حبيبها

زائر

تذكير بمساهمة فاتح الموضوع :

هل أنت حبيبها ؟ نعم أنت حبيبها وان لم تكن حبيبها لما غضبت منك هذا الغضب موجهتا لك سيل من الشتائم عند رحيلك عنها أيها الحبيب فالحبيبة صدمت من هذا الرحيل المفاجئ دون سابق إنذار والحبيب هنا عزيزي القارئ هو الحارس عصام الحضري وهذه ألحبيبه هي جماهير الأهلي ألعظيمه نعم هي الجماهير الاعضم في العالم ولأنك حبيبها فغضبت منك ألحبيبه ولأنك حبيبها جرحك لم تكن مداوته سهله لما سبق أنت حبيبها هذا الحبيب الذي ارتكب خطأ كبير جدا في حق معشوقته وتركها وحدها منذ سنه ونصف تقريبا وما كان من هذه المعشوقة إلا وان ردت بأقل ما تملك وهي الهتافات ألمعاديه لهذا المعشوق الذي هجرها وأعود لأذكرك أيها القارئ العزيز أن الحبيب والمعشوق في مقالي هذا هو عصام الحضري والحبيبة والمعشوقة هي جماهير الأهلي ألكبيره ولكن ما أن جاء هذا اليوم الذي يأتي فيه الحبيب الضال عائدا لحبيبته متوجها لها برسالة طالبا فيها الصفح والغفران فكيف سيكون رد فعل ألحبيبه مع المحبوب نعم أنت يا حضري محبوب لهذه الجماهير التي تعشق كل من أعطي للأهلي فهي أحبتك لذلك لأنك أعطيت للأهلي الكثير ولان ما يربط الحبيب بالحبيبة قصة حب كبيره جدا أي أنها ليست وليدة سنه أو سنتين ولكن وليدة سنين طويلة جدا تخطت العقد وامتدت 12 سنه متتالية كانت فيه ألعاشقه مع المعشوق في الأوقات الصعبة قبل الأوقات ألطيبه وكان فيها الحبيب مع المعشوق والمحبوبة شامخا باستمرار واقفا تحت مرماه حاميا عرينه من عدة أهداف لأجل عيون هذه ألحبيبه فالحضري اخطأ وعاد واعتذر وندم عشرات المرات علي ما فعله وعلي خطأه وما شجعني عزيزي القارئ لكتابة هذه السطور ردود الأفعال الايجابية من ألحبيبه علي رسالة حبيبها فرسالة الحبيب كان فيها طلب للعودة لحبيبته فماذا سيسفر عنه تفكير ألحبيبه هل ستقول لحبيبها طريقك مسدود أم ستشدو لحبيبها اشتقت إليك فعلمني أن لا اشتاق ؟ هذا هو السؤال ولكن أقولها صريحة أن رد فعل الجماهير علي طلب الحضري حبيبها ايجابي وفيه كثير من التسامح والعفو واعتقد انه قد يسفر عن عودة السد العالي لحماية عرينه كما اعتدنا وتطلق له الجماهير أهازيجها من جديد( ليالي يا ليالي الحضري السد العالي ) وأعود وأؤكد لك يا حضري انك حبيبها ولا ما غضبت منك هذا الغضب وأتوجه برجاء خاص للجماهير البعد عن أجهزة الإعلام التي تريد إشعال الفتنه بين ألحبيبه وحبيبها من خلال بث السم في العسل وقول أن مبادئ الأهلي لا تسمح بعودة الحضري لهذا النادي دعكم من كلام الإعلام واتركوا ألحبيبه تجتمع مجددا بحبيبها ومن يتحدث عن المبادئ الرد موجود وبالمنطق فالرحمة من المبادئ والعفو من المبادئ والقيم والسماح من المبادئ والقيم بل ان كل ما سبق هو أهم القيم والمبادئ وأخيرا ومهما كان رد ألحبيبه ورأيها لكن أؤكد لك انك أنت يا حضري حبيبها.

