وكل يوم بحبك اكتر من اللي فات

زائر

وكل في حبك تزيد الممنوعات وكل بحبك وبزيد في الاشتياق لان حبك في وجداني ووجدان كل من عاش هواكي هو كالمرض المزمن الذي نسال الله دائما أن لا يشفينا منه فحبك أنتي شئ ثاني ومهما زادت همساتهم عليكي نزداد تمسكا بيكي ومهما كثرت انتقاداتهم لكي ومهما تكلمنا في السلبيات ألمحيطه بكي إلا أن ولعنا الشديد بيكي يجعلنا نعود لنخرج الايجابيات ونتشبث بها ونجد أن الايجابيات والأشياء ألطيبه فيكي تنسينا كل ما فيه ضرر وتشعرنا أن الأمل موجود لتعودي مجددا يا أميرتي العزيزه يا ماضيا يا حاضري يا مستقبلي يا أمي يا أبويا يا كل ماليا تعودي لحنيتك علينا نعم يا مصر كل يوم بحبك اكتر من اللي فات لان النهارده وأنا بتصفح المواقع ألرياضيه كعادتي وجدت خبرا منشور عن أمير القلوب ابنك المخلص ابوتريكه بتبرعه بمبلغ مليون جنيه لمستشفي سرطان الأطفال وجمعيات خيريه الجميل في الخبر أن هذه المليون جنيه كانت قد أهديت للفنان من احد رجال الأعمال الاهلاويه المعروفين نظير إخلاصه للنادي الأهلي وهذا يثبت أن الخير فيكي يا مصر إلي الأبد وانكي حتما لامحاله ولآده فجميل أن نجد شخص يقدر ويكرم لاعب كره علي احترامه لمشاعر الجماهير بمبلغ من المال وجميل أن نجد اللاعب يظهر إيثار رهيب ويتبرع بالمبلغ بدلا من التمتع به لنفسه في موقف يظهر المعدن المصري وجوهره الجميل والرائع ويظهر ملامحك يا مصر في نفوس أبنائك التي لن تختفي أبدا بإذن الله ورغم أن هناك مشاكل عديدة في مصر إلا انكي ستتعدينها وتتخطيها بعون الله وبأبنائك المخلصين وبدراع الفلاحين يا مصر كما فعلتيها كثيرا فهذه ليست المرة الأولي التي تمر فيها مصر بأزمات سواء اقتصاديه أو اجتماعيه لقد حدث هذا كثيرا ولكن شخصية مصر دائما ما نجدها في اللحظات ألحاسمه فحينما كانت مصر تعاني قمع النظام الملكي والاحتلال الانجليزي أتت ألشخصيه ألمصريه متمثله في ثورة يوليو 1952 وأنهت عصر من عصور المهانة لمصر والمصريين وحينما كانت مصر مرمية جريحة حرب عقب نكسة 1967 استطاعت ألشخصيه ألمصريه من ألعوده بشكل أسطوري والاسطوره هنا متمثلة في إعادة بناء الجيش والانتصار في 7 سنوات الأمر الذي يصعب فعله علي اقوي كيانات في العالم ولكن ألشخصيه ألمصريه كانت لها ألكلمه العليا وحينما قبعت مصر تحت وطأت الإرهاب والدماء التي كانت تملئ شوارع قاهرة المعز وباقي أرجاء المحروسة استطاعت مصر بشخصيتها ألمتمثله في أبنائها الأبرار من تخطي فترة كانت عارا في تاريخ هذا البلد ولم يخفت صوت أبنائها إلا لما رجعنا بشمسنا وذهب عصر الإرهاب والقتل باسم الإسلام والإسلام براء من هذا واليوم مصر تعاني أزمات اقتصاديه واجتماعيه بسبب فساد في النظام من جانب وتراخي وسلبية الشعب من جانب أخر واتمني أن تخرج مصر من خلال أبنائها وان تعلو أصواتهم ويظهر عشقهم لمصر من خلال التحرك لأجل مصر فمصر تستحق منا أكثر من هذا تستحق الكثير وبقلها صريحة لما أقول أديتك مصر آه طبعا أديتك انك قاعد أآمن في بيتك أديتك إنها آوياك أديتك ونسبتلك تاريخ الفراعنة اللي أنت معملتش فيه أي حاجه ولا لك أي دور فيه لكن اتنسبلك لأنك مصري عزيزي القارئ كل ما سبق أعطته لك مصر فماذا أعطيت أنت لمصر أقلك أنا بقي أيها القارئ العزيز تركت من ينهب ينهب وأنت تولول فقط عذرا في التعبير وتركت من يفسد يفسد دون أن تقول أي شئ ولا حتى بالصوت اكتفيت بالنفخ ولعب الطاولة عالقهوه بدل ما تقوم وتشتغل اكتفيت بأنك تولول لان هناك من يعبث في التعليم ولم تحاول أن تنجح أنت فيما تتعلم لأنك إذا حاولت سيوفقك الله إتباعا لقوله تعالي( أن الله لا يضيع اجر من أحسن عملا ) فتريكه مثل حي لنا جميعا لأنه رجل تمسك بعشقه لبلده أولا وبشخصيته ألمصريه واستغل ألفرصه للنجاح فالنتيجة أن الله وفقه وصنع تاريخ لبلده ولنفسه في مجاله وأنت ماذا فعلت لمصر وماذا فعلت لنفسك انهض أيها القارئ المصري العزيز لسه في وقت أتحرك عشان ألشده تزول وارجع وأقول لكي يا مصر كل يوم بحبك اكتر من اللي فات ورغم أني في حبك بتزيد الممنوعات لكن بحبك ومتأكد أن القارئ العزيز بيحبك زى منا بحبك واكتر يا مصر .

