عزيزى أدمن المنتدى

أعزائى وأحبائى أعضاء

ومشرفى ومراقبى منتدى تريكة المخلصون

وقصدت هنا المخلصون لأنها أكثر صفة مطلوبة

فى موضوع هذا التوبيك

إن من ينظر فى المرآة يرى نفسه جيدا

ومن يرى نفسه جيدا بعين متجردة من أى إعتبارات

من يرى نفسه بعين محايدة ناقدة

هو من يستطيع تحديد عيوبه ومميزاته أيضا

ليبدأ سريعا فى إصلاح عيوبه وتقوية وتعزيز مميزاته

ونحن هنا فى هذا التوبيك سنكون عيون منتدى تريكة

الناقدة المحايدة الساعية بجدية لكشف العيوب لتداركها

وإبراز الميزات لتعزيزها والعمل على زيادة أثرها

أرجو من كل عضو ذكر ما يراه من مميزات أو عيوب فى المنتدى

وتنبيهنا كأسرة عمل إدارة المنتدى إلى ما سبق ذكره

والرجاء التحدث بحرية تصل إلى حد النقد اللاذع ولا تقترب من التجريح

وأسال الله تعالى التوفيق لرفعة شأن منتدانا العزيز على قلوبنا جميعا

منتدى تريكة



أخوكم

مجدى

على فكرة يا مجدي الفكرة جميلة جدا

انا بقى اسمحلي أقولك يا مجدي
في ناس في المنتدى تدخل على مواضيع وتحب تنتقد كتير وانا مش ضد ده أبدا
لكن الناس دي نفسها بتنتقد غيرها لكن مش متقبلة انتقادات الغير فسؤالي لييييييييييه؟
وفي عودة تانية للبت دودي هتناقش معاك يا مجدي فكرة تانية

يا افكارك الجامد اوووووووووووووووووووووى
يا مجدى
والله فكرة التوبيك دى جميلة جدا
اسمحلى يا صديقى العزيز ارد على بعض الاراء

فكرة جميلة وحياة ربنا يا مجودى
بص يا ريس
اكتر حاجة مش بتعجبنى ف المنتدى هى قلة مشاركات الاعضاء
فى شوية الاقسام اللى تحت دول
بتوع الكمبيوتر والموبايل وخلافه
السبب ايه ؟؟؟؟؟؟؟؟؟

وبجد والله اكتر حاجة بحبها ف المنتدى هو وجودى معاكم
يا غلى واحلى واجمل اعضاء ف الدنيا
لانكم ناس عسل والله وبجد بحبكم كلكم ف الله

وكفاية يا مجدى كتاباتك واشعارك وعصارة احاسيسك يا راجل
والى الامام دائما يا صاحبى
وان شاء الله ف تقدم

تقبل مرورى

كلامك مظبوط جدا يا استاذ مجدى
ويارب الناس ها تعمل بيه
لاننا بجد
نفسنا نشوف منتدانا اجمل وارقى منتدى
وبالتوفيق للجميع

موضوع جميل جدا يا مجودي تسلم ايديك
وضروري اوي من فترة للتانية اننا نراجع نفسنا ونتناقش
ونشوف ايه الحاجات اللي ناقصانا وندرس ايجابياتنا وسلبياتنا
عشان نقدر نواصل بنفس المستوي او نرتقي للافضل باذن الله

انا شخصيا شايف ان الحمد لله اهم مايميزنا هو التلقائية والمنطقية في التعامل
اعتقد ان المنتدي هنا يختلف عن منتديات تانية انا شاركت فيها من جهة اسلوب الاعضاء في كتاباتهم وردودهم وتفاعلهم كل واحد بيتصرف بحرية مطلقة وفي نفس الوقت بيحترم الاخر
ودي بجد حاجة جميلة جداً

اقتباس :

العيوب
من وجهه نظري فيه عيوب
فيه اعضاء ف المنتدي بتزعل من بعض بسرعه جدا وكانهم اطفال
وده
يضر بالمنتدي لان هيحصل بقي موضوع الاحزاب ودي شله لوحدها ودي شله لوحدها
وع فكره المدير بتاعنا فهم وعمل موضوع بسبب كده دا يدل علي انها اداره
ناجحه

باحيي احمد الشعار انه تطرق للنقطة دي لاني متهيالي ان ناس كتير ممكن تتغاضي عنها وماتحاولش تجيب سيرتها عشان مانكبرش الموضوع يعني

انا شايف انه العكس .. لو سكتنا الموضوع بيكبر
لازم نشوف ايه اسبابه ونحاول نعالجها عشان نتلافي السلبية دي
لانه فعلا سؤال مهم جدا ومحتاج اجابة ليه بنقفش من بعض ؟

