بسم الله الرحمن الرحيم

بصوا ياشباب

الموضوع بسيط اوي
في الفترة اللي فاتت كان فيه اقتراحات كتير لانشاء اقسام جديدة بالمنتدي
انا مانسيتش والله عشان الناس ماتفتكرش اني منفض
بس عاوزين نحط ادينا علي التشكيل والتقسيم المثالي عشان لما نغير التغييير يبقي للاحسن ومانرجعش نحذف تاني

من ضمن الاقتراحات دي كان انشاء اقسام خاصة بالنادي الاهلي وده كان اقتراح من ميدو وكمان اشارت ليه ميس

وكان برضو احمد الشعار اقترح اننا نعمل قسم سياسي وقسم اجتماعي


المهم

دلوقتي عاوز كل واحد منكم يقعد يمخمخ كده في وقت فاضي فيه
ويحطلنا تصور لشكل المنتدي وتقسيم الاقسام والمنتديات الفرعية
كل واحد يعتبر نفسه مدير يعني من الاخر ويقوللنا كان هيقسمها ازاي وهيضيف ايه ويدمج ايه مع ايه ويشيل ايه
وكده يعني

الموضوع مفتوح للنقاش وعرض الاراء والاقتراحات بكل حرية

انطلقوااااااااا

احب اشكرك يا احمد ع الاستجابة السريعة دى
انا ممكن اقسمها ازاى اقولك انا
القسم اسمه قسم النادى الاهلى
يندرج تحته من الاقسام الفرعية
صور النادى الاهلى
اخبار النادى الاهلى
ميديا النادى الاهلى
كليبات النادى الاهلى
صحافة اهلاوية
بس كده

اتمنى ان التقسيم ده يعجبكم

احمد انا بس يعنى من راى من اقسا فرعية للقسم ستاد الكورة العالمية الكرة الاسبانية والانجليزية والايطالية

حتى نسهل على الزائر القراءة

يااااااااااااااااااااه يا مدين
اخيرا فاتكرت الموضوع دا
يا اخى دا انا قولت انك نست وطنشتنى خالص
ههههههههههه
لا بجد انا عارف ان لما قولتلك كده
كنا داخلين على الامتحانات وكده يعنى
وعارف انك مش هتنسى الموضوع دا

طبعا كلام نيديفد دا كلام مظبوط جدا
واعتقد انى لما كلمتك بخصوص القسم بتاع الاهلى
نوهت عن اللاقسام دى
بس احب اضيف شوية حاجات كده
والحاجات دى بعتهالك فى رسالة
بس مايضرش
نقولها من تانى
::ــــــــــــــــــــــــــــــــــــــــــــــــــــــــــــ::
التقسيمه كالاتى