موضوع: رد: حبيبها 2009-06-26, 1:58 am

الحضرى مهما كان حبيب الملايين
وان كان غلط
مش نهاية الدنيا يعنى

تسلم يا ميدو ع التوبيك
ويارب الحضرى يرجع
لان الاهلى محتاجه
واللى هاينكر ده
يبقى بينافق نفسه
واعتقد الحضرى مايختلفش عنه اتنين
او حتى واحد مع نفسع
لا خلاااااف ع الحضرى

ياااااارب يرجع

شكرا يا ميدو يا صاحبى على طرحك موضوع زى ده
Exclamation

زائر

ميرسي جدا يا فاطمه علي مشاركتك الجميله دي ونختلف نتفق كله نقاش لاجل الاهلي ميرسي بس ارجو ان لايتكرر لفظ الهارب في مواضيعي وميرسي مره تانيه

زائر

كيمو حبيب قلبي ميرسي علي مشاركتك الجميله دي واشكرك علي احترامك لمقالي كما تعودت منك من كل القراء في هذا المكان ميرسي ياكيمو

موضوع: رد: حبيبها 2009-06-26, 2:09 am

على ايه يا صاحبى
وبعدين يا غالى بجد
ده اقل واجب
انت كلامك رووووووعه وجمييل جدا

تسلم يا ميدو على مقالك اللى كالعادة زى بقية مقالاتك راااااااااااااائع

زائر

مره تانيه ميرسي ياصاحبي علي زوقك كلك زوق والله ومره تانيه بحيي احترامك

موضوع: رد: حبيبها 2009-06-26, 2:44 am

ميرسي بجد على الموضوع الأكثر من رائع ده وبجد أنا بحب الحضري مووووووووووووووووووووت

زائر

سالمهام ميرسي جدا علي رايك وردك الجميل ومشاركتك وميرسي علي كلامك في حقي

موضوع: رد: حبيبها 2009-06-26, 3:50 pm

شكرا يا ميدو على طرحك للموضوع ده
برغم إنى هاحتفظ بتعليقى عليه ومش هاناقشه
كل اللى أقدر أقوله هو اللى قاله
الكابتن حسام البدرى
اللى فيه الخير يقدمه ربنا

زائر

ميرسي يامجدي علي المشاركه الجميله دي ونعمه بالله طبعا

موضوع: رد: حبيبها 2009-06-27, 12:44 am

الموضوع جميل...وكلامك اجمل
انا كنت من اكبر المعارضين لما عصام سافر وكنت زعلانه جدا
بس لما عرفت انه احتمال يرجع الاهلى كنت فرحانه جدااااااااا

زائر

عاشقة احمد فتحي اتشرفت بتعليقك واضم صوتي لصوتك وربنا يقدم مافيه الخير وميرسي علي كلامك

موضوع: رد: حبيبها 2009-06-27, 2:43 am

تسلمووووووا يا ميدو على المقال الجميييييييييييييل
وعصام الحضرى هو عصام الحضرى حتى لو عمل ايه وان مش زعلت من عصام الحضرى ولا حاجة وان شاء الله بكرة يرجع الاهلى ويلا حصل خيييييييييير

زائر

ميرسي جدا علي ردك الجميل الذوق ده وميرسي لكلامك الحلو في حقي

موضوع: رد: حبيبها 2009-06-27, 12:31 pm

بحس اني كل ما ارد على الموضوع دا الناس بتزعل

من الاخر هاختصر رايي بكلمة واحدة :

لو حد عنده واحد احسن من الحضري لحراسة المرمى اتمنى انو يطلعوا
ولو حد فينا ملاك مش بيغلط .. يرمي عصام بالحجر

الراجل اعتذر بدل المرة الف .. واحنا مش مسامحين .. اذا اللي خلقني وخلق الحضري بيسامح وبغفر .. احنا لأ !!!!!!!!!!

عيب يا ناس .. الراجل محتاج مساندتنا .. والمفروض نقف جنبه

مرسي على الاسلوب الرائع في الكتابة ..

تحياتي للكل

..؟..؟..؟..؟
لورا

زائر

واحشتني ردودك علي مقالاتي ميرسي ليكي جدا علي ردك الجميل وكلامك اللي بامانه رائع

موضوع: رد: حبيبها 2009-06-27, 12:42 pm

ميرسي والله يا ميدو انا مش برد تقريبا غير على مقالاتك لأنها بتشدني جدا .. ومستنيه تكتب كدا حاجة حلوة ان شاء الله لما عصام يرجع باذن الله الاهلي .. والله انا كان ليا رد مطول بس حبيت اختصر .. خير الكلام ما قل ودل .. وكل العالم عارف انا بحب عصام واحترمه جدا قد ايه ,

ومن راي اساسا انو ما غلطش .. لأن لو دا شيء عيب .. ما كانتش الفيفا حطتوافي اللوايح انو اي لاعب يتعدى 27 سنة من حقه يفسخ العقد من طرف واحد والراجل حب يحقق حلمه .. كلنا اختلفنا على الشكليات انو عيب انو يسيب الاهلي بالشكل دا .. يبقى من حق النادي الاهلي فنيا زي ما عصام ساب النادي فنيا انها تعاقبه .. بس كمان ذوقيا كان عيب جدا من النادي الاهلي انو يخلي كابتن عصام يلعب مع الناشئين ويحط العقوبات دي ويذله ..