في كمان حاجة لازم اقولها ويارب اقدر اوصلكم اللي عاوز اقوله

المنتديات والمواقع
فيه فرق كبير بين المنتدي وبين الموقع
الموقع بينسب نجاحه للقائمين عليه لانهم هما المتكفلين بمحتويات ومظهر الموقع
المنتدي يختلف تماما
مفيش شك ان القائمين علي المنتدي بيبذلوا مجهود لكن في نفس الوقت كل ممكن يبقي في الهوا
بدون وجود اعضاء محترمين ونشيطين وايجابيين بيتفاعلوا في المنتدي

لان الموقع هو نافذة لعرض او بث او نشر شئ معين
يعبر عن وجهة نظر صاحبه او القائم عليه
لكن المنتدي ساحة حوارية ونقاشية كل عضو يقدر يطرح اي نوع من المواضيع ويقدر يناقش وينتقد ويؤيد ويعترض ويقول وجهة نظره في كل حاجة بكل حرية

اللي اقصده . انه مش لازم اطلاقا اي عضو يستخف بدوره في المنتدي او يعتبر نفسه مجرد فرد والسلام
انت جزء من المنتدي ده سواء كان ليك مهام في الاشراف او لا سواء اخدت اوسمة تميز او لا
سواء كنت متواجد دايما او لا
الكل ليه دور .. ودور مهم جدا

اتمني برضو الناس تقول اقتراحاتها واراءها
عاوزين نعمل حملة تطوير شاملة
واي حد شايف ان فيه اضافة ممكن نعملها يقوللنا
ونفكر مع بعض ونشوف الافضل ونعمله ان شاء الله


تحياتي ليك يامجودي مرة تانية وليكم جميـــــــعاً

اقتباس :

رابعا افتقادنا للعدييييييييييييييييييييييييييييد
العدييييييييييييييييييد من الاعضاء المؤثرين جدااااااااااا في المنتدي
ونسيانهم من قبل الادارة او حتي عدم السؤال عنهم وهذا يدفعهم للتراجع وترك
المنتدي
وهذا هو عتابي الذي تحدثت عنه فور دخولي للمنتدي

ممممممممممم والله نقطة مهمه يا ميس

بس انا شايف ان الادارة لا يمكن ان تتمثل في فرد واحد ويبقي مطلوب منه انه يقوم بكل ده
اظن ده فيه شئ من الظلم

بس والله انا باحاول بقدر الامكان اني اسال علي اي حد بالاحظ غيابه وحصل مرة واتنين وعشرة
لكني مش من النوع اللحوح وباحب دايما اني اسيب لكل واحد مطلق الحرية في قراراته
فدايما لما باسال علي حد بيكون هدفي اني اطمئن ان غيابه مش لمكروه لا قدر الله
ولما باعرف ده باكتفي بكده ومباحاولش اكرر الموضوع واطالبه بدخول المنتدي بحيث ان الموضوع ميتفسرش اني مهتم بيه بس لمجرد انه يدخل ويشارك في المنتدي
واظن الفكرة وضحت

وعموما انا بصفتي متهم في مسالة الاهمال دي باعتذر لكل الي تغيبوا عن المنتدي وماحدش يال عنهم
وباطلب من كل افراد الادارة (مشرفين ومراقبين) انهم يحاولوا يساعدوني في العملية دي لان
ايد لوحدها مابتسقفش زي مابيقولوا

أحييك يامجدى على الموضوع
لان فى وقته تمام الصراحه
المنتدى باامانه جميل جدا وكل يوم فيه جديد وللاحسن بفضل الله
بس ده مايمنعش ان فيه عيوب اكيد او تقصير
سوء التفاهم بين بعض الاعضاء بقى يظهر اليومين دول كتيــــر
وللاسف محدش بيدى لنفسه او لغيره فرصه للتصحيح
بس باتمنى انهم يسمعوا بعض بهدوء وربنا يهديهم
وملاحظه كمان وياريت محدش يزعل منى
تقصير واااااااضح من بعض المشرفين والمراقبين
وفى كل الاقسام للاسف
انا عارفه ان الكل اكيد بيكون له عذره فى بعض الاوقات
يااما مشغول باامتحانات او اى ظروف تانيه
بس اتمنى ياخدوا بالهم عن كدا لانها بتبقى حاجات واضحه جدا وبتأثر
والمشرف والمراقب مش منظر بس
ولازم يكون الكل له دور فعال
مش فرد بس زى مااتفضل مدين وقال
وربنا يوفق الجميع ونخلى المنتدى للافضل دايما
ميرسى كتير يامجدى

ميرسى لمشاركتك يا ندفيد وكلامك الجميل
وفعلا فى تقصير فى المشاركة فى بعض المنتديات
بس هى العملية نسبيا بتبقى حرية شخصية
ويمكن المنتديات اللى بيبقى طابعها إجتماعى
هى اللى بتشدنا شوية أكتر
دى وجهة نظرى
بس برافو عليك على ملاحظتك دى
ويا ريت كلنا نهتم بالمنتديات كلها