ازيكوا يا تريكاويه
انا جيبلكم انهرده فكره جديده ويارب تعبجبكم
الفكره عباره عن تجارب
يعني كل واحد يكتب تجربه حصلت له او لحد قريب منه او لحد يعرفه
يعني يكتب عن التجربه واحدثها وايه ال حصل فيها وايه نتائجها
سواء بالتفاصيل او باختصار يوضحها
سواء كانت تجربه اليمه اوسعيده اوحزينه
ويكتب في اخر التجربه الدروس المستفاده منها
وايه ال تعلمه واثرت فيه من نحيه ايه

وانا هبدا بنفسي
انا السنه ال فاتت كنت في تانيه ثانوي
وكنت علمي وكنت واخده كمياء وكنت شاطره جدااا
وكان كل المدرسين مبهورين بيا وكانوا بيحبوني اوووي
وان كمان كان عندي هدف وكنت بسعي ليه وكنت بمل كل ال قدر عليه
عشان احققه وكنت بستكفي بساعتين وتلات سعات نوم في اليوم
ولي الرغم من كده كنت نشيطه وشاطره
وكان كل مدرس يتباء لي بمستقبل باهر واعلي الكليات
وبصراحه انا كنت مقطعه نفسي مذاكره
ولما جت الامتحانات حليت كويس واتبسطت واستنيت النتيجه من غير قلق وتوتر
لاني عارفه انا حليت ازاي
لكن جاءت الرياح بما لاتشتهي الانفس وجبت 87%وكشفت علي كل المواد بتاعتي
ولقيت ليا 20 درجه من جمع غلط واسئله مش متصححه اصلا ومرفتش اخد حاجه
طبعا انا انهرت جااامد جدااا وحالتي النفسيه كانت زي الزفت وفقدت الثقه بنفسي وفي كل ال حوليا
وكنت بفتكر كلام المدرسين ليا
وطلت الامتحانات ال كانوا بيعملوها في الدروس وقدت اتفرج عليه وقوول ازاي دا حصل
امال دا كان ايه كن لعب ولا حلم ولا ايه
انتوا عارفين لما حد يتعب ااوي وميلايش نتيجه وبسبب مش بايده وملوش دخل فيه ان كنت كده
وشوفت تعب سنه كامله راح علي الارض كنت هتهبل ومش عارفه ايه السبب من ضياع تعبي
واجتنبت الناس وغيرت رقم موبيلي حتي ماما وبابا مكنتش عايزه اتكلم معاهم
وكنت عاكسه نومي معاهم يني كنت بنام الصبح وصحي بليل بعد مهما يناموا
ومكتنش بخرج ولابتكلم ولباكل ولا بشرب
تجربه قاسيه جداااجداااا
بس عارفين لما خرجت من الحاله النفسيه السيئه ال انا كنت فيها
اتعلمت حاجات كتير منه زي
ان المفروض اتقبل الفشل زي النجاح
المفروض ني احول الفشل الي نجاح باهر
المفروض الرضا بالقضاء خيره وشره
اتعلمت ان الضربه ال متموتنيش تقويني
اتعلمت اني اقاوم الفشل والهزيمه ومستسلمش تاني بسهوله
اتعلمت ان الهروب مش حل زي ما انا عملت
اتعلمت الصبر علي المكروه والشدائد
اتعلمت ازاي يبقي عندي اراده وعزيمه قويه
تعلمت ازاي احط هدف وتنين وتلاته عشان لو واحد متحققش يبقي فيه اهداف تانيه
عشان متصدمش تاني
اتعلمت اني مقفش علي موقف وافضل اسيره عنده ومخرجش منه زي ما انا عملت
لان الحياه ماشيه ومش هتوقف

ايه يا جماعه محدش عنده تجارب ولا ايه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحمد لله انك قمت بالسلامه
ونك استفدت من تجربتك