اولا ده شعر الشاعر الكبير
على سلامه



حوار مع ماضى النجار

كتب على سلامة ١٢/ ٤/ ٢٠٠٩
٩ ـ الشريحة

قاللى يا ابنى
الخشب هو الخشب..
إحنا بس غيّرنا شكل الكنب..
ودخلنا عصر الصالون..
هدمنا آخر معتقل
لكن بنينا ف كل شارع كراكون..
عارف..
أول ما قفلنا بابنا..
وحطينا كل أحبابنا
ف شريحة تليفون..
قلت استر يالطيف..
هو ده يا ابنى المصرى
الشهم الجدع
أبو دم خفيف..
هو ده اللى عبر
وحطم خط بارليف..
وهو اللى استورد أكل القطط
وباعه للناس على إنه بولوبيف..
هو اللى عمل
الأغانى الجميلة دى
وهو اللى سرق وغش
فى وزن الرغيف..
هو اللى ولع ف روحه
يوم ماتش الأهلى والزمالك
وهو اللى اتبرع
لمستشفى السرطان
وخد بإيد العاجز الكفيف..
وهو اللى شحن أهله ف عبارة
وسلمهم للوطن جثث
وقبض التعويض
والأتعاب والمصاريف..
كان باين يا ابنى
إن اللى جاى
صعب أوى ومخيف..
وكان الله ف العون..
هو الباب فين..























مين اللى الى قـــال

مين اللى الى قـــال يا حبيبى** ان الحـب فى المكــــان ده 00او حتى فى الزمــــان ده00 مين اللى قال000 مش ممكن تــــكون 00 فى جنه تانيـــه 000000فى مكان بعيــد00 بعيــد فى خضــــــــره عاليه00 مين اللى قــــال000مين اللى قــــــال ان القــــــــــدر** هايكون ويانــــا000 ولا حـــتى معانــــا00 ولاحـــتى عشرةالايــــــــــام-- هتبـــقى هوانــــا -- مين اللى قـــــال ياحـبيبى ------- ان الـــزمن فى الحب يطـــــــــــول ----ولا الدنيـــا هادوم على طـــــــول--- مين الـــــلى قال ياحبـــيبى-- مين اللى قــــال**** تبقى ماتعرفـــش غدر الايام ----- ولاحتى رهبــــة الاوهــام-- اوشــفت غــــروب الشمس---او فســــرت الاحـــلام000ميــــــــن اللى قـــال ياحـــــبيبى -----------عبد العزيز سليم



هذه الابيات اعجبتنى لشاعر يسمى علاء زين العابدين



يا مصر هواكي في دمي ومنك لوني00 من حبي يا حلوة هبوحلك بشجوني00 باشتاقلك ف البعد تمللي وباحلم بايامك00 دي صورتك فالقلب يا مصر وفعيوني00 ع الشط كبرت مابين رملك وسماكي00 من بَحَري لأسوان كان يحلىَ الجو معاكي00 يصحىَ نهارك بأدان وتخبَّط على بابه الأفران 00 أصواتك ف الفكر تعشش ولا أملك أنساكي00 الكروان ف الشاطبي يغني بلحن حزين00 ع الجيزة يطير ويحط ف عين السلليين00 لا يمنعه حاجز م الطيران ويحلَّق ف سحابك00 ويَمامك مشدود للأرض ويكتم ف حنين00 الحب يا بلدي وأشواقي متمنعنيش00 بالْهمّ أصارحك واكشفلك ولاخبيش00 أحوالك ما تسُر ولادك، عُزّالك ليه حابسين00 أحلامك في الذل وأحبابك بالكلابيش00 يا مصر انا باحلم بالفجر بيطلع من تاني 00 ومساجدك تتعمّر بالْهَدي الرباني00 يرجع من بلدي يشعشع نور الإسلام00 وع الدنيا يهل هلال العدل بقرآني00





مين اللى الى قـــال

مين اللى الى قـــال يا حبيبى** ان الحـب فى المكــــان ده 00او حتى فى الزمــــان ده00 مين اللى قال000 مش ممكن تــــكون 00 فى جنه تانيـــه 000000فى مكان بعيــد00 بعيــد فى خضــــــــره عاليه00 مين اللى قــــال000مين اللى قــــــال ان القــــــــــدر** هايكون ويانــــا000 ولا حـــتى معانــــا00 ولاحـــتى عشرةالايــــــــــام-- هتبـــقى هوانــــا -- مين اللى قـــــال ياحـبيبى ------- ان الـــزمن فى الحب يطـــــــــــول ----ولا الدنيـــا هادوم على طـــــــول--- مين الـــــلى قال ياحبـــيبى-- مين اللى قــــال**** تبقى ماتعرفـــش غدر الايام ----- ولاحتى رهبــــة الاوهــام-- اوشــفت غــــروب الشمس---او فســــرت الاحـــلام000ميــــــــن اللى قـــال ياحـــــبيبى -----------عبد العزيز س


ناعسه المصريه .....!!!!



قالوا أبن أدم تعرفه ويبان من العشره...والخشب يفضل خشب ويعيش عن القشره...وفيه وشوش صافيه وحليب وفيه وشوش كشره... المصري شهم وجدع مهما يميل الحال...وفى أى زنقه يسد ويساوى من الرجال عشره... عارفين أيه سر عظمة وقوة المصرى...السر أن وراه حوا مصريه...بنت الأصول طول عمرها حنونه ووفيه...مين ينسى ناعسه وحبها لأيوب...باعت عشانه شعرها صابره مضحيه...جميلك ياطاهره على الجبين مكتوب...بين الرموش مكانك وحضن قلبى التوب...والدنيا لو جت لعندك تبقى عليكى يدوب...عيونك دول ولا نيل يروى عطش المشتاق...ومافى جمالك مثيل ياسمرة البشره




واحــــــــــــد تـانى ... و صلحه ـــــــــــــ !!


