كلام جميل يا ميدو بس مين يسثفيد
على فكرة انا مش عارفة يا ترى الاهلى هيحصل على الدورى السنة ديه ولا لأ0000000000000

والله معاك حق ف كل كلمه يا ميدو وكل حاجه صحيحه

البدرى فعلا عايز يعمل اى حاجه او اى تغير من بعد جوزيه عشان لما ينجح مايقولوش

انه نجح بنفس طريقه جوزيه وانه بيقلده وانه وانه وانه ,, هو قال لازم اغير اى حاجه

وكل حاجه وللاسف لو كان التغير صحيح كنا قولنا ماشى

لكن ده عايز لسه يربى عقليه لاعب بيلعب بطريقه معينه ومتربى عليها من صغره

وكبر وبقى لاعيب كبير اوى بيها وخلاص اللاعب ده كبر يعنى مش حمل انه يتدرب

على حاجه جديده بقى ... هو اعتقد انه فاهم كل ده كويس اوى وهو ذات نفسه

كان لاعب ومجرب اعتقد الاتنين وعارف انهى اللى كان مرتاح فيها لانه كان مدافع

بس هنعمل ايه الغرور والانانيه اللى فيه خلوا يعمل كده وخلاص

خلوا يدمر جيل كان حلو اوووووووى لما كان بيلعب بالطريقه اللى بيفهمها

ومتدرب عليها من صغره

للاسف دمرهم كلهم لان الطريقه دى مش محتاجه مدافعين كويسين وبس

لا دى محتاجه كل حاجه تبقى كويسه دفاع طبعا وخط وسط وهجوم والحارس وبالذات الحارس ده

وهو بوظ كل دول ,, مع انهم والله حلوين ويجى منهم بس مش ف الطريقه دى

هما كانوا احسن مدافعين واحسن مهاجمين واحسن حارس ف افريقيا لما كانوا بيلعبوا

بالطريقه اللى فاهمنها ولايقه ليهم ولعقولهم

وياريت ياريت بجد البدرى يتراجع عن اللى ف دماغه دى

لانه مش بيبوظ دول وبس , لا ده بيبوظ نادى كبير نادى بطولات ونادى عظيم

وله جمهور كبير وعظيم ومش راضى نهائيا عن اللى بيعمله ده

واحب اشكرك طبعا على الموضوع المهم ده يا ميدوو لانه فعلا خطير جداااااااااااااااااااااااااا

على الاهلى ومستقبله وشكرا تانى ليك

أنا شايفة عكس اللي إنت بتقوله خالص

البدري عايز يلعب بطريقة امستقبل هو ممكن يخسر كل البطولات السنة دي أي نعم

بس بعد كده هتبقى دي الطريقة الصح

وخدوا بالكم من حاجة إن دي نفس طريقة حرس الحدود وطارق العشري

وأنا أراهن إن حرس الحدود هو اللي هياخد الدوري السنة دي

فا أصبروا على حسام البدري شوية علشان يثبت نفسه

معاك حق وحسيت بكدهمن اول الحكايه انك بتحكي عن الاهلي بس هو انا عايزه اسال سؤال ومعلش لو كنت جاهله فيه شويه هو ليه ميلعبش بطريقة جوزيه القديمه في الماتشات الرسميه ويلعب بطريقته في الماتشات الوديه وبكده يكون بيدربهم لحد ميحس انهم كويسين شويه فيها ويبتدي يكمل بيها

كلامك حلو يا ميدو
بس لازم نصبر علي البدري زي ما صبرنا علي جوزيه وعلي لاعيبه كتيره
ليه يعني مش نصبر عليه يمكن مع الخبره يعمل حاجه
وان شاء الله احنا الي هناخد الدوري باذن الله

midoelkhashab كتب:

سالمهام احترم وجهة نظرك تماما لكن بقلك ان التغيير الشامل لايمكن ان ينجح والاهلي ليس الحدود فالحدود عمره 6 سنين والاهلي 102 سنه لازم نفهم ده وميرسي مره تانيه ليكي

أولا إسمي سلمى

وفيها إيه يعني لما الأهلي يقع سنة أو سنتين وعمره 102 سنة
هوكده أو كده هيقع لأن اللاعيبة 75% منهم جداد فلما يبدأ بطريقة جديدة يبقى أحسن

مش قصدي إنهم وحشين بس هم لسه جداد معندهمش روح البطولة قوي يعني

لما يلعبوا من صغرهم على طريقة جديدة هتنفعهم بعد كده لأن كمان دي الطريقة العالمية

وفي الأول والآخر دي وجهة نظر

اقتباس :

ايلا هو ده اللي انا عايزه حلول واقتراحك
ده احترمك عليه وعلي طرحك ممكن بس المهم ان يكمل علي اللي قبله ميلغيهوش
ويبتدي من الصفر والا هنفضل طول عمرنا في الصفر ميرسي جدا يا ايلا

انا اسمي الاء
وبعدين زي ما العلم تراكمي وجهد متصل ففعلا كل حاجه وكل خطه وكل اكتشاف كده لو كل واحد بدا من الصفر مش هنبتكر جديد لازم كل واحد يبدا من لحظة انتهاء اللي قبله وبكده مش هتتلغي شخصيته لانه هيبتكر اكيد