شادي محمد يهين جوزيه ويسب وائل جمعه في غيابه بعد مباره سانتوس

شهدت كواليس مباراة الأهلي وسانتوس الأنجولي الأخيرة التي انتهت بهزيمة الأهلي بثلاثية وخروج الفريق من كأس الكونفيدرالية الأفريقية الكثير من الأحداث الساخنة والتجاوزات والتي كان بطلها كابتن الفريق الاحمر شادي محمد.

فقد ذكر موقع El-Ahly.com أن البرتغالي مانويل جوزيه المدير الفني للفريق والذي أدار أخر مبارياته مع الأهلي قد ثار بشدة على اللاعبين بعد نهاية المباراة ووجه ثورته نحو أغلب اللاعبين ومن بينهم شادي محمد ليبرو وقائد الفريق بسبب مستواه المهزوز خلال اللقاء.

واشتعلت الأمور بشدة عندما قال جوزيه لشادي " أنت لا تصلح كقائد للفريق سوى خلال القرعة التي يتم اجراءها قبل المباراة" فقاطعه شادي بثورة رهيبة وأشاح بيده في وجه جوزيه قائلاً " شادي .. شادي .. هو مافيش غير شادي عندك في الفريق؟".

وتبادل الطرفان الجدال لفترة حتى قال جوزيه لشادي " لولا غياب وائل جمعة عن الفريق لما أشركتك في المباراة" فما كان من "كابتن" الأهلي إلا أن قام بتوجيه السباب بأفظع الألفاظ تجاه جمعة المتواجد مع المنتخب في عمان بلا أدنى قدر من الاحترام لزميله الغائب ودون أي سبب أو خطأ يرتكبه جمعة سوى الاجادة في المباريات !

ووضح على شادي محمد أنه لم يعد مهتماً بإحترام مانويل جوزيه بعدما تأكد رحيل الأخير بعد المباراة وأنه لن يستمر في قيادة الفريق فبالتالي لا يوجد مبرر للحرص على احترام الرجل البالغ من العمر 63 عاماً والذي كان شادي يتغنى بحبه والتودد له أثناء قيادته للفريق.

ورد جوزيه على شادي مؤكداً له بأن هذا التطاول سيصل لإدارة الأهلي في مصر وأن رحيله عن الفريق لا يعني أن يتجاوز لاعب في حق المدير الفني حتى وإن كان السابق .. وفي اليوم التالي طلب جوزيه جمع كل اللاعبين ليودعهم قبل نهاية علاقته بالنادي الأهلي بإستثناء شادي الذي رفض جوزيه حضوره لهذا الوداع.
المصدر : El-Ahly.com

زائر

جوزيه : وهمك خدعك غرك ظلك وتركت الاهلي وهو ينهار عذرا جوزيه انت لست محترما
شادي محمد : كان عليك الاعتزال منذ سنه لكنك كابرت واوصلت نفسك لمرحلة ان يستنفر البعض من وجودك
احمد الشعار : شكرا عالمتابعه

شكرا ليك بس لو سمحتلي أقول رأيي أنا بشوف إن شادي مش ممكن يقول كده بس يعني إنت متأكد؟ يعني لو كان قال الصحفيين مش هيسيبوا خبر زي ده وشوية راحة لشادي هيرجع أحسن من الأول ومش لازم يعتزل وشكرا ليك واعذرني عالرد ده

مرسي اكيد على المتابعة .. بس يعني ما افتكرش انو كابتن شادي يقول كدا ..

بالنسبة لـmidoelkhashab :

ما افتكرش انو كابتن شادي مستوى مهزوز او قل .. بدليل مشاركاته الفعالة مع المنتخب ولا انو كان لازم يعتزل لأنو بصراحة بدونه كنت اتوقع اكتر من كدا جون في الاهلي ..

