بكل حبي للحياه ولبلدي

زائر

بكل بسمه فوق شفايف ولدي بكل بسمه فوق شفايف اخويا وأختي بكتب النهارده في أهم قضيه شائكة في مصر قضيه تهدد مستقبل مصر وبالتأكيد موضوعي موجه لصغار السن تحديدا لأنهم هم المستقبل هم القادم بإذن الله موضوعي اليوم عن الجماعات المتأسلمه وأقولها صريحة جماعات متأسلمه وبعيده كل البعد عن الإسلام السمح والإسلام الحقيقي وما دفعني لفتح هذا الموضوع مجددا هو الندوة ألشعبيه التي قامت بها جماعه من هذه الجماعات في كفر مصيلحه وقال فحواها احمد المسلماني في برنامجه اليومي ألطبعه الأولي مساء أمس الأول علي قناة دريم ألفضائيه حيث أن محتوي هذه الندوة خطير جدا حيث أكد احد قيادي هذه ألجماعه المتأسلمه علي أن ألجماعه تثق في حب أهل كفر المصيلحه لها مستندا علي أن ألجماعه نجحت في أن تضم ألاف الشباب من هذا الكفر خلال اقل من سنه وقطعا فهمتم من أين يأتي الخطر هنا الخطر هنا علي هذا الشباب لان انضمامه قطعا كان باسم الدين وباسم الشريعة الاسلاميه وتطبيقها ولكن عزيزي القارئ هذا ظاهر سمح باطنه العذاب خاصة إذا ما علمنا أن الجماعة في مؤتمرها أو ندوتها علي حد سواء كانت تدعو للتحالف مع إيران ومساندتها بكل قوه مع العلم إن كل التحركات ألمعاديه لمصر سواء بالكلام والنقد والتهكم علي وطنيتنا كمصر وكمصريين كان بسبب اليد التي حركت هذه التحركات وهي يد إيران أو الأعمال الارهابيه التي كانت تدبر من حزب الله علي مصر كانت إيران هي المحرك الأساسي لها وهي من وراءها إذا إيران دوله معاديه لنا كأي عدو أخر بل أن الجرأة وصلت بهذه الجماعة لدعوة الجماهير لعدم رفض حركة التشييع وان التشيع ليس فيه شئ (والتشييع هو تغيير مذهبك من السنة للشيعة ) ولكن وإتباعا لقوله تعالي (عسي أن تكرهوا شئ وهو خير لكم ) صدق الله العظيم , لعل هذه الندوة تكشف النقاب عن أوجه هؤلاء المتأسلمين والمدعين الدين رواد التكفير وأعداء التفكير نعم هدفهم فقط الوصول للحكم وتكوين قوه رغم أنهم خلال سنوات طويلة تواجدوا دون أن يتقدموا مره بأي خطه مدنيه لإفادة هذا البلد فندوة كفر المصيلحه أشعرتني بالخطر علي حبي الكبير مصر من هذه الجماعات التي تحاول باسم الدين حصد عقول الشباب التي وللأسف أن عقول بعضهم أصبحت خاوية تماما والبعض الاخر سيطر عليهم الإحباط من ظروف المعيشة الصعبة وممارسات النظام القاسية لكن أيضا مهما كان خطر النظام يظل خطر آني أي انه وقتي أما خطر الجماعات فهو خطر اليوم وغدا خطر علي المستقبل لان الشباب هم رواد المستقبل إذا انزلقوا لخرافات الجماعات وابتعدوا عن الدين الحقيقي معني هذا أن البلد أصبحت بلا عصب وبالتباعيه بلا مستقبل إلي أين يا مصر ولكن علينا نعود من جديد لطبيعتنا ولحياتنا ولتقاليدنا وللدين الذي يحكم المجتمع بروحانيات جميله تهدي النفوس وتصفي الأجواء بين أبناء الوطن الواحد بالآذان وهو يصغي أذاننا 5 مرات في اليوم في شوارع المحروسة وبأجراس الكنائس يوم الأحد من كل أسبوع ولنري مصر كما نريدها وكما ينبغي لها أن تكون وقد تسألني أيها القارئ العزيز عن الحل وهو موجود أولا التقرب من الله وبالشكل الصحيح أي إن التقرب لله عز وجل لا يكمن في تأدية الصلوات والصوم وأداء باقي الفروض أو الذهاب للكنيسة والبعد عن الخطايا نعم كل ما سبق هام لكن أيضا التقرب إلي الله بالعمل الدءوب وبإتقان هذا العمل مهما كان دكتور أو سواق تاكسي أو ميكروباس والتعرف علي الدين بشكل جيد وعن سماحته والبعد عن التعصب حتى لا يستطيع رجال هذه الجماعات من جذبنا إلي التيار والسكينه تسرقنا ونلاقي نفسنا في خبر كان ودعونا نرفض كل هذه الخطابات التي تدعو للتحالف مع قوي معاديه لبلدنا ثم أن الإسلام يدعو المسلم لحب بلده والرسول عليه أفضل صلاة وأفضل سلام كان يحب بلده إذا الإسلام من خطابات هذه الجماعات براء براء براء أرجوك أيها القارئ العزيز أن نعمل سويا عشان مصر التي اعلم مدي عشقك لها واعلم انك تعشقها كما اعشقها أنا وغيري من أبنائها عاشت مصر لنا وعاشت شامخة بعدنا والله ولي التوفيق .

