بسم الله الرحمن الرحيم ..
اتمنى تعجبكم الاسئله ..
_ هل انت تفعل ما تقوله هنا بالمنتدى ..؟؟
اللى بنقوله هنا آراء معينة فى موضوعات معينة أما تصرفاتنا اليومية دى حاجة تانية لو تقصد إن شخصيتى هنا داخل المنتدى هى هى شخصيتى بره فإجابتى هى لا بنسبة على الأقل 25 فى المية ونعم بنسبة 75 فى المية بمعنى انى بتواجهنى ظروف ومعاملات يومية فى العمل او الشارع تضطرنى اخرج عن الشخصية اللى ببقى عليها وانا فى البيت او فى المنتدى لكن انا فى المنتدى زى ما انا فى البيت بالظبط _ اعتذار تريد ان تقدمه لمن ..؟؟
لكل حد ممكن أكون جيت عليه أو زعلته او ضريته وبالأخص لأى حد ممكن إنى أكون إغتبته
_ ماذا ستكتب لنا لتعبر عن حياتك التي عشتها الى الان في كلمات قليله ..؟؟
الوقت عدى من غير ما احس أو الحق احس_ اذا اردت ان تبكي الان , فعلى من تبكي ..؟؟
هابكى على فراق النبي صلى الله عليه وسلم وعلى انى ما عاصرتوش لكن لو بتتكلم عن مين بعد النبي او مين فى الأشخاص اللى قابلتهم فى حياتى هابكى على أبويا أنا أبويا عايش ماماتش ربنا يطول فى عمره يا رب لكن ببكى عليه لإن ظروفه الصحية أعاقته عن إنه يبقى حد مهم جدا ومفيد جدا لكل اللى حواليه وللبلد دى كلها وعلى فكرة انا بتكلم دون أدنى شبهة مبالغة_ من ستختار ليمسح دموعك ..؟؟
اللى بتمسحها كل مرة حبيبتى اللى قبل أى حبيبة وبعد أى حبيبة أمى _ لو خيروك بين حبيبك وبين اعز صديق فمن تختار ..؟؟
اختار أكثرهم استحقاقا للتضحية علشان تضحيتى بالاخر ماتروحش هدر _ماهو تقييمك لهذا المنتدى بصراحه ..؟؟
تحت اى بند سواء كان الصراحة أو الحب أو التقدير أو العرفان بالجميل أو الشكر على الروح الأسرية الجميلة اللى إدهاتى المنتدى ده فووووووووووووووووووق الممتاز بمليون درجة
_ من يسكن قلبك ..؟؟
حبيبتى
_ هل تعتقد ان حظك سيئ ..؟؟
بشكل كبير _ هل تدخل الشات ..؟؟
أحيانا _ هل هزمك حزنك في يوما من الايام ..؟؟
لا مش بمعنى الهزيمة ممكن أحزن بطريقة مؤثرة أبكى من شدة الحزن ممكن لكن هزيمة هزيمة لا صعب _ ((مستحيل انســـاك)) لمن تقولها ..؟؟
لو تقصد حد فقدته يبقى للإنسانة اللى حبيتها وما كنشى فيه نصيب نستمر سوا لأنها اتجوزت لكن لو تقصد حد لسه معايا ماسبتهوش يبقى أشرف صديقى _ (( اللي راح راح وما تفيد كلمة ياريت )) إذا أردت ان توجه هذه العباره لنفسك, فماذا تقصد بها ..؟؟
عدم الالتحاق بالجامعة وعدم الاحساس بروعة الحياة الجامعية _ (( انت كل شيء بحياتي )) لمن تقولها ..؟؟
لزوجتى (لما أتجوز إن شاء الله ) _ متى اخر مره بكيت ..؟؟
مش متذكر بس كان من مدة مش كبيرة ومش صغيرة كمان _ اي الدول تتمنى ان تزورها ..؟؟
الهنـــــــــــــــــــد 
_هل لديك الجرأه ان تقول عمرك أمامنا ..؟؟
بص كده ع اليمين فوق شوية تحت الصورة الرمزية بتاعتى هاتلاقى سنىعموما هو 30 سنة _هل انت راضي عن نفسك ..؟؟
لا _بماذا تقر وتعترف أمامنا الان ..؟؟
اقر واعترف بانى انسان كسووووووووول جداااااا
_ اغمض عينيك دقيقه لو سمحت, ماذا خطر على بالك وانت مغمض العينين ..؟؟
فكرت انام شوية اه والله _هل تؤيد الزواج العاطفي ام الزواج التقليدي ..؟؟ ولماذا ..!!