وكمان اذا الموضوع بالعمر كابتن جمعة لا يصغر كابتن شادي .. وكلاهما ليه دور فعال في كل مباراة

مش شايفة ان الموضوع دا حصل .. بس لو كان فالغلط على جوزيه لعدة اسباب :

بدل ما يعاتب شادي يروح يشوف حارس المرمى الضعيف الي عنده يعني كان شادي هيجي يصد ركلات الترجيح بدل رمزي
يروح يشوف السياسة الي اتبعها في المباراة والي طلعت الاهلي من الكونفدرالية .. سايب دروجبا والعجيزي على الاحتياط !!!!!!!! ( كان واعي لما عمل كدا ) ..
وبما انه من فترة ليست بالقصيرة ومستوى رمزي واضح .. ليه ما جهزش امير .. الراجل اصلا مستعد وعنده لياقة في التفكير وقدرة على اتخاذ القرار الصح .. حتى بعدم ثقة بنفسه هو افضل من رمزي
بصراحة انهى جوزيه وجوده مع الاهلي بشيء مسح كل الي عمله قبل كدا .. خلاص .. بجد الاهلي ضاعت منه كل البطولات السنة دي عدا الدوري ( يا فرحت قلبي ) .. ظهر النادي الاهلي بمستوى سيء جدا ابعد ما يكون
كان بيفكر في ايه جوزيه لما شرك فلافيو .. هل كانت تصرفات كابتن جوزيه معقولة في المباريات الاخيرة .. وهو الي بدأ الخناق على فكرة وبطريقة تنرفز اي حد .. وخصوصا ان اللاعيبة متضايقين اكتر منه ..هو هيمشي ويدرب انجولا .. بس اللعيبة اليفي الاهلي الي راحت منهم البطولة .. هيدنهم في الاهلي هيروحوا فين
كابتن جوزيه من الاخر بوظ كل حاجة .. دمر مستقبل المنتخب باصراره على عقوبة عصام الحضري .. ومحدش يقولي دا مجلس بياخد القرار .. لانو هما كانو هايحسوا بالازمة الي هتواجه منتخب بلدهم ( مصر ) وكان مش هيستموا في عقابوا .. بالاضافة انو الحضري ياما اشتكى من سوء معاملة كابتن جوزيه .. واللاعيبه الي على دكة الاحتياط كمان

انا مش بقلل من اللي انجزه كابتن جوزيه .. على عيني وعلى راسي .. بس كدا بقا كتير قوي ..بتمنى انو دا ما يكونش حصل .. بس بامانة ي جماعة .. انا من بعد المباراة الاخيرة فقدت الثقة في كابتن جوزيه واذا كان الموقف دا صحيح هافقد احترامه كمان

...............
لورا

اقتباس :: فما كان من "كابتن" الأهلي إلا أن قام بتوجيه السباب بأفظع الألفاظ تجاه جمعة المتواجد مع المنتخب في عمان بلا أدنى قدر من الاحترام لزميله الغائب ودون أي سبب أو خطأ يرتكبه جمعة سوى الاجادة في المباريات !

استحالة ابدا ابدا ابدا دا يكون حصل .. لو حتى دخل شادي مع جوزيه في خناقة استحالة يهين جمعه مش لانهم زملاء واخوات .. لان جمعة ما لوش علاقة في سبب نرفزت جوزيه او الخناقة دي والراجل مش موجود .. ومن تسلسل الاحداث اقدر استنتج انو استحالة كان يقول كدا .. على ضمانتي استحالة يكون كابتن شادي اهان جمعة

قد يكون اتعصب على جوزية ( ومن حقه بصراحة .. لأسلوب جوزيه الي ينرفز ومراعاش حزن اللعيبة ) ولكن لايمكن انو يكون قد اساء لجمعة

تحياتي .. واسفة على الاطالة

..........
لورا

أحمد
(مستر أحمد )