نجوم النادى الاهلى : متابعة اقوال النجوم وصورهم وكل ما يتعلق باللاعبين
الاهلى والصحافه : لمعرفة ماذا تقول الصحافه عن الاهلى
مجلس الادارة والجهاز الفنى : لمتابعة اخبار النادى على لسان مجلس الادارة والجهاز الفنى
~~~~~~~~
دا اللى فى دماغى دلوقتى
شوف ايه اللى ينفع فيهم
::ــــــــــــــــــــــــــــــــــــــــــــــــــــــ::

مع تقسيمات نيدفيد
اعتقد ان موضوع قسم الاهلى كده اتقسم
لول فى حد يحب يضيف معلومة تانية
يا مرحب
::ــــــــــــــــــــــــــــــــــــــــــــــــ::
ولنا عوده ان شاء الله
لاقتراحات اخرى

تسلم ايدك يا مدين
دايما بتقرأ افكارنا

شكرا ياشباب اوي علي مشاركاتكم واقتراحاتكم
بس انا ملاحظ ان اقتراحاتكم فيها حاجة غريبة
يعني مثلا نيدفيد
ايه الفرق بين اخبار الاهلي والاهلي في الصحافة
مالاتنين هيبقي فيهم اخبار ؟؟؟؟

وميدو باشا
متابعه مجلس الادارة والجهاز
ماهو معظم الاخبار يا ميدو بتبقي تصريحات للمجلس او الجهاز او حتي منسوبة ليهم
فاحنا كده هنعمل كذا قسم للاخبار والسلام ؟؟؟؟

واسماء
قسم انجازات النادي الاهلي
مش واخد بالي بالظبط هيحتوي ايه القسم

بالنسبة لـ محمد (تيري العجيب)
التقسيم اللي انت بتقول عليه كان موجود فعلا
لكن انا دمجت الكل في قسم واحد لان الاقسام ماكانتش نشيطة والمشاركة فيها كانت قليلة
لو حسينا ان القسم بدا ينشط تاني هنبقي نعمل الاقسام من تاني مفيش مشاكل

==============

بالنسبة للناس اللي محتارة
الموضوع ياجماعه عشان نشوف كل واحد شايف ايه اللي ناقص المنتدي ونحاول نعمله
مش شرط تقسم المنتدي بالكامل انا قلت لو شايف حاجة قولها اياً كانت

وكمان لو شايف ان فيه اقسام مالهاش لازمة قول برضو

وكلها طبعا وجهات نظر
وهنسعي لتنفيذ اللي في صالح المنتدي منها

السلام عليكم
انا بقى عندى اقتراح
اولا هنعمل المنتديات الاساسية وتحت منها المنتديات الفرعية
مثلا عاوزين نعمل منتدى للاهلى
هيبقى منتدى الاهلى
وتحتة المنتديات الفرعية
الصور
الفيديوهات
الاخبار
وهكذا
ونعمل منتدى للزمالك والاسماعيلى كمان
علشان معانا ناس زمالكاوية واسمعلاوية
وعلشان اخبارهم وصورهم تبقى لوحدها
علشان مابحبش الاختلاط
هههههههههههههههههههههههه
انت فاهم قصدى يااحمد

يعنى نعمل منتدى اساسى بالبنط العريض وتحتة المنتديات الفرعية بخط اصغر
وتكون على شكل اعمدة مش جنب بعضها

هيا حاجات بسيطة بس كشكل اظن انها افضل

عندى اقتراحات تانية كتير بس لما اعرف ردفعلكم على دة

تقبلو مرورى

شكرا يا جميل علي اهتمامك
وده طلب واضح ان الكل مجمع عليه
وهيتم ان شاء الله

بالنسبة للكرة المصرية والعالمية موجود بالفعل الاقسام دي
والاخبار العامة - ثقافية واجتماعيه وغيرها - برضو موجود قسم بعنوان خبر ع الماشي
واحنا بنحاول نطور دايما ونلبي جميع الرغبات
وتحت امركم في اقتراح
شكرا لمرورك الجميل

والله فكرة جميلة اننا نعمل اقسام لمحبي الزمالك والدراويش
وبالمناسبة الطلب اللي كلكم مجمعين عليه اللي هو قسم للاهلي ومتفرع لاقسام
صور - اخبار - ميديا
ده كان موجود بالفعل بس تم دمجه مع الكرة المصرية لان المشاركة فيه كانت شبه منعدمه
عموما ان شاء الله هنعمله من جديد

ومستني باقي اقتراحاتكم .. وانتي يا ست ايات ورينا ابداعات الجمجمه .. ههههههههه
احنا عاوزين كل وا حد يقول وجهة نظره يا جماعه
وهنتناقش ونشوف الاصلح ايه ونعمله ان شاء الله

يللا انطلقوااااااااااا

طيب كان عندى اقتراح كمان
زى ماعندنا منتدى طبى
نعمل منتدى تجارى
وهندسى
ومهنى
بمعنى ان اللى فى كلية واحدة ممكن يدخلو ويتناقشو فى المواد اللى عندهم
واخبار كورساتهم اية وكدة
الهندسى علشان نشوف اخبار المشاريع اية وتطورات الامور
مش عارفة اعبر كويس
بس دة انا فعلا بشوفة فى منتديات تانية صحيح عمرى مادخلتها بس اظن اننا ممكن نجرب الفكرة
صحيح مش هنلاقى اقبال كبير لانها هتبقى منتديات تعليمية
لكن اظنها جديرة بالمحاولة

لسة فى جعبتى حاجات بس احب اعرف ردود الافعال
ههههههههههههههههههههههه

ردود ايه بقي
مفيش غيري انا وانتي هههههههههههههههه
عموما انا رد فعلي اهو ياستي معاكي ع الخط
بصي
انا فعلا عارف ان من المهم جدا انه يبقي في قسم تعليمي في المنتدي
بس برضو ماكانش في جدية في التنفيذ لان مفيش حد بيطلب ومش معروف اذا كان مرغوب ولا لا
ان شاء الله لو تم يعني هيبقي قسم عام يتسمي القسم التعليمي
ويشمل بقي فروع
هتبقي مختصرة برضو مش متوسعه اوي لاننا برضو لسة علي قدنا
يعني يبقي في قسم للتعليم الاعدادي
وقسم للتعليم الثانوي بمراحله كلها
واقسام للكليات (وهيتحدد طبعا بناء علي طلب الاعضاء وعلي حسب عندنا كام عضو في الكلية وهكذا )

ممممممممممممم
ولا يهمك يا شعااااااااااااااار تابعنا انت بس يا ريس
وكله هيبقي زي الفل
لاتقلق

بعض الموافقات
بصراحة ماكناش عارفين هنعمل ايه لو الموافقات دي ما جتش دلوقتي
ياريت بقي من حين لاخر تبصي علينا بصة وتدينا اشارة البدأ . هههههههههههههه
طبعا ياباشا وجودك لا بديل عنه بتاتا
وربنا معاكي في امتحاناتك
عشان تمخمخيلنا كده وتطلعيلنا كل مافي جعبتك

يامسهل يارب
ادينا في الانتظار

حيلك حيلك

اقتباس :

لو مش عجبك خلاص انا بس بقترح مش اكتر دا فكرة جات فى بالى بس

ليه ده كله انا بس كنت باستفهم
حاكم انا مخي تخين شويتين

وعلي فكرة انتي لما وضحتيلي اتضح فعلا انه ممكن يبقي قسم هايل ومتميز كمان
هيبقي زي ارشيف للمعلومات والاحصائيات وكده
تسلم دماغك يا سمسمة والله

حمد الله ع السلامة ياحبى

تصدق انا كنت نسيت الفكرة دى خالص ههههههههههههه

ع العموم انا راى قولتهولك ولا انت نسيت ههههههههههههه

تسلمي يا اسماء .. وجزاكي مثله ان شاء الله

لا عيب عليك
اكيد نسيت .. ههههههههههههه
وبعدين ماتقول تاني انت بتدفع فلوس ع الكلام
اما عجايب .. ههههههههههه

ههههههههههههههههه

اكيد نسيت طبعا

مين اللى واخد عقلك ياواد ههههههههههههههه

ايوة ياعم الكلام دلوات بيندفع عليه فلوس انت معرفتش ولا اية ههههههههه

بص ياسيدى

اولا

لازم نعمل اقسام مساعدة المنتديات

اظن انى فهمتك قصدى لم قوللتك كدة اوك

ثانيا

نعمل رابطة محبى للنادى الاهلى

ورابطة محبى للنادى الزمالك

باعتبارهم هم قطبى الكرة المصرية

شوف بقا وقرر وهقولك نعمل اية بالظبط والتفاصيل اوك ؟