وكمان لازم من الادارة يكون عندها شيء من الوطنية وتعرف احنا قد ايه محتاجينه في المنتخب وميضغطوش على اعصابه بالشكل دا ..

مرسي تاني
تحياتي
لورا

زائر

كلامك سليم يالورا وميه ميه وفعلا اذلال الحضري من قبل النادي الاهلي مرفوض ولا اعتقد ان الاهلي ممكن يعمل كده ميرسي جدا يالورا

موضوع: رد: حبيبها 2009-06-27, 2:16 pm

عصام الحضري من حقه الاحتراف زي اي لاعب
ماقولناش حاجة بس انا كنت زعلت من الطريقة اللي مشي بيها
وانا الصراحة اتمنى انه يرجع الأهلي خاصة لأن الأهلي في الوقت ده محتاجه
ومادام هو اعترف انه غلط في حق الأهلي وجماهيره واعتذر
يبقى خلاص ننسى المشكلة
ونفكر في اللي جاي الاهلي وراه بطولات كبيرة ومحتاج طبعا حارس مرمى جيد
لأنه طبعا هيبقى عامل مؤثر .. ولأن حراسة المرمى في الاهلي دلوقتي
بقت في ازمة ده مش تقليل من الموجودين ولا حاجة بس طبعا انا بقول ان عصام مستواه
اعلى منهم لأنه بيلعب ماتشات دولية مع فرق كبيرة وطبعا مستواه كان عامل مؤثر خلاه
يشترك في ماتشات كبيرة زي دي
ياريت يرجع الاهلي تانــــــــــي
وميرسي يا ميدو ع طرح الموضوع
.........................

زائر

ميرسي ليكي ياندي علي رايك وبحييكي علي طريقة تفكيرك الواقعيه في مشكلة الحضري حبيبها ان خلاص نحن في الحاضر والحاضر بيقول انه حبيبها اعتذر والاهلي محتاجه يبقي خلاص ميرسي جدا لمناقشتك الهايله دي

موضوع: رد: حبيبها 2009-06-27, 4:31 pm

رووووووووووووووعة
كلامك صح جدااااااااا
وعندك حق فى كل اللى قلته والله
موضوع جميل جدااااا
تسلم ايدك
وطبعا احنا كلنا مسامحينه لانه مهما كان كان بيشوف مصلحته مادام هى متضرش غيره

زائر

ميرسي جدا ليكي يالؤلؤه علي مشاركتك الجميله وميرسي علي كلامك الحلو في حقي اشكرك جدا

موضوع: رد: حبيبها 2009-06-27, 6:22 pm

اول حاجه ميرسي يا احلي ميدو

علي احلي توبيك شفته في الدنيا

وعلي فكره بأه.......

الحضري ده يتمناه اي نادي في الدنيا ماشي......

لأنه اضافه لأي فريق..ومهما يعمل هيفضل بردو الحضري

واللي عايز يسامحه..يسامحه..واللي مش عايز..ولا هتفرأ معاه ومعايا كمان

والناس اللي بتكلم وتقول الحضري ميرجعش دي اصلا رأيها ملوش اي لازمه

لأن القرار الأول والأخير لمجلس اداره النادي الأهلي وبسسسسسسسسسسس
وبعدين الحضري رجع الأهلي..راح الزمالك..راح الاسماعيلي
حتي رجع دمياط تاني..بردو هيفضل الحضري
وانا اصلا مش فارقه عندي الحضري يرجع الأهلي ولاميرجعش

ممكن يرجع الأهلي وميلاقيش نفسه في النادي زي زمان

ممكن يروح نادي تاني_اي ان كان_ويعيد اكتشاف نفسه من جديد

المهم عندي ان ربنا يوفقه وانه يكون مرتاح..والحضري عارف هو بيعمل ايه كويس

وعمره ما بيندم علي حاجه..ولا اي حد..ولا حتي علي جماهير منافقه حبته بس عشان مصلحتها

واما مشي باعوه ونسيو كل اللي عملو..لاء وايه بيقولو انهم جماهير النادي الأهلي الوفيه

الناس اللي عايزه تسامحه..سامحته من زمان..ووقفت جمبه

دلوقتي الكلام مش هينفع..ولا هيفرأ كمان

كل التوفيق ليك يا أحلي ابو يسن في الدنيا كلها

وفي اي نادي تكون فيه يا حبيبي

وحاجه كمان...........

