تذكير بمساهمة فاتح الموضوع :
مصطفي ذلك الولد الوسيم أبو وش جميل لكنه كان مليان حزن وشجن وهو قاعد عالكرسي اللي قصادي في قهوة من قهاوي حي امبابه المصري الشعبي الأصيل وسرح خيالي وأنا بشرب كباية شاي كشري إنما حبر سيبكو من كباية الشاي وخليكم معايا سرحت ولفت نظري الحزن اللي ساكن ملامح ألواد ودفعني الفضول وفضل يزقني ده الفضول لحد مندهت للواد هاتفا تعالي يا حبيبي إيه اللي مضايقك يا مصطفي ألواد راح قايللي أنت عرفت اسمي منين قلتله شفت صاحبك بيقلك سلام يا مصطفي وأنت داخل القهوة ألواد قاللي ماشي بص يا هندسه عايز تعرف إيه اللي خنقني هقلك بس ياريت تقول رأيك قلتله قشطه يا درش وابتدي مصطفي يتكلم وقاللي أنا عندي 13 سنه أبويا توفي ألسنه اللي فاتت وأمي أتجوزت بعد أبويا وجوزها طلع راجل مفتري ومطلع عيني وبيمرمطني وأمي يا عيني مغلوبه علي أمرها مش عارفه تعمل إيه قلتله كمل أنا سامعك قاللي كل ده أنا مستحمله بس الإحساس الفظيع اللي مش قادر أتحمله خالص هو إني بقيت بحس بأن أمي قاسيه عليه وده الإحساس اللي مقدرش استحمله دي وجيعتي يا حضرت إيه رأيك قلتله مفيش يا درش غير انك تسيب البيت راح درش رادد بسرعة وقاللي معنا كده إني اسيب أمي للراجل الفاسد جوزها لحد ما يلهف اللي حيلتها بفساده وده مستحيل وراح باكي مصطفي وقال بحبك يا أمي عشان أنتي أمي …. وهنا نعرف مدي معزة الأم لدي أبناؤها وإنها مهما قست علينا فغلاوتها لا تقل في قلوبنا وان مهما بدر من قسوة من أمنا تجاهنا يجب ألا نتركها وحدها في محنتها فمصطفي علمني من قصته أن ما يحدث لامه نتيجة لتقاعسه في خدمة أمه فارتمت في أحضان جوزها المفتري لأنها لم تجد ابنها راجل واقفا بجانبها ولكن نحن لازلنا نصر علي أننا غير مذنبون فيما يحدث لامنا ونكتفي بالكلام دون الفعل وننتقد هذا ونجلد ذاك دون أن نتحرك حتى بالقلم أن الفساد الموجود في أمنا مصر نحن السبب فيه فنحن من تركنا المفسدين يعبثون ويعيثوا في أراضيها فسادا نحن من اكتفينا بحبا لمصر عن طريق الأغاني ونحن من لم لخدمة أمنا ورفعة ست الحبايب بقول ده لان إحنا لو اشتغلنا كنا خدمنا أمنا وكنا قدرنا نقضي علي كتير من الفساد وده أكيد وإتباعا لقوله تعالي ( إن الله لا يضيع اجر من أحسن عملا ) لكننا وافقنا علي أن نغيب ودعمنا وسائل التغييب وغيبنا وتركنا أمنا حائرة بين فاسد يفسد في أرضها وأخر يعبث بها وأنا من هنا ادعوكم دعوه خالصة للصحوة فوقوا بقي واعملوا لامنا التي تستحق منا أن نعمل لخدمتها ونتعلم لرفعتها ونتثقف للارتقاء بها نعم أنها تستحق منا كل ما سبق وأكثر فلنعمل ولنكافح ونحاول نصلح ما يمكن إصلاحه فلنعمل هذا عشان خاطر أمي مصر وعمرها ماتبيعني .
الفيديو 
أحدث الصور 
موضوع: عشان أنتي أمي 
2009-08-06, 6:47 pm