الله عليك يا مييييييييدووووووووو يا جاااااااااااااامد يا سخن انت بجد انت بتعبر عن شعور كل مصرى بيحب بلده بجد وتسلم ايدك بجد رووووووووووعه

ده مش غريب ع الخلوق ولا ع ولاد مصر
بجد كلام الموضوع جميلللللللل جدا بجد تسلم ع مقالاتك الجمييييييييييله دى

زائر

ميرسي يامروان علي ردك الجميل ده والمحترم

زائر

ميرسي يادينا علي مشاركتك الرقيقه والذوق وميرسي علي تقديرك ليا وتشريفك المقال

فعلا والله يا ميدوو ده والله راجل المفروض اخلاقه دى تدرس ف كل العالم لكل الناس مش

للرياضين فقط .. بجد انا فعلا كل يوم بحبه اكتر من اللى قبله ...

والصراحه انا عمرى ماصدقت انه هيشمى ولا كنت مع اللى وقفوا ضده ولا اللى كتبوا انه هيرحل

ولا رديت كمان عليهم ... لانى متاكده انه مش هشيمى ولا هيرح ولا حاجه ... والحمد الله هو

عمل كده فعلا واثبت ليا انه يستحق كل حبى له ... بجد تسلم على الموضوع يا ميدوو تسلم ايدك

زائر

طبعا اشكرك علي ردك ولكن ياريت تناقشي صلب الموضوع معانا لان اساس المقال علي مصر مش علي تريكه وعامة شكرا جزيلا وميرسي اوي علي تقديرك لمقالي

ميرسى ليك يا ميدو وتسلم ايدك عالتوبيك الجامد
وربنا يخليك لينا يا ابو تريكة ويكتر من امثالك

زائر

ميرسي ياميرو عالمشاركه بس برضو المقال عن مصر ياجماعه مش عن تريكه وتريكه وساويرس كانوا مدخل للموضوع الاساسي ياريت نتناقش في الموضوع الاساسي مصر وفي القضيه الاساسيه مصر وميلرسي مره تانيه لتقديرك ياميرو

اخى المشكلة فى الوزراء الى بوظوا التعليم الاحنا الشباب مش عارفين نجوز مننا بقى قاعد على القهوة وباقى بيشحت
والثالث بيشرب مخدرات والرابع بيزنى والعياز بالله