شادي ممكن أصدق إنه اتعصب على جووزيه وخصوصا بعد المباراة دي لأنه كان يستحق إن اي حد يتعصب عليه ومن غير حتى ما يتكلم أو يقول نص كلمة او يثور على اللعيبة
لان الثورة دي المفروض كانت تكون ضده
ليه بقى
*إخواننا اللي على الدكة جايبهم من مصر لأنجولا عشان يتفرجوا على المباراة وملهمش لزوم في وقت الحاجة يعني بجد كان راجل غير مفهوم في المباراة دي لدرجة إني فكرت إنه بيهدي المباراة دي لأنجولا وبيقولهم طول مانا هنا هتشوفوا من ده كتير
(وطبعا محبش أني أظن سوء في الناس )بس للأسف للحظة جاتلي الفكرة دي
يعني الراجل ده عصبني في المباراة وانا بدي لشادي الكارت الاخضر للعصبية على جوزيه ومش هعاتبه ابدا
لكن موضوع إنه يشتم جمعة دي مش داخلة دماغي من اي حتة لا من النخاع الشوكي ولا أي حاجة تانية
لاني أولا مش هصدق حاجة زي دي على شادي
ثانيا جمعة الراجل محترم جدا واللي تعرفه كلنا إن العلاقة طيبة بين لعيبة النادي
ثالثا بقى بيتهيألي لو جوزيه كمان قال اللي قاله ده على شادي يبقى عيب أوي أوي أوي
مش منظر ده بتختم بيه لقاءك باللعيبة وخصوصا الكابتن بتاعهم ومش قصة هتختم بيها تاريخك مع النادي الأهلي
سوري المباراة دي كل مابنساها بدخل المنتدى بلاقيكم بتفكروني بيها وانا لسه دمي محروووق
ربنا يكرم الأهلي بقى (كفاية اللي حصل السنة دي وزاد عن حده أوي )
شكرا يا أحمد على الخبر

انا مش عارف اقلك اايه انا بحب شادى وبحب جوزيه

وعتقدتش انه شادى يحصل من كده

مانويل جوزيه افضل مدير فنى درب الاهلى

ومشكور على التوبيك

اخوكم معتز

اكييييييييييييييييييييييييييد
لالالالالالالالالا مستحيل شادى يعمل كده ممكن يتعصب بس يعمل كده لا مستحيل ما اقدرش اصدق انه ممكن يعمل كده ولا كمان مستر مانويل هايقوله كده هو مش صغير يعنى
عموما ميرسيه يا احمد على الخبر ويارب يكون مش صح

اولا انا من عشاق كابتن شادي
وبجد مش مصدق الاقاويل دي
لكن انا جبت الخبر هنا ف المنتدي عشان اناقشه واشوف شادي محمد ايه بالنسبه لينا
لان كله ضده ف الفتره دي وفيه ناس صحفين واعلامين عايزينه يعتزل
بجد انا فخور بروحكوا الاهلاويه
وانا جبت الخبر من موقع 140 سبورت والموقع ناقله من موقع اهلي دوت كوم
مستر جوزيه بوظ حاجات كتير عملها لكن خلاص مش وقت ده لكن ده وقت البطولات القادمه
واحب اجاوب علي لورا ليه جوزيه بيشارك فلافيو ده طبيعي جدا لان فلافيو معاه ف المنتخب
وكمان بحس انه بيخاف من فلافيو والدليل في ماتش من الماتشات شوفت فلافيو بيزعق ليه
الف شكر لميدو ولورا ودودي دو و mhd625 و سوما
بجد فرحتوني بوقفتكوا جنب كابتن شادي محمد
ربنا يبارك فيكوا يارب

» خلفيات للصخرة : وائل جمعه
» الاهلي اليوم ( متجدد يوميا ) العدد الثالث
» شادي محمد ينضم لشكري في تليفونات بني سويف

شادي محمد يهين جوزيه ويسب وائل جمعه في غيابه بعد مباره سانتوس

شادي محمد يهين جوزيه ويسب وائل جمعه في غيابه بعد مباره سانتوس

مواضيع مماثلة

مواضيع مماثلة