يا بنات 0 اسمعوا الشباب بيقولوا ايه

بسم الله الرحمن الرحيم

- حبيبتى انتى عارفه انا مش بحب حركات الشباب الطايش انا اصلا مبكلمش بنات (وتلاقيه يعرف طوب الارض )
************
2- يااااه ياحبيبتى انا حاسس انى اعرفك من زمان ( وهوا تلاقيه متلخبط بينها وبين بنت كان يعرفها قبل كده )
************
3- حاسس ان فيكى حاجه غريبه غير كل البنات ( اكنها مثلا بتمشى على ايديها ورجليها )
************
4- انا حاسس ان فى شبه كبير بين افكارى و افكارك احنا اكيد مخلوقين لبعض (اكيد دى البنت رقم 100 اللى بيقولها كده وكأن بنات الدنيا مخلوقين علشانه)
************
-حبيبتى انتى اول حب فى حياتى وانا حاسس انى اتولدت يوم ماقبلتك (على أساس ان والدته كانت حامل فيه 20 سنه وولدته قبل مايقابلها بيومين )
**************
- يااه يا حبيبتى انتى تؤمرى وانا انفذ اللى انتى عايزاه اجبهولك ( فى المشمش )
**************
7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير ( طبعا فاهمين الحركات دى تلاقيه مش عاجبه اساسا)
**************
8- هكلم باباكى اول ماكًون نفسى (موووووووووووت يا حمااااااااااار )
**************
9- حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان
(بففففففففف الاسطوانه المشروخه)
**************
ا10-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)**************
11- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا )
**************
12- ياحبيبتى انتى بتتكلمى فى أيه انا كل عطورى من فرنسا
(اكيد فرنسا ده جمب عم سيد البقال)**************
13- ياه لما بشوف رقمك على الموبيل قلبى بيتنفض
(طبعا من الخضه انها تكون فأسته)**************

15- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )
***************
16- اسف يا حبيبتى امبارح مقدرتش اكلمك كنت مشغوووول فى المذاكره
( قصده معهوش فلوس او مشغول مع واحده تانيه)
****************

17- اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)
****************
18- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )

*****************
انا بعمل كده علشانك انتى
(ايوه ماحنا عارفين باباها قالو لو ماسبتهاش هاحرمها من الميراث )
****************
انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه)
****************
انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)
****************
أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان)
****************
انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق)
*****************
حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)
*******************
والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح)

يا
شباب اتقوا الله
يا
بنات تأكدوا انى اللى عايزاك هيروح لعائلتك على طول

مش هيستهبل

بصى يا نانا والله معظم كلامك صح
بس والللللللللللللله مش كل الشباب
كده فيه الكويس الى عكس كده خااااااالص
وفيييييييييييه الوحش الى بيعمل كده
بس برده لازم البنت تببقى حريصه وتخلى بالها
وتحاااااااااااول تشبكه وتفهمه من الاول
وشكرا على التوبيك الجامد ده

ويارب كل اللى نفسه فى حد يتجوزه مش يخرج معاها ويوعدها بكلام جميل فترق البنات طبعا
دول ضعفاء
اتمنى انه كله يراعى ان ربنا شايفه

ميرسي يا نانا
توبيك روووووووووووعة
تسلم ايدك

عند حق طبعا يا نانا ف كل حاجه وكل كلمه

بس يعنى فى ولاد قليلين جداااااااااااااااا محترمين ومش بيعملوا كده

بس اللى بيقولوا الكلام ده بقى اكتر من المحترمين بكتيررررررررررررررررررر

ربنا يهدى كل الشباب والبنات يااااااااااااااااااااااااااااااااااااااااااااااارب

وميرسي يا عسل على التوبيك المهم

ههههههههههههههههههههههههههه
عندك حق والله يا نانا
فى كل اللى انتى قلتيه بجد
وربنا يهدى الشباب والبنات
وثانكس على التوبيك الرائع ده
بجد جامد

هههههههههههههههههههههههههههههههههههههههه فعلا كلامك صح جدا وده اللى بيحصل وربنا يهديهم يااااااااااارب ميرسى على التوبيك الجامد ده

ربنا يهدى الشباب سواء بنين او بنات وميرسى على مرور الجميع

جـــــــــــــــــــــــــــــــــــــــــــــــــــــــــــــا مــــــــــــــــــــــد
اوووووي التوبيك يا نانا
بجد معظم الاولاد كده
ميرسي جدا ع التوبيك الجميل ده

Exclamation

فعلا يا ندى للأسف الاغلب كده

» شوفوا الشباب يقولوا ايه عن البنات البنات بيقولوا ايه عن الشباب
» كل الاهلاوية بيقولوا يارب
» ازاى تبقى خنيق طحن لحد ما تنضرب علقة سخنة

يا بنات 0 اسمعوا الشباب بيقولوا ايه

يا بنات 0 اسمعوا الشباب بيقولوا ايه

مواضيع مماثلة

مواضيع مماثلة