فيه حاجه غلط فينا!!عايزين نغيرها

اكيد من العنوان بتقولوا هى ايه الحاجه دى ؟ اكيد فيه حاجات غلط كتير موجوده فينا كلنا بقيت احس انها ثقافه شعب

للاسف الكل بيقع فيها باختلاف المستويات والاعمار
هى ترويج الاشاعات
كل يوم بيعدى بتتأكد لى المعلومه دى ان احنا شعب محترف فى ترويج الاشاعات
على مستوى البلد واحد بس يقول حاجه البلد كلها تعرفها وتطلع فى الاخر اشاعه
امثله زى ايام ماقالوا هيعدموا بهاء سلطان علشان هو جاسوس (ومصر كلها نقلت الخبر بغض النظر ان المطرب هو اللى طلع الاشاعه اوغيره)
وايام موجه انفلونزا الطيور لما قالوا ان النيل اتلوث بالطيور النافقه وان كلنا لازم نشترى المياه المعدنيه (فى لحظه من اسوان لاسكندريه عرفنا الخبر والناس صدقت وراحت ع المياه المعدنيه
وكان مين المستفيد ( شركات المياه المعدنيه
والايام دى لما طلع مذيع ينتمى الى مصر وطلع فى القنوات الفضائيه وقال كلام مشين واتهام فى العرض والشرف فى حق لاعبين مصريين من قبل مايتاكد او يتحقق من صحه كلامه وروج الكلام
ده ع مستوى البلد
ع مستوانا احنا والله حاجات حصلت وبتحصل قدامنا كل يوم
واحده متضايقه من واحده تروح تقول لاتنين او تلاته من صاحباتها كلام مشين فى حق بنت وفى ثانيه المدرسه كلها او الكليه يعرفوا الكلام ده
واحد شاف واحد زميله مثلا فى موقف ما وهو فسر الموقف تفسير خاطىء من وجه نظره هو ( مش عايزة اقول لنيته لسيئه ) يروح يحكى وغيره يحكى وغيره يحكى وفجاه الخبر ينتشر كانه حقيقه مسلم بيها
دلوقتى احنا ممكن كلنا نقع فى الغلط ده ممكن حد يجى يقولنا كلام مهين ع حد سواء نعرفه او مش نعرفه واحنا ممكن نروح نحكيه لاقرب اصدقاءنا او اقاربنا ممكن (بحسن نيه كاننا بنتكلم عادى )
لكن احنا مانعرفش ان احنا ممكن نكون سبب فى ظلم انسان ونشر كلام مهين عليه خصوصا ان معظم الكلام وبصراحه بيبقى فى الاعراض والشرف
يعنى البنت دى اخلاقها مش كويسه بتمشى مع ولاد كتير وووو...............
مش عارفه الراجل ده شوفته اميارح فى مكان ما وكان معاه .................. وهكذا
يعنى حاجات مثيرة علشان نسمعها ونحكيها وممكن كل واحد يزود ولو فكرنا هنلاقى ان ممكن يكون واحد بس مستفيد من ده كله
طبعا مش كلنا كده لكن معظمنا وانا قلت ممكن نتكلم بحسن نيه (انا سمعت بيقولوا كذه وكذه)
احنا نعمل ايه
احنا عايزين نبدأ بنفسنا احنا
نحاول لما نسمع حاجه ع شخص ما ويكون كلام مهين او فى العرض او حاجه احنا مش متأكدين من صحتها مش نحكيها لحد
ياريت نحتفظ بينا لنفسنا ونمسك لسانا ونبلع الكلمه بشويه ميه هههههههههههههههههه
ليه بقى
لو الكلام مش صحيح هيبقى احنا اخدنا وزر كبير لان ده افتراء على شخص وغيبه ونميمه وبهتان
ولو كلن حتى الكلام اللى سمعناه صح هيبقى لك ثواب كبير هو انك سترت على مسلم وعلى انسان
والحديث بيقول ايه من ستر مسلما ستره الله يوم القيامه
وحديث تانى من ستر على مسلم ستر الله عليه
كده يبقى احنا ماشاركناش فى الكلام ومش نقلناه
ولما حد يجى يقولنا اشاعه اوو كلام مش ولابد مانحاولش نشجعه ع ان يتكلم اكتر ونبينله ان احنا مصدقين ونقوله مثلا الله اعلم حرام نتكلم ع حد كده واحنا مش متأكدين
لان زى ماربنا بيقول ({{ يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فعلتم نادمين)
وفى ايه كمان لو فهمناها كويس هنخاف بعد كده نتكلم ع لى حد خصوصا للبنات والسيدات
{‏‏إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ}
وعلشان ماطولش عليكم خلاصه الكلام ان كل كلمه بنقولها هنتحاسب عليها
عايزين نبدا احنا بنفسنا ونصد اى حد يجى يقولنا كلمه مشينه ع اى حد نعرفه او مانعرفهوش وماننقلش الكلام حتى لو بحسن نيه
وافتكر انك كما تدين تدان وممكن حد وحش يقول عليك كلام مش كويس (للاسف كلنا معرضين لكده) طول ماانت مابتنقلش كلام وحش ولا بتتكلم فى اعراض حد اكيد ربنا هيحفظك من الاشاعات والسوء
وانا من كتر ماانا عارفه خطورة الاشاعات وسرعه نشرها دايما ادعى فى الصلاة(اللهم احفظنا وكل المسلمين من شر الشائعات )
دعوة لتغيير نفسنا وتغير غيرنا
تقبلوا تحياتى / شيماء

