alaa elahlawya
:: تريكاوي نشيط ::
المشاركات : 87
محل الاقامة : مصر(الشرقيه)
الوظيفة : طالبه
الهوايات : النت وتشجيع الاهلى
بتشجع نادي إيه : اكيد بش الاهلى
لاعبك المفضل : ابو تريكه وبركات واحمد فتحى ومحمد طلعت
تاريخ التسجيل : 19/07/2009
التقييم : 0
نقاط : 5685
::: : 
|  موضوع: خروجة شباب جامده  2009-07-23, 9:51 pm | |
| اولا ازيكم يا جماعه كلكم انا قولت النهارده ولاول مره هعملكوا موضوع عن الشباب ويارب يعجبكوا ومتخرجوش من غير رد والا  اولا : السنه الدراسيه 8 شهور طول السنه بطيخ اخر شهر بس هوا اللى مذاكره وخش على الامتحانات ويوم الامتحان يهان المرء او يهان ييجى الصيف الاجازه الحريهالفراغ النوم طول النهار والسهر طول الليل العربدهوالعربده متحلاش الا مع الشله العواطليه **********ويدور الحوار بينهم كالتالى اتفرجوا يا جماعه مع جوجو مش هتقدر ايديك ترررررررررم تررررمترررررررررررم تررررررررررم _الو.......مين؟_انت صحيت يا حيوان !_عايز ايه يا سى زفت؟ بتصحينى ليه؟_صحى الموت يا اخويا ....اوم يا عم الجثه الساعه داخله على 4 _ايه 4!!! الفجر!!_لاه طبعا العصر يا نانوس عين مامتك .....هوا بنصحى قبل كده يا خفيف _العصر وبتصحينى يا جزمه ومن غير رباط . اقفل بدل اما اصب عليك اللعنات وسبنى انام 4 _بس اسمع يا بوز الاخص انت ... اما محضر ليك بروجرااااااام للخروج النهارده ...انما ايه...ميخرش الميه...._ميخرش الميه ؟ قول يا عم الطشط ._ شوف يا سيدى ... اولا هنطلع على حتة كافيه فى المعادىلسه فاتح جديد ...انما ايه جامد طحن فحت رزع ضرب ._ هوا المنيمام بتاعتوا 55 جندى معلش انا عارف انوا غالى شويه بس مش هتصدق عندهم شيشه بجميع انواع الفواكه الصيفيه والشتويه والربيعيه والخريفيه والدقهليه وشك فى الحيط وقفاك ليا _ايوه بس ده مبلغ وقدره...هنجيبوا منين يا سبع البرومبه .. _ متخفش عامل حسابى .... ما انا هكلم الواد تامر الفرنجى بق ...ابن الغنيه ده اللى خرج معانا المره اللى فاتت ونبرشط على الواد...مش بقولك بروجراااام ميخرش الميه ....نياااااااهااااااا نياااااااااهااااااا _ خلاص ياعم العفريت خرمتلى ودانى بالضحكه الحماره بتاعتك ديه طيب ومين تانى هييجى معانا _ استنى بس اكملك البروجرااااااااام ..هنطلع من الكافيه على الساعه 12 كده .._هنطلع طبعا مش شايفين ادامنا والدخان طالع من ودانا ._ متخااااافش انا عاااااااامل حساااااااابى .... انا عارفه الجو ده طالبه معاه ايه ... احدث افلام الواد سعد الصغنن "لخمة راس" _ فيلم هايل هندخله ميد نايط _ طيب والاكل يا عم البروجراام ._متخفش عااامل حساااااابى والله ....هنطلع من الفيلم جعانين طبعا ..... وفى مننا اللى رجع وجاب اللى فى بطنه فى الكافيهوفى مننا اللى رجع فى السينما . _ طبعا احنا لسه خارجين من" لخمة راس " يبقي لازم ناكل لحمة راس _ هنطلع على عم عبده تلوث ندب الاكله التمام .. مش بقولك عااااااامل حساااااااابى ..... نياااااااااهااااااااااااا نياااااااااااهااااااااااا _طيب وبعد اما ناكل ونرجع اللى احنا كلناه هنعمل ايه يا فكيك ._عيب يا مان عيب يا كوتش عيب يا كوبلن ..وديه تفوتنى بردو ._ هنعمل الحاجه التى لاتخلو منها اى خروجه شبابيه تكون تماموز ... هنطلع على اى مول نتلطع قدام البوابه نعاكس فى مخاليق ربنا ...ويمكن ربنا يكرمنا ونختم اليوم اللذيذ ده بخناقه ... _ طيب كلم بقيت الاوغاد قولهم يجيبوا بطايقهم علشان احتمال نبات فى القسم الليله دى _ اكلم مين يا منيل انت .... العيال مترصصه على القهوه مستنين اما اصحيك يلا قوم يا مدهول على عينك _ طيب بقولك ايه... عايز اسالك على حاجه من اول المكالمه...مين معايا؟_ ايه الخفه ديه؟ احنا هنهزر ولا ايه؟ انا عمك وتاج راسك ياد .._ عمى ايه ده انا ابويا ملهوش اخوات ولاد .._ انت هتقوم ولا اجيلك البيت اقرفك فى عيشتك ؟ _ لا لا متجيش انت عارف ان امى مبتطقش تسمع سيرتك .._ ما انا عارف امى كمان مبتطقش تسمع سيرتى .._ المهم خلص بقى وانجز .وكل يوم على كده لحد اما الاجازه تخلص والدراسه تدخل .. والبطيخ يشتغل وتيجى الاجازه اللى وراها وهلو ما جرجر ولا حياة لمن تنادىوارجو ان ينال الموضوع اعجابكم |
|
CraZY titoOoO
:: مشرف سابق ::
المشاركات : 19683
تاريخ التسجيل : 20/05/2009
التقييم : 18
نقاط : 27553
::: : 
| | موضوع: رد: خروجة شباب جامده 2009-07-23, 10:00 pm | |
| هههههههههههههههههههه
جامد يا الاء تسلم الايادي
بس انا مش كده خالص
انا اه مش بعمل حاجة في الاجازة غير النوم وكدهه بس مش لدرجة الشيشة وكده
ههههههههههههههههههه
بس نايس توبيك |
|
alaa elahlawya
:: تريكاوي نشيط ::
المشاركات : 87
محل الاقامة : مصر(الشرقيه)
الوظيفة : طالبه
الهوايات : النت وتشجيع الاهلى
بتشجع نادي إيه : اكيد بش الاهلى
لاعبك المفضل : ابو تريكه وبركات واحمد فتحى ومحمد طلعت
تاريخ التسجيل : 19/07/2009
التقييم : 0
نقاط : 5685
::: :
| | موضوع: رد: خروجة شباب جامده 2009-07-23, 10:05 pm | |
| هههههههههه ميرسى جدا على مرورك |
|
الفيديو 
