يا جماعة انا هغير فى الواقع

ازيكم واخباركم ايه يا جماعه ..؟ يارب تكونو بالف صحه وخير يارب ..

---

النهارده ومن اسم التوبيك ده .. - غريب شويه - .. ممكن نكون سمعناه قبل كده في اعلان فيلم احمد حلمي الجديد ( 1000 مبروك ) ..

بس خلي بالكم هو قال ( انا هغير الواقع )
والتوبيك اسمه( انا هغير في الواقع ) . اكيد فيه فرق .

الحقيقه انا لسه متفرج علي الفيلم من 3 ايام .. وبجد عجبني .. - ده مش دعايه للفيلم ولا حاجه .. ( حد بردو يسيب تريكة ويتفرج علي احمد حلمي ) يا جماعة انا هغير فى الواقع 866266

بس حابب اقول انا طلعت بايــه من الفيلم ده .. وهل احمد حلمي في الفيلم غير الواقع ولا غير في الواقع ..

ممممممم ..

باختصار عشان الناس الي مش شافت الفيلم هقول فكرته سريعه كده الحقيقه ..عشان نبنى عليها الي عايز اقوله .

احمد حلمي طالع بدور اسمه احمد في الفيلم .. واحمد ده شخصيه زي متقولو كده .. مستهتره شويه . معروف عنه الاستهتار ..

من باباه ومامته واخته .. وبعيدا عن الاحداث والمواقف الدراميه في الفيلم .. الا ان احمد ده يوم فرحه .. ضربته بعيد الشر عليكم كده عربيه ..

وكأن لحظة مضربته العربيه دي .. شريط حياته في يوم فرحه ده اتعاد من تاني عليه .. وكان حاسس فعلا انه شاف المواقف دي قبل كده .

وكان يحسب انه كان بيحلم .. وبدأ يومه من تاني .. بس الغريب ليه في الموضوع ان الاحداث بتتكرر ليه ..

نفس المواقف ونفس الاشخاص ونفس الاحداث بتتكرر عليه مع اختلاف بسيط في الاحداث الفرعيه.. في اول مره ..

كان بيكلم نفسه ويحسب الموضوع من قبيل الصدفه .. بس جه موقف الي مات فيه وهو رايح فرحه ومات في نفس التوقيت الي مات فيه المره الي فاتت ..

واتعاد عليه الشريط تاني وتالت ورابع .. لحد اما ايقن ان الواقع هيفضل هو هو .. وحاول كتير يغيره بس مقدرش ..

لحد اما جت اخر اعاده فيه .. والي هي انا اقصدها .. بعد اما تيقن تماما .. انه كده كده في نفس التوقيت ميت ميت ..

حاول يغير في الواقع .. فبعد اما كان انسان مستهتر .. تقريبا مش كويس .. معروف عنه العصبيه ..

حاول يغير في شخصيته علي الاقل اهله يفتكروه بحاجه كويسه بعد اما يموت .. فبدأ في اول اليوم بهدوء .. مع والدته ووالده واخته ..

وحسن العلاقه بينه وبينهم .. وحاول يغير كل حاجه وحشه كانت فيه .. لحد اما والدته قالته انت احسن ابن .. وكذلك ابوه واخته كمان ..والي كانت دايما في اختلاف معاه .. لاسباب تافهه هو او هي كانو بيختلقوها ..

فحسن كل الصور الوحشه دي .. وده عشان هو عارف ومتأكد ان ده اخر يوم في حياته .. وانه كده كده ميت في نفس التوقيت الي بيموت فيه دايما ..فهو بكده غير في الواقع الي كان ..بواقع كويس سابله علي الاقل ذكرى جميله مع اهله وصحابه ..

---

سبكو بقا من كل الكلام الي فوق ده .. وتعالو نغير في الواقع بتاعنا ده ..

نغير من علاقتنا بالناس للاحسن اكيد ان شاء الله .. مع اهلنا .. والدى ووالدتي واخويا واختي ..

وكأن اخر يوم ليا النهارده ..

