أنا وشبابي يا نيل نيلنا أمانينا

زائر

تذكير بمساهمة فاتح الموضوع :

منذ حوالي أسبوع جاني منام غريب جاتني مصر في المنام وكلمتني واخدت وأديت معاها فكانت عروسة النيل يومها تشكو لي من إهمال شبابها وأولادها لها وقالتلي عن تركهم لمن يعيث فسادا بها وتشكو لي مصر أو عروسة النيل قسوة أولادها عليها وقالتلي مصر أنها مش عايزه من ولادي غير إنهم يتوحدوا ويحاولوا يرفعوا اسمي في أي مجال وقالتلي أنا عارفه إن ولادي قادرين علي إنهم يعملوا ده وقالتلي عروسة النيل وهي تتأفف في حسره ولادي لو اتحدوا هيخلصوني من أي فساد ومفيش قوه هتقدر عليهم ورحلت عروسة النيل عني وانتهي المنام وظللت أفكر في هذا المنام وليلة أمبارح وأنا رايح في النوم هلت مصر عليا في منامي من جديد ولكن هذه المرة كانت تسكن ملامح مصر فرحه عامره وسعادة طاغية ومرسوم علي شفايفها ضحكه جميله قلت لها مالذي حدث ردت عروسة النيل السمراء ألجميله وقالت أخيرا فعلوها أولادي توحدوا ورفعوا راسي وشرفوني قلتلها أزاي قالتلي أنت مش بتشوف تلفزيون مش بتقره جرايد ولادي وشبابي خلوني بين كبار العالم شوقتني هذه السمرا ألجميله ففضولي دفعني لكي اعرف منها بالتفصيل فقلتلها قوليلي من هم شبابك الذين شرفوكي ومن هم الذين اتحدوا لرفع اسمك ردت مصر قائلة شباب جدع جدعنه مصريه شباب أحبوني فعرفوا كيف يرفعوني ويجعلوني من الكبار في مجالهم وقالت لي بسرعة بديهة وقبل أن اسألها عن مجالهم هم شباب كرة اليد ألمصريه الذين جاهدوا وتحملوا شقاء المعسكرات والتدريبات والبعد عن الأهل والأصدقاء لأجلي تعاهدوا علي رفع اسمي وتوحدوا لأجل هدفهم فحققوا مرادهم فرديت قلتلها بس هما خرجوا من دور الاربعه فردت قائلة لكنهم شرفوني حيث أنهم قدموا صوره جميله عن ولادي وعن شبابي قدموا صوره جميله عن حب شبابي ليا وضعوني بين الاربعه الكبار في العالم في مجالهم قلتلها قد كده يا مصر أنتي فرحانة بالولاد دول فردت عليه قائلة أنا فرحانه لان هذا الشباب أكد لي أن قلبي لا يزال هو قلب المصريين لكنه يحتاج لشئ من الإنعاش وقبل أن تودعني قلت لها لكن شباب اليد قد لا يكون ثالث العالم قالت لي هم شرفوني وحققوا لي مرادي وقالت لي عروسة النيل في أخر المنام وقبل أن تودعني متغنية للشباب أنا وشبابي يا نيل نيلنا أمانينا .

موضوع جميل جدا

اقتباس :: قلبي لا يزال هو قلب المصريين لكنه يحتاج لشئ من الإنعاش

فعلا الشباب محتاج حد يفوقوا لانه في غيبوبه من فتره كبيره اوي ويارب يفقوا بقي

زائر

ميرسي لاف لايف علي ردك والتفاعل الجميل مع الموضوع ميرسي اوي

موضوع روووووووووووووووووعة
بجد جميل جدا جدا جدا
وكلامك اجمل يا ميدو
تسلم ايدك
وفعلا لاعيبة مصر رفعوا راسها
وده طبع الشعب المصرى احيانا
ولازم عزيمتنا تكبر علشان مصر تستاهل مننا اكتر من كدة
ميرسى كتييييييييييييييييييييير على التوبيك الهايل ده

زائر

ميرسي اوي يالؤلؤه علي ردك المحترم واللي فيه حماس احب ان يكون عندنا دايما كمصريين عشان نرتقي ببلدنا ونعليها ونخليها احسن واحسن ميرسي كتير عالمناقشه الجميله يالؤلؤه

روعة يا ميدو الكلام تسلم اديك بجد موضوع جامد و شباب اليد شرفوا كل مصرى

و أنا أسف انى اتأخرت فى الرد

موضوع جامد جدا تسلم ايديك بجد

زائر

ميرسي ليك اوي علي ردك المحترم والجميل يا مايسترو ميرسي وياسيدي اتاخر زي ماتحب اتشرفت بيك

زائر

ميرسي اوي علي ردك يا كاتن هيما تشرفت بيك

مشربتش من نيلها مشفتش ابو تريكها