البدري في مهمه انتحارية

في حوار بيني وبين احد اصدقائي اتفقنا علي انه لو اتعرض علي اي مدرب مصري تدريب النادي الاهلي مش من الفطنة ابداً انه يوافق .
كل الناس مدركة صعوبة الموضوع ومدرب نادي القرن شرف لاي فرد وفي مصريين كتير قدها وقدود والله لكن طبيعه وثقافة الشعب المصري لن توفر للمدرب المصري الجو اللي يقدر يشتغل فيه بهدوء ويقدر يطلع شغل كويس مع الفريق
وخلينا نقول كمان انه خصوصا في هذه الايام بعد رحيل جوزيه وحديث كل الاهلاوية علي انه لابد ان ياتي مدرب اجنبي له وزنه عشان رحيل جوزيه مايسيبش فراغ
انا في رايي الشخصي المتواضع يوجد مدربين مصريين علي درجة عالية من الكفائة تكاد تفوق كثير من المدربين الاجانب
وابرزهم طارق العشري الذي اتمني يوما من الايام انا اراه علي راس الجهاز الفني للاهلي او منتخب مصر لانه انسان فاهم وواعي ومتواضع وبيتعلم
وكذلك الكابتن حسام من اصحاب الشخصيات القوية ومدرب هايل ولو اننا مانقدرش نقيمه كمدير فني لانه لم يشغل هذا المنصب الا قليلا في حال سفر جوزيه
ولكن البدري خبراته كبيرة وان شاء الله سيتمكن من مواصلة المسيرة .
اللي انا عاوز اقوله ان حسام البدري بجد اسندت اليه مهمه ليست بالسهله .. والجمهور لازم يكون فاهم اكتر ولازم يبقي في مساندة للبدري تحت اي ظروف ومش عاوزين في يوم نسمع كلمة ارحل يابدري
مجلس الادارة اسندله المهمه لفترة معينه نسيبه يشتغل فيها مع لعيبته بهدوء ونسانده علي قد مانقدر
مابقولش ماننتقدش .. لا ننتقد الاداء زي ماكنا بننتقد جوزيه برضو ولكن اللي اقصده اننا ما ننقلبش علي البدري مع اول تعادل او خسارة لا قدر الله ونعيشه في جو من الارهاب ونزيد الضغوط اللي عليه اضعاف اضعافها
كل الامنيات للبدري بالتوفيق في مهمته الصعبه - اعانه الله - وكل الامنيات لنادي القرن بالاستمرار علي القمة .

بقلم : أحمد مدين

تسلم ايدك يا احمد
بجد التوبيك هااايل واتفق معك تماما
وفعلا لازم نساند البدري ونقف بجواره
ومننساش ان البدري قعد مع جوزيه فتره طويله واكيد اكتسب منه خبرات كتير
واكيد كمان شاف اسلوب التدريب واتعلم منه زي طارق العشري
وربنا يوفقه ويكرمه ويبقي احسن من جوزيه كمان
يعني انشاء الله التلميذ يفوق استاذه

تمام يا دعاء
المدربين المصريين كبار والله والعقلية المصرية كبيرة
بس احنا مابنديش ولاد بلدنا اللي بنديه للاجانب من الثقة ومن الاحترام
احنا كنا بننتقد جوزيه ولكن في حدود وكان في ملايين بيدافعوا عنه
شوفي بيحصل ايه لشحاته لما يخفق او لاي مدرب مصري في مكان
بالتوفيق ان شاء الله للبدري

شكرا شباب للمرور الجميل

بس بالمناسبة ياسيف انا عارف اكيد ان ادارة الاهلي محترفة وهتتعامل مع البدري بافضل صورة ممكن يتمناها اي مدرب كبير
انما انا قصدت الجمهووووووووور
وان شاء الله كلنا واثقين في امكانياته وربنا يوفقه ويعمل شغل كويس مع الفرقة

ان شاء الله كل التوفيق للبدرى
وانا اتوقع ان البدرى يثبت جدارتة فى النادى الاهلى
هو شرب كتير من جوزية واكتسب خبرات فى الادارة لاباس بها
واظن ان حبة اجتهاد واصرار من الاعيبة ممكن يكون من افضل مدربين الاهلى ان شاءالله
كل التوفيق للبدرى

شكرا عالطرح المميز يااحمد
وعالاسلوب المعهود ليك طبعا

نسيت اقول ان البدرى ماسك الفريق بقبضة من حديد
وماشاءالله مسيطر عالوضع تماما

عاجبنى اوى قوة شخصيتة ودى من سمات المدرب الناجح
كل التوفيق للبدرى

شكرا ع المرور يا ايات
وانا مازلت باكرر نفس الكلام
البدري بجد حد محترم وكويس وبغض النظر عن الامكانيات المهمه اقل ماتوصف به
هي انها انتحارية
ربنا معاه

شكرا ع المرور يا ايات
وانا مازلت باكرر نفس الكلام
البدري بجد حد محترم وكويس وبغض النظر عن الامكانيات المهمه اقل ماتوصف به
هي انها انتحارية
ربنا معاه