السلام عليكم ورحمة الله وبركاته
ازيكم يا تريكاوية اخباركم ايه ؟
انا عملت الموضوع وعارفة انه ممكن ميعجبش ناس لكن قلت اعمله وخلاص
وعارفة ان مدين هيضربنى لو قرؤه
المهم ادخل فى الموضوع بلاش رغى كتير
اولا : رمضان مبارك عليكم
ثانيا: ايه رايكم اننا نخلى صيامنا فى رمضان صيام بجد يعنى احنا طول السنة بنعد على المنتدى والنت لحد اما عنينا طلعت من وشنا ايه رايكم لو ننسى المنتدى ده والنت والكمبيوتر من اصله ونعد نخلى الشهر ده لربنا بس يعنى نعد نقرأ قرآن ونصلى وندعى ربنا ونتسابق فى قراءة القرآن
مش معنى كدة انكم متدخلوش المنتدى خالص لا ممكن نبقى ندخل نطمن على بعض ونسلم على بعض ونتكلم فى حاجات مفيدة لكن يبقى مدة قليلة علشان الشيطان ميعرفش يضحك علينا ونعد ساعة ورا ساعة لحد منضيع اليوم مننا
ثالثا : برده التليفزيون اعتزله خالص وانسى حكاية المسلسلات دى والله كله بيتعرض بعد رمضان يبقى منضيعش صيامنا علشان مسلسل
رابعا بقى : لو انتم معجبكوش الكلام اللى فوق ممكن برده نخلى الموضوع ده اننا لما ندخل المنتدى نطمن بعض عن احوالنا فيه ونعرف بعض احنا قرءنا قرآن قد ايه وختمنا كام ختمة

ياريت الشيطان ميعرفش يضحك علينا ويلهينا عن دينا لان بجد شهر رمضان لا يعوض
ويارب مدين ميقتلنيش

مشكورة يا لؤلؤة على الكلام الكبير ده انتى اكيد قلبك كبير زى الكلام الحلو ده وانشاء الله هانقوم بكل اللى انتى قلتى عليه واحنا اكيد بنحب شهر رمضان والشيطان مش هايحاول يضحك علينا وربنا يوفقك ويوفقنا ويعينا على الصوم ومقاوة الشيطان صيام مقبول انشاء الله

اقتباس :

مشكورة يا لؤلؤة على الكلام الكبير ده انتى اكيد قلبك كبير زى الكلام الحلو ده وانشاء الله هانقوم بكل اللى انتى قلتى عليه واحنا اكيد بنحب شهر رمضان والشيطان مش هايحاول يضحك علينا وربنا يوفقك ويوفقنا ويعينا على الصوم ومقاوة الشيطان صيام مقبول انشاء الله

ان شاء الله
تسلمى يا ريرى على ردك الجميل ده
وان شاء الله نساعد بعض وننفذ الكلام ده
ويارب الشيطان ميضحكش علينا
وطبعا كلنا بنحب شهر رمضان

كلام سليم

وتسلم ايدك يا لؤلؤة

ليه كدة بس ده لو قال رايه هكون انا فى البايباى هههههههههههههه
شكرا لمرورك

اقتباس :

كلام سليم

وتسلم ايدك يا لؤلؤة

تسلملى على مرورك
نورت الموضوع

ان شاء الله يا مرمر
تسلمى لكلامك الجميل ده
نورتى التوبيك

اقتباس :

يا جماعه ليه احنا مصرين على ان النت يكون وسيله بتعطلنا عن الطاعه والعباده بالعكس احنا ممكن جدا نخلى المنتدى يكون وسيله نتقرب بيها لربنا ونتبادل الدروس فى الخيمه الرمضانيه وتكون فى غرفه صوتيه للمنتدى خاصة بقراءة القرآن ونصحح لبعضنا الورد اليومى ومنتظر الرد منكم ومن رئيسنا الكبير مدين بيه

فكرة حلوة والله
وان شاء الله مدين يدخل ويعلق عليها ويقول رايه

اقتباس :

حفظه الله ورعاه وسدد خطاه

آميييييييييييييييييين

اقتباس :

أقترب شهر المحبة وجال بخاطري همس الأحبة ونادى لساني داعيا لهم بمودة اللهم بلغهم شهرك بعظيم غفرانك والعتق من نيرانك وأدخلهم جناتك وسخر لهم الطيبين من خلقك وأشرح صدورهم بذكرك وأبعد عنهم كدر الدنيا والهموم.

اللهم ماستيجب الدعاء
دعاء روووووووووعة تسلم ايدك

الفكره حلوه اوى وبجد هتفيدنا كلنا

وهتشجعنا ع ختم القرآن

جزاك الله كل خير يا عامر

فكره جميله اوووى ياعامر والله
جزاك الله خيررر
وانا معاك فى رايك ياكبيررر

اولا كل عام وانتم بخير
ثانيا انا مع لؤلؤة في اللي قالته

بجد لازم اوقات قعادنا علي النت عموما تقل اوي في رمضان ونحاول حتي الوقت اللي نقعده يكون بفايدة وفـ حاجة كويسة

موضوع الغرفة الصويتية ده الحقيقة عاوز وقت وانا هاشوف وربنا ييسر ونقدر نعمله
اذا ماكانش ممكن نعمل لنفسنا غرفة صوتية علي الاسكايب
ويبقي يدخل عليها كل اللي عاوز يشارك ان شاء الله

وكل سنة وانتم بخير
ورمضان مبارك عليكم ان شاء الله

ميرسى لمروركم عاشقة ومارد

اقتباس :

اولا كل عام وانتم بخير
ثانيا انا مع لؤلؤة في اللي قالته

وانت بخير يا باشا
الحمد لله مجبتش حاجة من عندى ربنا يخليك لمصر يا مدين هههههههههه

اقتباس :

موضوع الغرفة الصويتية ده الحقيقة عاوز وقت وانا هاشوف وربنا ييسر ونقدر نعمله
اذا ماكانش ممكن نعمل لنفسنا غرفة صوتية علي الاسكايب
ويبقي يدخل عليها كل اللي عاوز يشارك ان شاء الله

ربنا معاك ويوفقك ويعينك علينا
نورت الموضوع والله
كل عام وانت بخير