وانا بتفرج علي الفيلم ده .. جه في بالي حديث النبي ( صلى الله عليه وسلم ) ..

( اعمل لدنياك كأنك تعيش أبدا و اعمل لاخرتك كأنك تموت غدا'.. ) ..

وازاي الحديث الشريف ده منهج .. ممكن ناخده في حياتنا .. ونغير بيه واقعنا الموجود ده .. والي مليان علاقات سيئه مع اقرب الناس لينا ..

وازاي بمجرد تخيلنا في موقف احمد حلمى ده في الفيلم ده .. ازاي هتتغير الفكره عندنا تماما وهنعمل جاهدين علي تغير في الواقع ..

الهدف من الموضوع مش اني احرق عليكم الفيلم .. الهدف اني انقل ليكم فكره انا طلعت بيها من حاجه انا اتفرجت عليها..

وازاي ممكن وفي ايدينا نغير واقعنا وحياتنا للاحسن .. وازاي نحسن علاقتنا باقرب الناس لينا .. بعد اما كانت متوتره لاقصى درجه ..

ساعات هنتنازل .. طب وايه يعني ..!!

نتنازل في سبيل رضا ابائنا وامهاتنا واقرب الناس لينا ..

مهو اصلو يا جماعه احنا مش هنعيش طول العمر ولا هما عايشلنا طول العمر ..

فــ يارب تكونو فهمتو قصدي من الموضوع .. ويارب كل واحد يبص تاني علي الواقع بتاعه ..

ويشوف هل هو قادر انه يغير فيه للاحسن..!! ولا هيستني موقف احمد حلمى ده ..!!

احمد حلمى مغيرش الواقع .. احمد حلمى غير في الواقع .. عشان النهايه كانت واحده .. بس اكيد ما بعد النهايه هو الي فرق ..

---

..

الله الله الله ايه ياعم الجماااااال ده

توبيك بجد هاااااااااااااااااااااااايل وده مش جديد عيلك يامحمد

فعلا والله عارف لو فكرت مثلا ان انا هموت بكرة هعمل حاجة كتير حلوة
وهتلاقيني بعامل الناس كلها حلو ..
وبجد استشهادك بالحيث في موضعه جدااااااااااااا جدااااااااااااا
ياريت فعلا كلنا نتغير بقا ونحسن معملتنا مع بعض ياريت
وميــــــــرسي يا محمد ع التوبيك الهايل ده

GOGO EL TREKAWYA كتب:: الله الله الله ايه ياعم الجماااااال ده

توبيك بجد هاااااااااااااااااااااااايل وده مش جديد عيلك يامحمد

فعلا والله عارف لو فكرت مثلا ان انا هموت بكرة هعمل حاجة كتير حلوة
وهتلاقيني بعامل الناس كلها حلو ..
وبجد استشهادك بالحيث في موضعه جدااااااااااااا جدااااااااااااا
ياريت فعلا كلنا نتغير بقا ونحسن معملتنا مع بعض ياريت
وميــــــــرسي يا محمد ع التوبيك الهايل ده

بصى يا جوجو فكرة اننا نغير واقعنا كل شوية بتدور براسي

وبحد بتمنى انني اعمل ريستارت لحياتنا

ويا رب نقدر على كده

وميرسي ع المرور يا قمر

منورانى والله

الله الله ,, لا بجد كلام ررررررررررررررررررررررررررررررررررررررررررررروعه

وموضوع ارررررررررررررررررررررررروع clapi

وبجد كل حاجه فيه صح clown

وكمان الفيلم طلع حلو اوووووى ,, انا هدخله ههههههههههههههه

لا بجد يا محمد تسلم ايدك يااااااااااااارب Exclamation

وانا باذن الله هبدا اعمل كده من النهارده ان شاء الله Wink

توبيك هايل

شكرا على التويبك الجميل

abotreka_lover كتب:: الله الله ,, لا بجد كلام ررررررررررررررررررررررررررررررررررررررررررررروعه

