فى برنامج الرياضة اليوم على قناة دريم اول امبارح كان خالد الغندور مستضيف حسام حسن وكان بصراحة كلام حسام حسن مستفزجدا كلامه كله حقد على نجم القلوب محمد ابوتريكة. كان بيقول ان النادى الاهلى لما يجى يذكر رموزه اللى اثروا فيه وحققوا معاه انجازات وبطولات يقولوا صالح سليم والخطيب ويروحوا ناطين على طول على ابوتريكة لكن حسام وابراهيم مايجيبوش سيرتهم رغم اننا حققنا بطولات كتير اوى مع الاهلى اكتر من اى حد. انا مش فاهمة باى حق بيطالبوا بان الاهلى يذكرهم وهما اللى رفعوا الجزمة فى وجه جماهير الاهلى بعد انتقالهم للزمالك. لا ومش بس كده ده وصل بيه الحقد كمان انه بيقول ان مرة فى برنامج كان مذيع بيكلم ابوتريكة على التليفون بيقول له انت اكيد لسة جاى من الجامع؟ ويقول هو مفيش غير ابوتريكة يعنى متدين امال باقى اللاعيبة حتكون كانت فين اصل لما الاعلام بيحب يظهر شخص بيظهره ولما يكون عايز يخفيه بيخفيه.
شوفتوا الحقد الدفين اللى جواه من ناحية ابوتريكة وشعبيته الكبيرة وحب الناس ليه بمختلف انتمائاتها

بصراحه ابو تريكه شخصيه مميزه ولاعب مهاري يغار منه
ربنا يحميه من عين الحسود
ميرسي ع التوبيك

حسام حسن بيضبع فى مجده

ربنا يهديك يا حسام
وربنا يحميك يا تريكه

عندك حق والله

شخص حقود ولا يسوى حاجة جنب الكبير ابو تريكة

احنا لازم نشكر حسام حسن مش نزعل منه عرفين ليه
لانه لما بيتكلم او يعمل حاجه بيعرفنا ليه الاهلي قالو باااااااااااااي وهو في عز مجدو والله يرحمك ياكابتن ثابت
ونرجع ونقول العيب لو صدر من اهل العيب مايكونش عيب
ربنا يهديك ياجدو حسام

يا ساتر على الغل هو اه كان احسن هماجم فى مصر
بس انا عمرى ما حبيته بصراحه
ربنا يحميك يا تريكه