السلام عليكم ورحمة الله وبركاته

ازيكم يا اجمل اخوات واحلى اعضاء في الدنيا

طبعا بشكركم كلم الي باركتولي على نجاحي انا و دودي

وبصراحة مش عارفة اقولكم ايه على زوقكم

بس دا مش جديد عليكم

المهم

كنا كلنا مع بعض في الفرح وفي الحزن .. ماسكين في ايد بعض

ويمكن دا الي حببني في المنتدى وخلاني اعتبر كل الي فيه اخواتي .. وهو بيتي التاني

كل النقاشات الي كنا بنتدخلها كنت باستفيد منها .. كل النكت والتعليقات الي شوفتها كنت باضحك عليها من قلبي

وحسيت هنا بجد انو دا بيتي الي على الانترنت وان انتو اخواتي الي ما شوفتهمش


بس بقا انا قررت اني امشي ...... ولاسباب مش بسبب حد من الاعضاء او خلاف او كدا

وحبيت قبل ما امشي اشكركم كلكم بجد على كل حاجة .. واي حاجة

واعتذر من اي حد دخلت معاه في خلاف او ازعجته او دايقته

وبتمنى من كل قلبي ربنا يوفقكم كلكم ويقدملكم كل خير

انا مش كاتبه الموضوع دا علشان تقولولي ما تمشيش وكدا

لأني اخدت قراري ..

بس لأني كنت عاوزة اسلم عليكم واشكركم كلكم .. واعتذر من اي حد زعل مني

ربنا يوفقك واسمع عنكم كل خير

............
أختكم
لورا

كان نفسي والله يا تيتو .. بس والله مش بايدي

وما ينفعش ارجع عن قراري .. والله كان نفسي ما امشيش بس بجد مش هاقدر

مرسي على زوقك

...........
لورا

والله يا نيدفيد مش بالسهل عليا ..والله والله

بس صدقني وحياة ربنا مش بايدي .. ومش ظروف وهتعدي .. لأنو لو كانت كدا كنت غبت شويا ورجعت .. بس بجد مبقاش ينفع

مرسي على زوقك والله

خلي بالك على نفسك .. وهبقى اطمن عليكم من دودي
...............
لورا

ليه كدا يا لورا بس عايزه تمشي وتسيبي اخواتك اللي حبوكي وحبتيهم
معلش انا لسه شايفه التوبيك حالا بس زعلت اوي زعلت من قلبي بجد
لورا ارجوكي تفكري تاني علشان متتسرعيش في قرارك
حاولي تفكري تاني يا لورا
وربنا يوفقك ان شاء الله

مرسي يا مها والله .. كلك زوق يا جميل

وحشتيني مووت بقالي كتير مش باشوفك .. يارب تكوني بخير

والله يا عسل فكرت اكتر من مرة .. ومالقتش حل للي انا فيه غير اني امشي .. افتكر كدا ناس كتير هترتاح وانا كمان

فبجد كنت مضطرة على كدا ومش بكيفي

المهم ابقي طمنيني عليك يا جميل .. وهبقا ابعتلك ايميلي وزعيه بقا على القمرات بمعرفتك

معلش لو هازعجك .. بس انا متأكدة انك قدها وقدود
........
لورا

معلش كانت فترة امتحانات وعدت الحمد لله
اوك يا لورا المهم نعرف بس نطمن عليكي
ومفيهاش ازعاج خالص يا لورا
ونشوف وشك علي خير دايما ان شاء الله