وموضوع ارررررررررررررررررررررررروع

وبجد كل حاجه فيه صح

وكمان الفيلم طلع حلو اوووووى ,, انا هدخله ههههههههههههههه

لا بجد يا محمد تسلم ايدك يااااااااااااارب

وانا باذن الله هبدا اعمل كده من النهارده ان شاء الله

ان شاء الله يا طماطم

بس ليه نسيب نفسنا بصوره وحشه واحنا مش ضامنين حاجه
لان الحاجه الوحيده اللي ضامنينها والخقيقه الوحيده في الحياه هيه الموت
ولو عاوزة فلوس انا تحت امرك يا جماعة انا هغير فى الواقع 618859

والله يا محمد لازم كل واحد يؤمن ان بايدو يغير الواقع لان كل واحد مستهتر بنفسه جدا ومش عاملها اي قيمة وبيقول انا والكرسي واحد ولما تيجي تقول لحد يلا نغير يقلك انت مش لاقي الا انا واغير

لاوم التغير يبدأ بنفسك يعني انت ثم انت ثم انت بعد كدا شوف اللي حوليك والتغير مش صعب على فكرة بس محتاج وقت ومجاهدة النفس

يسلموووووووووووووووووووووو كتيييييييييييييييييييير أخي على الطرح الرائع

اولا يا محمد احييك على المجهود الرائع ده بجد
ميرسى اوى التوبيك هااااايل يا محمد وانت شكلك
بازل فيه مجهود كبير وكلامك جميل اوى وده مش جديد عليا ابد ابدا

تانيا انت فعلا عندك حق يا محمد لو كل انسان
كان عارف انه هيموت بكره هيعامل كل الناس
كويس والاستشهاد بالحديت فى محله
وبجد لو اعدت اقول ميرسى للصبح
مش هعبر عن مدى اعجابى بالتوبيك
وعن مدى فرحتى بيه

سارة كتب:: والله يا محمد لازم كل واحد يؤمن ان بايدو يغير الواقع لان كل واحد مستهتر بنفسه جدا ومش عاملها اي قيمة وبيقول انا والكرسي واحد ولما تيجي تقول لحد يلا نغير يقلك انت مش لاقي الا انا واغير

لاوم التغير يبدأ بنفسك يعني انت ثم انت ثم انت بعد كدا شوف اللي حوليك والتغير مش صعب على فكرة بس محتاج وقت ومجاهدة النفس

يسلموووووووووووووووووووووو كتيييييييييييييييييييير أخي على الطرح الرائع

بجد عندك حق في كل اللى قلتيه وهو فعلا
ده اللى اناطلعت بيه من الفيلم
واننا لازم نغير في حياتنا للاحسن
كتير مننا بيشتكى من الاوضاع اللى حواليه
وبنقول ان الواقع هو اللى مريض
مع انه لو غيرنا في نفسنا يبقي بنغير من حقيقه الواقع ده

وتسلمى لمرورك يا قمر نورتى التوبيك

نهى التريكاوية كتب:: اولا يا محمد احييك على المجهود الرائع ده بجد
ميرسى اوى التوبيك هااااايل يا محمد وانت شكلك
بازل فيه مجهود كبير وكلامك جميل اوى وده مش جديد عليا ابد ابدا

تانيا انت فعلا عندك حق يا محمد لو كل انسان
كان عارف انه هيموت بكره هيعامل كل الناس
كويس والاستشهاد بالحديت فى محله
وبجد لو اعدت اقول ميرسى للصبح
مش هعبر عن مدى اعجابى بالتوبيك
وعن مدى فرحتى بيه

والله ردك ده اسعدنى كتير يا نهى
وهو ده كل اللى عاوز الخصه ليكم
ملخص الموضوع كله هو الحديث ده
اعمل لدنياك كأنك تعيش ابدا واعمل لاخرتك كأنك تموت غدا
منورانى دايما يا نهى

» هو أنا اللي هغير الكون ...مصطفى حسني
» صور من الواقع لك سيدتى الجميله
» هكذا اصبح الواقع

يا جماعة انا هغير فى الواقع

يا جماعة انا هغير فى الواقع

مواضيع مماثلة

مواضيع مماثلة