الحضرى يعتذر لجماهير الأهلى وإدارته.. ويطلب الصفح والعودة

بادر عصام الحضرى، حارس مرمى المنتخب الوطنى، بالاتصال بـ«المصرى اليوم» عقب انتهاء مباراة المنتخب أمام نظيره الإيطالى، والتى انتهت بفوز مستحق بهدف للاشىء،
وأعلن ـ فى تصريح خاص له ـ اعتذاره لجماهير الأهلى ومجلس إدارته، وسعيه لفتح صفحة جديدة مع بيته الأول الذى احتضنه وصنع تألقه، وقال: «أطلب العفو والسماح من الأهلى وجماهيره، وأدرك مدى خطئى لكننى تعلمت الدرس جيداً وأن ما أفعله مع المنتخب هو الشافع لى وطريقى للعودة للأهلى».
وقال: «لم أتعمد ما حدث، لكن الظروف كانت أقوى ورحيلى عن الأهلى لم يكن هروباً، ولكنه حلم الاحتراف الذى راودنى كثيراً»، واعترف الحارس بالألم النفسى الشديد الذى يعانيه فى الوقت الراهن، مشدداً على رغبته الكبيرة فى العودة وتسوية المشكلة القائمة مع الأهلى تحت مظلة الاتحاد الدولى لكرة القدم «فيفا» بطريقة ودية.
وأوضح الحضرى: «أشعر بالسعادة والفخر لما أقوم به من دور قوى مع زملائى فى المنتخب، وأتمنى أن تضع إدارة النادى الأهلى نصب أعينها مصلحة مصر، وأنا أعترف بالخطأ ولكنى أطلب العفو والعودة»،
وتساءل: «هل عصام الحضرى الذى كان سبباً فى سعادة ملايين المصريين لا يستحق السعادة هو الآخر وأن ينهى أحزانه ويعود للاستقرار وأن تغفر الجماهير الحمراء له خطأه وتسانده للعودة؟».
وتابع الحضرى: «حان الوقت للعودة وأشعر برغبة كبيرة فى استعادة مكانى فى حراسة مرمى الأهلى، وأطالب جماهير الكرة المصرية بالوقوف بجانبى إذا أرادوا إسعاد الحضرى، ومثلما أسعدتهم فليساعدونى على العودة للأهلى»،
وأكد الحارس رغبته فى العودة دون شروط، وناشد مجلس إدارة الأهلى اتخاذ القرار الصعب وطى صفحة الماضى، واستغلال هذا التوقيت لكتابة سطور تألق جديدة.
وشدد الحضرى على أهمية هذا التوقيت لإنهاء الخصومة وإعادة المياه إلى مجاريها، وتمنى أن تصل مشاعره إلى مجلس الإدارة وتتحول رغبته إلى واقع وأن تذوب جبال الثلج التى جمدت علاقته بناديه القديم.
وناشد الحضرى الإعلام أن يسانده فى تحقيق مطلبه، مستنداً إلى تألقه مع المنتخب. وألمح الحارس إلى أن عدداً من لاعبى النادى الأهلى الدوليين، على رأسهم محمد أبوتريكة، يقودون حملة سرية للضغط على إدارة النادى لعودته، مستندين إلى ضعف مركز حراسة المرمى فى الفريق.

انا نفسي والله الحضري يرجع عشان الاهلي محتاج حارس زيو
بس برضو ما ننساش رمزي صالح الحارس الى جبلنا الدوري

وكمان هو الحضري ملوش حق ف الاحتراف ولا ايش بس يله حظو كده

وكمان والله الحضري كان جااااااااااااااااااااامد جداااااااااااااااا في ماتش اطاليا وكان فعلا
بيموت نفسو على الكوره

شكرا على الموضوع

صراحه دي بقي حاجه تتوقف علي النادي الاهلي

ومش معني ان جوزيه مشي من الاهلي يبقي الاهلي سهل انه يرجعله وبعدين ده غلط في المهندس عدلي القيعي

ميتهياليش ان م|هيرضي يحط ايديه في ايد الحضري تاني

وهو حد كان قاله يمشي هو مشي برايه وخلاص ومهموش بقي ولا النادي ولا الجمهور ولا حاجه

وهو بسهوله عايز يعتزر والحكايه تعدي عادي خاالص ولا كان حاجه حصلت
انا عارفه انكم هتقولوا ماهو غلط واعتزر بس بعد ايه بقي بعد ما بهدل الدنيا جوا النادي الاهلي
واكييييييييييد اللي الاهلي يقوله هو اللي هيمشي مش راينا احنا

انا نفسى يرجع لللاهلى تانى علشان الاهلى محتاج جون ذى الحضرى وربنا سترها معالاهلى الموسم اللى فات الاهلى مافهوش جون خالص وربنا سترها مع رمزى صالح وياريت يرجه بالمستوى بتاع الحضرى وهتيجى تقارن بين ايام ماكان الحضرى واقف فى الجون كان بيخش فيه عدد اهداف تتراوح بين 5 ال 6 فى جميع البطولات المحليه والافريقيه وامير ورمزى بقى كل ماتش لازم يخش فى الاهلى 3 اهداف ماعدا مباره الاهلى وطلائع الجيش دخل جون واحد بس وده لو كان الحضرى لكان صد الجون ويارب يرجع تااااااااااااااااااااااااااااااااااااااااااانى يااااااااااااااااااااااااااااااااااااارب

اوك الحضري لعب ماتش جامد مع ايطاليا بس مش معنى كده يعنى انه خلاص يرجع الاهلى وبعدين ما افتكرش ان الاهلى ممكن يرجعه عشان لعب ماتش حلو وده راى وانا بصراحه ما اتمناش الحضري يرجع الاهلى بعد الطريقه اللى هو مشي بيها احنا بنشجعه بس عشان هو مع منتخب بلدنا

هو الحضري مااجرمشي لكلة دة ربنا يوفقة ان شاء الله ويرجع لبيتة كل انسان بتيجي علية

فترة وبيتصرف تصرف وحش جدا غبي وممكن يضيع لية كل حياتة والحضري اتصرف كدة
وندم طبعا علي التصرف اللي عملة لكن يبقا حرررررررررام علينا لو قعدنا نحاسبة علي
التصرف دة طول حيااااتة وكل انسان بيغلط وكلنا مش معصومين من الغلط وكلنا اكيد فينا
عيوووب حصل خير ياحضري ويااااارب يااااااااااااااااااااارب ترجع ياحضري
وتنور الاهلي تاني يابطل وتنور جمهورك

لو شريف اكرامى جه فعلا يبقى حرام الحضرى يرجع
لأن شريف بذرة حارس مرمى كبير هتكبر مع الوقت مع الاهلى
لكن لو شريف اكرامى فضل فى الجونه و ده يكون احسن
فالحضرى المفروض يرجع