مش عارفة اقول ايه انا شايفة ان حراسة المرمى فى مشكلة كبيرة جدا اتمنى ان اللى بيحبوا الاهلى ما يزعلوش منى من اللى هقولة
اولا
حراسة المرمى لابد من حارس مرمى يحافظ على عرين الاهلى
الاهداف بتدخل بسهولة مع الحارس امير

الم يكن من الافضل ان يتم التعاقد مع حارس مرمي جيد بدلا من ال 15 راس حربي اللي موجودين

راي وبصراحة
لا امير ولا صالح يصلحوا لحارسة مرمي الاهلي
وياريت الكابتن احمد ناجي
يتمهل في تصريحاته في هذة الايام
علشان جمهور الاهلي شبع تصريحات وردية بالنسبة لحراسة المرمي
يا جماعة اللى بيحب الاهلى يقول مين اللى مش لعب حلو فى كل ماتش يا ريت


لازم تشاركم بصراحة الاهلى محتاج ايه عشان البطولات ترجع لنا





امير وصالح سبب ضياع البطولات منا






محدش يزعل عشان انا بحب الاهلى نفسى يكون احسن فريق هجومنا كويس والحمد للة بس عشان تريكة موجود
والدفاع محتاج ترميم




حرام عليك يا كابتن ناجي انته والبدري انكم تعاقبوا 60 مليون أهلاوي لأنكم بتحبوا أمير
احنا ذنبنا ايه؟؟؟؟
كابتن ناجي وكابتن بدري انتم الاتنين عارفين ان جوزيه طلب في تقريره الاستغناء عن خدمات سيادة الأمير, وللأسف مازلتم مصرين انه احسن حارس في تاريخ مصر, وللأسف ان كابتن ناجي هو الوحيد في مصر اللي بيشجع أمير... يعني لو كان ده حرس الحدود فما بالكم ببرشلونه وسيلتك هنعمل معاهم ايه, ربنا يستر ع الاهلي







كابتن حسام:
احنا بقالنا سنة ونص كجماهير الأهلي بنعتبر الأهلي بيلعب 10 لعيبة ياترى انتوا حاسين بينا ولا حبكم لأمير الحراس اكبر من جمهوركم ومصلحة الفريق!!!؟؟؟؟
يا كابتن حسام من اول ما الامير حرس مرمى الاهلي لا تتخيل الرعب اللي كنا بنعيشه كجماهير للأهلي بمجرد رؤيته في تشكيل الفريق وشوفنا رمزي احسن منه شوية لكن للأسف احنا دايما بنقول ان لعيبة الأهلي 10 مش 11 يعني امبارح بعد طرد احمد السيد بيه الاهلي كان بيلعب 9 لعيبة والكورة الوحيدة اللي اتلعبت على الجول من حرس الحدود ما شاء الله لا قوة الا بالله احمد عبد الغني باصاها وقمر كملت الصورة..
ياريت تبصوا على الكورة العرضية اللي في الشوط التاني لما عدت من قدام الامير, اقسم بالله انا واصحابي وكلهم اهلوية موتنا على روحنا من الضحك على منظره ورميته الغريبة بكتفه وما لمس الكورة يعني الراجل متعود يعمل واجب ومنظر على اي كورة, ده عرة الحراس وصمه عار في تاريخ النادي الأهلي كله مش في حراسة مرمى الاهلي بس








معلش يا جماعة انا انفتحت وزهقت ولازم اطلع اللى فى قلبى






يلا بقى نبتدى الدورى ونقول فى كل مباراة للاهلى مين احسن لاعب ومين اسوأ لاعب







وشكرا

طبعا الكابتن أمير كان مشارك بدور كبير فى الجونين و كمان أنا شايف الدفاع ما فيهوش غير وائل جمعة إنما الكابتن أحمد السيد كل مره يتطرد و هو الكابتن و عندك حق بدل كل المهاجمين إللى إشتروهم كانوا يشوفو عيوبهم فين أكتر و ربنا يوفقهم

الحمد لله فى حد شايف اللى انا شايفاه

تسم ايديك وموضوع جميل جد ا

يا ريت يا جماعة كل مباراة نقول مين احسن لاعب واسوا لاعب وشكرا جدا على المرور

يا جماعه ماله رمز صالح واهو كان بيلعب فى الدورى والحمد لله كسبنا الدورى وادينا شفنا كلنا هوه صد اهداف كتيره فى الدورى وبعدين فكرين الحضرى قعد 15 سنه فى الاهلى وكان زى الطين وكان الاهلى مستحمله لحد مبقى كويس وهو اتفرعن على الى صنعه وهرب وبعدين سبب ضياع الكونفدراليه هو فلافيو وجلبرتو ولا نسيتوا ده يا جماعه المفروض نصبر على رمزى صالح شويه مش كده والله ده حارس مرمى كبير اوى وهيكون احسن من الحضرى ملون مره بس بصراحه امير صبرنا عليه كتير اوى انا برشح ان امير يمشى واحنا عندنا حراس مرمى متار زى احمد عادل عبد المنعم وبجد نفسى الاهلى يجيب شريف اكرامى وهوه كمان جميل جدا وبعدين انتوا نسيتوا الحضرى عنده كام سنه

أيوه لما الكابتن عصام كان لسه قاعد كان فيه الحارس كويس جدا معاه و لما الكابتن أمير كان قاعد كان الكابتن عصام معاه يبقى إحنا محتاجين حارس كبير يقدر إن هو يقف و يفضل الكابتن رمزى صالح لحد ما يبقى جاهز مع إنى ما أعتقدش إنه حيكون فى مستوى الكابتن حضرى

الحمد لله انى رأيكم معايا يبقى المطلوب البحث على حارس مرمى يليق بأسم الاهلى
او نجرب احمد عادل عبدالمنعم ممكن يكون كويس

وميرسى يا شباب على المرور

يا جماعة احنا عايزين نطمن على عرين الاهلى ده حقنا وعايزين حارس جيد جدا وممتاز ما يدخلش الجون فية بسهولة
وبعدين اناقولت ان الدفاع محتاج ترميم بردة
بس الحارس المرمى نصف الفريق

ايه رأيكم يا اهلاوية فى المبارة النهاردة

يا ترى هنعمل ايه مع البارسا

وادينا عاملين نخسر بسبب اخطاء فردية وبعدين

والله الواحد مش عارف يقول إيه

بس أنا عايزة أفهم هو ليه مادخلش رمزى صالح؟؟؟؟؟؟؟؟؟؟؟؟؟؟

والماتش بتاع السوبر كان وحش جدااااااااااا

وكمان ماتش سيلتك والبارسا مكنش هو ده الأهلى

يالا ربنا يسامح اللى كان السبب

انت لسه شفتى حاجة يا اسراء هم ناوين يجننونا

يا ترى الاهلى هيعمل ايه مع غزل المحلة

انا مش عارفة الاهلاوية فين0000000000000000

الحمد لله اللى الناس شايفة اللى انا شايفاه

مبروك للاهلى

الف مبروك على المبارة ويارب نكمل فى الدورى احسن انشاء الله

ايه رأيكم فى احمد عادل عبدالمنعم الحارس الواعد