Treikawymagoody
:: مراقب سابق ::
المشاركات : 4146
العمر : 45
محل الاقامة : مصــــــــر
بتشجع نادي إيه : الأهلــــــى
لاعبك المفضل : أبو تريــكة
تاريخ التسجيل : 14/07/2008
التقييم : 4
نقاط : 7720
::: : 
 |  موضوع: يا عروســة  2009-07-26, 4:17 am | |
| تذكير بمساهمة فاتح الموضوع :يا جماعة أنا اسف جدا لو جو القصيدة دى
كان كئيب شوية زيادة عن اللزوم
بس الفكرة جات فى دماغى
ما قدرتش اقاومها بصراحة
وكتبتها ورزقى ورزقكم على الله بقى
اسف كمان مرة لانها بجد غامقة قوى
يا عروســـة
يا عروســـة إلبسى توب الحداد
بدلى فستانك الأبيض سواد
وإقلعى الطرحة اللى فوق راسك
ده الحزن جاى من غير معاد
الحزن جاى من غير معاد
يا عروســـة إلبسى التوب الحزين
سكنى بين الضلوع نبض الأنين
وإكتبى حكاية جراحك بالدموع
كل صفحة ألف سطر مزنَّقين
مافيش عريس مافيش فرح مافيش ولاد
والحزن جاى من غير معاد
يا عروســـة غنى لحن الآه
حلم بكرة فى الشوارع تاه
وماعادش تانى بين الأمانى
بسمة تنادينا او فرح نستناه
كل اللى سافروا قالوا هانرجع ولا حد عاد
والحزن جاى من غير معاد
يا عروســـة كحلى عيونك دموع
وإطلقى الصرخة اللى مابين الضلوع
وإرجعى من سكــــة الفــــــرحـــة
يا عروســـة ده وقــت الرجـــــوع
كل اللى بيحبوكى ماتوا
عنتر وأبو زيد الهلالى وسندباد
والحزن جاى من غير معاد
مجدى
عدل سابقا من قبل Treikawymagoody في 2009-07-26, 7:22 am عدل 2 مرات |
|
الفيديو 