موضوع: رد: بكل حبي للحياه ولبلدي 2009-07-14, 11:01 pm

جميل اوي يا ميدو التوبيك
والأجمل حبك وتقديرك لبلدك
تسلم ايدك وفي انتظار المزيد

موضوع: رد: بكل حبي للحياه ولبلدي 2009-07-14, 11:07 pm

الموضوع تحفه يا ميدو تسلم ايدك
دايما كده مقالاتك جميله وفعلا
احلى حاجه فى الموضوع ع رأى
سوما هو حبك للبلد وده شيىء حلو اوى

موضوع: رد: بكل حبي للحياه ولبلدي 2009-07-14, 11:28 pm

تسلم ايديك يا ميدو التوبيك غايه في الجمال وانت دايما بتمتعنا بمواضيعك دي

وانا شاء الله هنعمل كل حاجه نقدر عليها
وفي انتظار المزيد

موضوع: رد: بكل حبي للحياه ولبلدي 2009-07-14, 11:37 pm

تسلم ايدك يا ميدو على التوبيك الرووووووووووووعة ده

زائر

سومه ميرسي ليكي اوي وواحشتني تعليقاتك جدا وبامانه افتقدت تعليقاتك جامد ميرسي

زائر

نهي ميرسي ليكي وياريت كلنا نحب البلد دي بجد وقطعا زوقك يتحدث عنك تشرفت جدا برايك ومشاركتك

زائر

ربنا يخليكي يايياسمين علي ردك الزوق ده وياريت نعمل اللي علينا بجد لان مصر تستاهل

زائر

بتشكريني علي ايه يادلوعتنا انا اللي ميرسي علي مشاركتك وردك الجميل

موضوع: رد: بكل حبي للحياه ولبلدي 2009-07-15, 1:40 am

ياريت الله يكرمكم تبعدو عن الكلام فى السياسه علشان ما تفلوش المنتدى بالضبه والمفتاح
وياريت الادمن يكون له راى فى الموضوع ده

زائر

اولا ياعمر اشكرك للمشاركه حتي وان كنت لم تبدي راي في المقال ولكن اعتقد ان البلد دي ليها علينا حق وانا بمارس حق البلد دي عليا وميرسي ليك جدا

موضوع: رد: بكل حبي للحياه ولبلدي 2009-07-15, 1:55 am

والله المقال جميل جدا ولا غبار عليه ولكن حنعمل إيه صوت الحق فى زمن الخرص ومعلش مش هتقدر أتكلم تانى لان منتدانا بقى نتراقب بعد ظهوره فى جريدة الجمهوريه

زائر

بص ياعمر انا بشكرك تاني مره وبتشرف بيك في مقالي احنا نعمل اللي علينا في حدود الادب واكيد ربنا هيكون معانا طالما مش بنغلط وعامة المقال مفيهوش حاجه زياده تشرفت بيك ياعمر

موضوع: رد: بكل حبي للحياه ولبلدي 2009-07-15, 2:35 am

اقتباس :: الحل وهو موجود أولا التقرب من الله وبالشكل الصحيح أي إن التقرب لله عز وجل لا يكمن في تأدية الصلوات والصوم وأداء باقي الفروض أو الذهاب للكنيسة والبعد عن الخطايا نعم كل ما سبق هام لكن أيضا التقرب إلي الله بالعمل الدءوب وبإتقان هذا العمل مهما كان دكتور أو سواق تاكسي أو ميكروباس والتعرف علي الدين بشكل جيد