زائر

موضوع هايل وروعه يا شيمو وكويس انك طرحتيه للنقاش لان بامانه موضوع يستحق المناقشه انا شايف ان احنا لوفكرنا بموضوعيه هنعرف ان اللي بيتكلم علي فلان اودامنا هيتكلم علينا لما نمشي وهو في ناس بتتكلم عليه من وراه ده مجرد تفكير سريع في الموضوع وميرسي جدا عالموضوع الرائع

midoelkhashab كتب:: موضوع هايل وروعه يا شيمو وكويس انك طرحتيه للنقاش لان بامانه موضوع يستحق المناقشه انا شايف ان احنا لوفكرنا بموضوعيه هنعرف ان اللي بيتكلم علي فلان اودامنا هيتكلم علينا لما نمشي وهو في ناس بتتكلم عليه من وراه ده مجرد تفكير سريع في الموضوع وميرسي جدا عالموضوع الرائع

شكرا ياميدو ع المرور الجميل
ومعاك حق فى الكلام اللى بتقوله لو كل واحد يقول كما تدين تدان هيتغير فينا حاجات كتير
تسلم ع رايك الجميل

موضوع رائع جدا
لازم كلنا ننتبه عليه
واجبنا إحنا تجاه الشائعات
إن إحنا منصدقهاش
ومن البداية أصلا المفروض
محدش يقولها
ودايما عارفين إن مش كل اللي بيتقال صح
بس لما الواحد يشوف إن فيها مصلحته
ينقلها على طول
يــــــــــــــــــــــارب اهدينا

شكرا شكرا ليكى يا شيمو يا عسل لانه بجد موضوع هايل كان لازم يتناقش ويطرح ويارب مزيد من التقدم

دلوعة بس كلمتها مسموعة كتب:: موضوع رائع جدا
لازم كلنا ننتبه عليه
واجبنا إحنا تجاه الشائعات
إن إحنا منصدقهاش
ومن البداية أصلا المفروض
محدش يقولها
ودايما عارفين إن مش كل اللي بيتقال صح
بس لما الواحد يشوف إن فيها مصلحته
ينقلها على طول
يــــــــــــــــــــــارب اهدينا

تسلمى ياقمر ع كلامك الجميل وفعلا الواحد بينقل الكلام لما بيحس انها هتبقى فى صالحه لكنها منفعه مؤقته
تسلمى ع المرووووووووووور يادلوعه

مروان تريكه كتب:: شكرا شكرا ليكى يا شيمو يا عسل لانه بجد موضوع هايل كان لازم يتناقش ويطرح ويارب مزيد من التقدم

شكرا ليك يامروان ع المرور

توبيك اكثر من رائع ياشيمو.
وجزاكى الله عنا خيرا.
وباذن الله نغير انفسنا الاول من هذه الصفة السيئة ثم نحاول نامر بالمعروف من حولنا من اهل واقارب واصدقاء.
ومرة اخرى جزاكى الله خيرا. Exclamation

توبيك فى منتهى الروعة والأهمية
وكلامك كله صحيح يا شيماء
تسلم ايدك

» صور رياضيه و تعليقات جمده موووووووووووت حاجه جديده اخر حاجه
» نعيب زماننا والعيب فينا
» لا تشمتوا فينا الاعادى

فيه حاجه غلط فينا!!عايزين نغيرها

فيه حاجه غلط فينا!!عايزين نغيرها

مواضيع مماثلة

مواضيع مماثلة