صحيت فى يوم ... و ماكنش قصدى ... و شفت نفسى فى المرايه ــــــــ قلت مش ممكن ــــ !! ـــ أكيد حد تانى ... و عايش معايا ـــــــ سألت نفسى ... مين دا اللى كان ... من شويه ... واقف معايا ــــــــ قالت لى انت ... و الله انت ... بس انت ... مش دارى ... انك معايا ... !! ــــــــ قلت أجرب ... واعمل فى يوم ( انى ) واحد تانى ... يكون بدالى ... و يعمل انه ... زعلان أو غضبان ... يعمل انه ... مسافر أو مهاجر ... يجرب ... ويعمل فى يوم انه ... ملك ... أو ... زعيم ... و حواليه جماهير كتير ... و بصوت عالى ... يقول ... كل اللى كان ... فى نفسى ــــــــــــــــــــــ كل ده ... كــان سهل و يسير ... لكن العسير ــــــــــــــــــــــــــــــــــ انك فى يوم تلقى ( حد ) تانى ... يدخل مكانى ... مستشفى المجانين ...... ــــــــــــــــــــ و تحياتى من ( حيث أنا ) ــ الى الشاعر الجميل / على سلامه ... و الى جميع أحباء و قاطنى واحه ( ســــلامات ) ـ للحب و المعرفه .





الحاجه أم الاختراع .. والضغط يولد الاندفاع ..؟.



يقوللك المصري الحويط : العصفور بيتفللى .. والصياد بيتقللى .. ومن زمن الرخا والمصريين عصافير .. تشبعهم حباية .. ومع النيل مافيش عطش .. ومع أنين الساقية والناي والأرغول .. جنة الرضا . العصفور بيتفللى .. ولا همه .. والصياد بيتقللى عاوز يكوش على العصافير .. وأرزاقها .. حباية حباية . العصافير اتعلمت اللوع .. دهنت الهوا دوكو .. خرمت التعريفة .. وشغل الأراجوزات .. ودلعت الصبر .. من الجمال .. والنول .. ومفتاح الفرج .. لغاية ما وصلوا .. للصبر على الضرب وقالوا : علقة تفوت ولا حد يموت .. الصياد تعب من الضرب .. مات .








النقر واللسان...!!!!!





على قد شوقي و سلامك بخاف من كلامك../مش بياعين ولا نجارين دي ناس بتاجر في آلامك../ وفينك يا خشب يا زان ولطازان وبياض وفين زمانك../كلامك مش ملطوط ولا مبروم وربنا يبعد الغش عن دكانك../بنقر ولسان وكمان دهان أصيل علشانك../وفي وقت ماضي يكون فاضي حيعرف يعمل الشغل قدامك../عيني عينك بحروف ونقوش وناس بترقص على أحزانك../مهلبين وناقشين على الوهم وسارقين أحلامك../إنت قادر تتكلم وأنا مش قادر أتألم إلا في بابك../وكل يوم نقوم من النوم ندور عليك عملين حسابك../كيف زي الرغيف بغموس أو من غير.. حلو من جنابك../





فينك يامصرى..وفين ايامك..



المصرى طول عمره شهم وراجل** لكنه من كتر الاسى بقى يخاف يتظاهر** ما كان يعجبه غلط ولا كان فيوم عاطل** ضربوا بيه المثل فى الكرم وفى الجدعنه** يشوف محتاج يكبش ويديله** والأكل لجاره متغطى بمنديله** فقير او غنى تلقى النضافه طبعه** شبعان..جعان تحس القناعه عنده** وهوه ماحيلته حاجه** تلقاه شاكره كده و حمده** تلقى الرضا دينه** تاخد عنيه بالحب** وعدوه اللى يهينه** مش هوه اللى عدى قنال** وكان شديد العزم** ومضرب الامثال** وكان زئيره زئير اسد مجروح** مرار الهزيمه ف قلبه** ساكت ماكان بيبوح** لما قالوله يومك يابطل** كسر حصون وصروح** ورفرفت روحه** وما شفنا حد ينوح** اصله شهيد النصر** مسح سنين الغدر** خلانا نرفع راسنا فوق عالى** وسمعنا صوت الفرح والموالى** قالوا راح الشهيد وهنقرا عليه فتحه** بس ياخساره ابنه عاطل قاعد على القهوه** واخوه مهاجر يدور ..يفلح او يموت غرقه** ونشوف ناس كانوا تحت السرير ف الغاره** كانوا بيجروا يستخبوا جوه بدروم ف الحاره** ماكنش حيلتهم حاجه** دلوقتى شوفهم ف القصور عايشين** وملكوا كل البلد وطيارات راكبين** وسابوا الجعان يسند العيان** يغرق ف عباره او يتشوى ف النار** لا عندوا حته تلموا ولا عنده حتى دار** شوفتوا المصرى كان زمان ايه** وشوفتوا حاله دلوقتى بعد ما ركبه البيه** كل اللى فاضل ليه** اسمه لسه مصرى.. وجنسيته كمان مصرى !!!!




اتمنى يكون عجبكم

مرسى ليك
وتسلم لمرورك الجميل
نورتينى بجد

تسلم ايديك
أشعار جميييييييييييييييلة جدا

مرسى ليك يا جميل
نورتى التوبيك