مصر بلدنا مش لاقيه ا حد من الوزراء وكبار اللد يحسوا بيها
وشكرا

زائر

ميرسي ياتيري علي وعيك في الرد لكن لازم احنا نتحرك صدقني مفيش حد هيتحرك غيرنا ومره تانيه ميرسي جدا واحييك علي وعيك وثقافتك الواضحه قي تعليقك

تسلم ايدك بجد مواضيك كلها تحفه
مرسي ليك

والله المقال روعه ياميدو
وبالطبع تريكه شخص نعم القدوة للشباب المصري وربنا يكثر من امثاله
واتفق معاك تماما في ان معظمنا اكتفي بالولولة و زاد نفسه احباط علي احباط وحط ايديه لي خده وقال انا مفيش بايدي حاجة
نتمني اننا نفوق ويقدر كل واحد مننا يخدم بلده من مكانه
الدكتور والمهندس والمعلم والمهني و الفلاح والتاجر
وقبل كل دول الطالب
لان كل دول كانوا طلاب في يوم م الايام
ولو ماكانوش ادوا دورهم كويس كطلاب .. مش هيادوا دورهم ايضا بعد التخرج
كلنا بنحب مصر بس الحب مش بالكلام
تحياتي ياميدو للمرة التانية وشكرا ليك ع المقال

تووووبيك روعة في قمة الروعة تسلم ايديك

زائر

دعاء ميرسي ليكي عالتجاوب والمشاركه وميرسي علي تقديرك ليا

زائر

مدين ميرسي اوي علي المشاركه الجامده دي المتجاوبه مع المقال واللي بتضيف كمان للمقال ميرسي جدا لتقديرك

زائر

امنيه ميرسي لردك الذوق ده ميرسي اوي

مبــــــــدع ومتميـــــــز بجـــد مــاشاء الله بجد طلعـــت كلام كتيـــر كـــنت عــايزة أقولـه . بجد تسلم الأيااادي .

زائر

بنت تريكاويه احرجتيني بذوقك في الرد والتعليق ميرسي اوي اوي ويارب اكون عند حسن الظن دائما

لا بجد انا مش اد الكلام الرقيق ده
تسلم الايادى
على احن واطيب الكلام
ميرسى اوى يا جميل

على التوبيك الاكثر من رائع

تقبل مرورى

زائر

جيتار بلا ازتار اتشرف بقبول مرورك اكيد واتمني اشوف ردك دايما علي مواضيغي تشرفت بل زادني ردك شرف وتقدير

يا ابنى انت رائع
وجميل
وحكاية فى المقالات بتاعتك
مش لاقى كلام اوصف بيه افتخارى
انى معاك فى نفس المنتدى
تسلم ايدك يا ميدوووو يا جميل

كلامك جميل جدا يا ميدو و معبر عن إللى جوه كل واحد فينا

توبيك هاااااايل يا ميدووووووو واكثر من رائع يامان..
تسلم الأيادي ياااارب وديما بأستفيد من مقالاتك الجميله إلي مليانة بالفيدة والجمال والإسلوب الراقي موووووت ...
تسلم يااارب وديما مستنيه جديدك ...
Exclamation

اكيد ياميدو كلامك ده صح
لان هى دى مصر اللى بنحبها
ودول المصريين اللى بيحبوا مصر لحد اخر نقطه ف دمهم
واللى حضرتك واحد منهم من غير كلام
فيارب تحمى مصر وتكتر من امثال تريكه
ومن امثال حضرتك
ويارب منكتفيش باطلاق الشعارات ونحاول نخلى حبنا لمصر قول وعمل
مش كلام ع الفاضى
تسلم ايدك يا ميدو ع المقال المتميز ده كعادتك

» العضو اللي هيوحشك اكتر
» مساعدة لأخوكوا اللي عايز يعرف محلات بلاي ستيشن و هفضل ارد على مواضيع الناش اللي هاتقوللي
» ايه اكتر

وكل يوم بحبك اكتر من اللي فات

وكل يوم بحبك اكتر من اللي فات

مواضيع مماثلة

مواضيع مماثلة