نفسي يا ميدو بعد اذنك طبعا.. اشكر كل الاعضاء العساسيل او بمعني اصح الأوفياء

اللي ردوا ع التوبيك ده وردهم عجبني وهما بالترتيب....

سلمي..بجد انتي انسانه جميله وربنا يوفقك

شيمو الاهلويه...ميرسي علي كلامك الجميل

حماده..وجهه نظر بردو

حبيبه قلبي نهي..اكيد مش هيكفيني فيكي كلام الدنيا كله..انتي عارفه رايي فيكي

يا جميل ربنا يخليكي وميحرمنيش منك خالص..خالص..خالص

حنين مصر..عندك حق يا قمر وميرسي علي مشاعرك الجميله وكلامك اللي زي السكر

شروق...ميرسي ليكي يا قمرايا تسلمي علي كلامك الجميل

الكبير كبير يا كامتشو.. وانت كبير ومفيش كلام احسن من كلامك يا جميل وفعلا

اللي يغلط في الحضري يبأه بينافق نفسه

سالمهام..ميرسي يا سكر عليالاضافه جبتي م الأخر يا قمر

مجودي...احلي حاجه فيك انك بتقدر وبتحترم مشاعر غيرك

رغم ان انا عارفه رأيك ومتأكده منه كمان..بس انت مش قولتو عشان متجرحش

الناس اللي بتحب الحضري..دي حاجه بحييك عليها وبجد انت انسان جميل

عاشقه احمد فتحي..ميرسي يا قمر وربنا يكملك فرحتك ويفرحنا كلنا معاكي

اسماء الأهلويه...انا مش عارفه اقولك ايه.. ميرسي علي كلامك اللي زي السكر زيك

كده بالظبط يا قمر

وحشتيني يا لورا يا عسل...وميرسي علي كلامك وانا قولتها كلمه

ومش هقولها تاني..الي عايز يسامح الحضري يسامحه..واللي مش عاوز

ده مش هيقلل منه بالعكس هيفضل بردو الحضري

ندا..كلامك زي العسل والله وانتي كمان عسلين وتلات عسلات واربع عسلات كمان

وفعلا يا ندا الحضري ده احسن جول كيبار في الدنيا

ومحدش غيره هيليق بالنادي الأهلي

لؤلؤه العسل..عندك حق يا قمر ومش عيب انه يشوف مصلحته..

بس الناس مش سايبه حد في حاله..مش كل الناس..اكيد ناس معينه اللي بقصدها

ومسك الختام بأه

ميدو..بشكرك للمره التانيه ع التوبيك الأكتر من الرائع..وده مش جديد عليك

الفنان..فنان..يا ميدو وانت فنان جميل..وفي انتظار المزيد

اما بأه باقي الاعضاء انا مش قريت كلامهم..وميهمنيش اني اقراه اصلا

وربنا معاك يا حضري ويبعد عنك عيون الحاقدين

سوري ع الأطاله

موضوع: رد: حبيبها 2009-06-27, 6:35 pm

كلام جميل جدا يا ميدو الحضرى حيفضل هو أحسن حارس مرمى يحمى مرمى بيته يا رب الإدارة توافق على رجوعه لأن طال غيابه على الجماهير إللى بتحبه

زائر

ميرسي جدا يا سومه 222 علي تعليقك مشاركتك اللي بامانه خلصت الكلام وشرفتني ونورتني ميرسي جدا

زائر

ميرسي جدا ليك يامايسترو الملعب علي رايك وتقديرك ليا واتمني اشوف مشاركتك علي كل مقالاتي وميرسي كمان علي كلامك الحلو في حقي وميرسي علي تفاعلك الهايل ميرسي

» الحبيبة حاولت تهريب حبيبها السجين في حقيبة!

حبيبها

حبيبها

مواضيع مماثلة

مواضيع مماثلة