الزواج العاطفى لأانى سهل أعيش مع حد لانى بحبه
عن انى احب حد لانى هاعيش معاه _أيهما أهم شهادتك الجامعية أم الزواج ممن تحب ..؟؟
أنا ما دخلتش الجامعة من اساسه
_ هل من الممكن أن تتحول الصداقة الى حب ..؟؟
أيوة ممكن وممكن قوى كمان_هل تعترف بشيء اسمه الصداقة بين الرجل والمرأة ..؟؟
بحدود معينة وكتيرة
_هل كنت السبب في يوما من الأيام أن تدمر حياة شخص سواء العملية او الاجتماعية او العاطفية ..؟؟
ابدا الحمد لله _هل أنت مدمن تفكير ..؟؟
لا مش قوى يعنى لدرجة الإدمان _ من هو أكثر شخص تفكر فيه ..؟؟
مافيش حد معين فى الوقت الراهن بس فى ناس كتير بفكر فيهم باستمرار_ إذا تم تعيينك ملكا لجميع البلاد العربية فما أول قرار ستتخذه ..؟؟
تطبيق الشريعة الإسلامية
ومش مجرد شعارات وهامنع جميع اشكال التسيب الدينى والأخلاقى اللى جابت مجتمعاتنا ورا_هل تكره شخص بشده في حياتك ..؟؟
ماعنديش القدرة على الكراهية بشدة ممكن اكره اه لكن بشدة لا وبصراحة مش فاكر انى كرهت حد قوى فى حياتى
_ ما هو اقتراحك الذي تتمنى أن يحدث في هذا المنتدى ولم يحدث إلى الآن ..؟؟
تغيير نمط المنتدى وشكل الصفحات حتى الرئيسية وبعدين أنا إقترحت عليهم ابقى الأدمن 
مش عارف ليه مانفذوش اإقتراح ده 
ممكن حد يقولى ليه 
_هل ملابس الشخص أمامك تؤثر فيك لتأخذ عنه انطباع ..؟؟
مش بشكل كبير لكن أكيد بتأثر بنسبة معينة
_ما الذي يلفت انتباهك بسرعة في الشخص لكي تعجب به ..؟؟
نظرات عنيه وهو بيتكلم لو حسيت انها صافية ومافيش فيها حاجة تحسسنى انها كذابة او لئيمة _ اذا أحببت شخصا في الوقت الخطأ وفي المكان الخطأ فماذا تفعل ..؟؟
لو الظروف ساعدتنى ممكن اخلى الوقت الخطأ وقت مناسب والمكان الخطا بردو مكان مناسب اما بقى لو ما ساعدتنيش الظروف هاحزن لمدة طويلة كانت أو قصيرة بس بعد كده لما اكتشف ان حزنى مش هايغير حاجة هارجع ابتدى من جديد واحاول الاقى الشخص المناسبفى المكان المناسبوالوقت المناسب
_ حكمة تؤمن بها جدا ..؟؟
التاس فيما يعشقون مذاهب _ عاده تفعلها دائما تتمنى أن تتركها ..؟؟
تضييع الوقت وعدم استغلاله الاستغلال الامثل
_ ماهو اجمل اسم لولد واجمل اسم لبنت من وجهة نظرك ..؟؟
أجمل اسم لولد محمد و عبد الرحمنواجمل اسم لبنت مى و حنين
_ ماذا تفعل اول شيء اذا ربحت ملايينا او مليونا عشان مانكون طماعين ..؟؟
مش هاقدر افكر الا لو كانوا فى ايدى
_ هل أنت من لديهم رغبة حب التملك وإذا تملك الشيء أصابك الملل منه ..؟؟
لا ابدا _ مارأيك في صاحب الموضوع بصراحه ..؟؟ بدون مجامله ...!!!!
ماقدرش اقول رأى فى حد ما عاشرتوش لكن اقدر اقول من خلال التوبيك ده واختياره ليه انه ذكى وجرئ
دمتم بخير
دمتم بكل خير وصحة ميرسى جدا على التوبيك الجميل يا جميل
الفيديو 
أحدث الصور 
موضوع: آسئلة صريحة ، حزينة ، جريئة ، عاطفية ...( آنت قدها؟؟ .. آدخل وجاوب) 
2009-07-25, 12:27 pm
