اوعى تقعد مع جدتك وانت عندك امتحان

اوعي تقعد مع جدتك وانت رايح الامتحان ,

الله أكبر الله أكبر..أذان الظهر..

يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -

ياستى بس أنا فى تجارة-

وماله يابنى هو يكتر على ربنا...... ده ربنا قادر على كل شئ -

ياستى ونعم بالله بس اللى بيطلع دكتور لازم يكون فى كلية الطب مش التجارة-

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-

ياستى التجارة اللى فى الوكالة حاجة واللى فى الكلية حاجة تانية-

ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-

جدى إيه اللى هايخدنى معاه .....ده جدى مات من زمان ياستى-

يامصيبتى عبد الواحد مات..ياحبيبى ياأخويا..مكنش يومك ياسبعى-

ياستى ده ميت من تلتين سنة-

تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

ياستى حرااام عليكى عايز أذاكر بقى-

يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-

ياستى دبلون إيه..أسمه البكالوريوس-

أنت عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-

خلاص دبلوم دبلوم ياستى ..سيبينى بقى عشان أذاكر -

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب وأخلاق..وعلام كمان

ياستى عبير دى معاها أعدادية-

-وماله يابنى ...الراجل مايعبهوش إلا جيبه

راجل ...راجل مين ياستى...عبير دى بنت -

-عبير ...عبير مين ياوله..أنته بتعرف بنات من ورانا

لا إله إلا الله....أبوس رجلك ياستى أرحمينى بقه -

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات

صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -

لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-

خلاص روحى المطبخ ...أهو زمان أمى خلصت الرز-

رز...رزإيه يابنى....هوأنا ليه سنان للمكرونه...أناهطلع البلكونه أحسن-

طب أبقى خلى بالك م الهوى ياستى-

هوى لما يلطشك يا بت يا جذمه انتى-

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة
قبل ما أكتب أهم حاجة فيها

ياترى أنا كان إسمى إيه؟؟ ياترى كان إسمى إيه؟؟
انا مين ؟؟؟انا ليه ؟؟؟ انا ازااااي؟؟؟ اوعى تقعد مع جدتك وانت عندك امتحان 147145

اوعى تقعد مع جدتك وانت عندك امتحان 147145

ههههههههههههههههههههه
ياعيني صعب عليا اووووي
ايه ده دي جدة دي ياخرابي عليها ههههههههههه
فكرتني بأطاطا مع اللمبي ههههههههههههه
بس دول طيبين والله ولسة فيهم جمال وروح زمان
ــــ
تسلم ايدك ياموني

ههههههههههههههههههههه Laughing

تسلم الايادي Exclamation

بجد حراااااااااااام الولد كان هيموت في ايديها

هههههههههههههههههههههههههههه تحفة ميرسى يا قمر تسلم ايدك

ههههههههههههههههههههههههههههه

جمييييييل يااعاشقة اوعى تقعد مع جدتك وانت عندك امتحان 67317

تسلم الايادى ياقمر

هههههههههههههههههه
الله عليكى يا عاشقة متعب
شكلك كده هاتعمرى معانا
مواضيعك بتتدل انك على وعى ثقافى انثروبولوجى ديناميكى لولبى
ههههههههههههههههههه

وهى دى بقى اصلا تبقى سته ولا جدته
ههههههههههههههههههههه

هههههههههههههههههههههههههههه
ياعينى غلبان اوى الولد ده
طب اشمعنا انا بقى ستو مش كدة دى اول ماتشوفنى مش بذاكر تعد تزعق وتقول لبابا انى مش بذاكر
انما دى ست قشطة ههههههههههههه
تسلم ايدك

سوري

مكرر

http://www.treika.com/montada-f21/topic-t9530.htm

شكرا لمجهودك