عاجبنى اووووى الحل ده يا ميدو
بجد هو ده اللى الناس مفتقداه
انها تكون قريبة من ربنا وعارفها دينها كويس
ده الحل لاى مشكله مش بس الموضوع اللى انت طرحته
وعلى فكرة الموضوع مهم جدا يا ميدو
والاهم كان طرحه بالطريقة دى
لانك قولت العله وكمان الحل بتاعها
تسلم دماغك يا ميدو اللى مفيش منها كتير دلوقتى
وتسلم لنا مواضيعك المهمه بجد
واللى بتبين اد ايه انت مصرى
وبتحب البلد دى بجد وقلبك عليها

موضوع: رد: بكل حبي للحياه ولبلدي 2009-07-15, 2:39 am

تسلم ايدك يا ميدو..وطبعا مش جديد عليك
انت معروف بموضوعاتك الجميله وكلامك الاجمل
بس عندى تعليق صغير لازم الشباب قبل ما يفكروا يسمعوا كلمه من الجماعه دى يفكر فيها كويس
وعلشان يفكر فيها كويس لازم يعرف دينه كويس
بس على العموم تسلم ايدك

زائر

منه ربنا يخليكي علي كلامك الرائع ده وكلك زوق تعليقاتك جميله وعن الحته الاخرانيه انامصري وابن مصري وليا الشرف ميرسي اوي يامنه

زائر

عاشقة احمد فتحي انتي اللي مش جديده عليكي التعليقات المحترمه دي ميرسي جدا لتقديرك ليا ولمشاركتك ومساهمتك في المقال وانتي تجاوبتي مع المقال بشكل محترم

موضوع: رد: بكل حبي للحياه ولبلدي 2009-07-15, 4:33 am

كل التحية ليك ياميدو علي المقال الممتاز
وفعلا قضية مهمة جدا واحنا مش عاوزين نبقي زي العراق ونتقسم لفرق وجماعات
ونحارب في بعض من اجل الحكم
لازم نتبع ديننا زي ماربنا قاللنا في كتابه الكريم
وزي ما الرسول عليه الصلاة والسلام قالنا في سنته الشريفة
ومانحاولش نجري ورا اي كلام تاني
شكرا ياميدو

موضوع: رد: بكل حبي للحياه ولبلدي 2009-07-15, 7:01 am

الله عليك يا ميدو
تسلم ايدك بجد
وكلامك كله رائع
flower

موضوع: رد: بكل حبي للحياه ولبلدي 2009-07-15, 7:41 am

مقال ممتاز يعبر عن روعة وامتياز صاحبه ... قضية مهمة جدا تعاني منها الأمة الاسلامية منذ اعوام طويلة ... ان مثل هذه الجماعات تشكل خطرا يفوق خطر العدو الظاهر المعروف ان كان اليهود او أمريكا وحلفائها ... لأنهم يتحدثون باسم الدين الاسلامي فلذا تأتيك الطعنة من حيث لاتتوقع فلذا يكون الجرح أكبر ... أدعوا الله أن ينجينا من شرورهم وأن يرحمنا برحمته الواسعة وأن يفيض علي كاتب المقال بالحكمة وسداد الرأي وصواب اليقين .. وأن يجمعني وإياك علي خير في جنات النعيم ... تقبل مروري بفائق الاحترام والشكر والتقدير

زائر

ميرسي يا ميار لمشاركتك الجميله والمحترمه وياريت اشوف مشاركتك دايما

زائر

مها فينك من زمان مشوفتش ردودك عامة ميرسي وياريت ماتقطعيش مشاركاتك تاني ميرسي علي كلامك الحلو ده في حقي

زائر

ساحر القلوب ميرسي اوي علي كلامك الهايبل والمحترم وانا بكتب عشان مصر حبي الاول والاخير مش لاي حد تاني لاني بامانه لاتهمني الا مصر

موضوع: رد: بكل حبي للحياه ولبلدي 2009-07-15, 2:31 pm

تسلم ايدك ياميدو التوبيك رااائع موووت
مرسي ليك

موضوع: رد: بكل حبي للحياه ولبلدي 2009-07-15, 2:44 pm

تسلم ايديك توبيك جميل جدااااااااااااا