايه؟
إنه بيقولهم ان الاشاعة حقيقة مش يكدبها لأنها ضد أخلاق أولاد بلده وضد أخلاق المصريين عموما

بجد الراجل ده سقط من نظري بعد ماحاول يشوه سمعة المنتخب من أصغر واحد في البعثة لأكبر واحد برغم إنه اعتذر بعد اللي عمله بس برده بمجرد إنه شك بس مجرد شك في منتخبنا فهو مايستاهلش الاحترام ولا التقدير
وياريته كمان شك بس ده كان أهون ده هاجم اللاعبين بجرأة وببجاحة لا تحتمل
هسيبكم معالروابط واحكموا انتو وقولولي يستاهل الراجل ده ينزل من نظري ولا لاء؟
وقولولي كمان الراجل ده مصري ؟
ولو اجابتكم إنه مصري الراجل ده ليييييييه بيعمل كدة ؟
ولو انا غلطانة وظالمة الراجل ده وفهماه غلط
او انا مسمعتش كويس او شفت كويس فهموني انتم لو انا غلطانة

بجد حرام اللي بيحصل ده

ادي الروابط ابقوا انسخوا الرابط وحطوه في شريط العنوان فوق
الأول مكالمة له مع زيدان

www.youtube.com/watch?v=CUUjq2sdFMo&feature=related

الرابط التاني مكالمة مع أحمد حسن وأبو تريكة

www.youtube.com/watch?v=4KUZHPANYN4&feature=related

والرابط ده مكالمته مع كابتن حسن شحاته

www.youtube.com/watch?v=T4KzxHy_T50&feature=related

وده بقى اللي أعتقد انه بيسميه اعتذار برغم اني مش شايفة انه اعتذار خالص قال ايه بيقول اللي قاله كان غضب من نتيجة المباراة ما كلنا غضبنا وزعلنا من نتيجة المباراة لكن أبدا لم نشك في نزاهة وشرف لاعبي المنتخب
وحتى لو ده اعتذار مش هيصلح اللي عمله ..

اهو الرابط

www.youtube.com/watch?v=bdzBI8jRXCY&feature=related

بجد ياريت تردوا عليا أنا دمي محروق أوي ومش عارفة هولع بجد يا تريكاوية لما انا شعوري كدة امل اللعيبة اللي اتقال الكلام ده عنهم شعورهم كان ايه انا عن نفسي لو شفته الراجل ده ممكن اولع فيه

عارفين ايه احساسي من ناحيته .. احساس محستوش إلا من ناحية ناس معينة

إحساسي اتجاه الصهاينة هو نفسه دلوقت احساسي اتجاه الراجل المنافق الوضيع ده بجد والله

ياااااااااااااه الموضوع ده رجع تاني
هو صراحة يا دودي موضوع كان مقرف وادايقت جدا لما قال كده وكان عمال شغال كلام واستغربت جدا من كلامه خاصة ان فيهم ناس مؤدبييييييييين جدا جدا جدا
بس مش عارف ليه كان بيقول كده
هو اسرائيلي ؟؟!!!!
وثانكس ع الاهتمام يا دودي دو يا عسل
ونورتي من جديد وحشتينا بقالك فترة مش دخلتي
تقبلي مروري

» حمله المنتدى خلف منتخب مصر توقيع واحد لحلم واحد
» فاكرين دوووول ؟؟ ذكريات الطفولة المشردة هههههههه
» جوزيه واقفلى على الخط و رايح يطلعلى واحد من خيرة شباب مصر و ينزل واحد تانى بسكوتة شباب مصر

فاكرين فضيحة المنتخب |(أنا مصدومة في واحد)

فاكرين فضيحة المنتخب |(أنا مصدومة في واحد)

مواضيع مماثلة

مواضيع مماثلة