هراء أم ازدراء أم الاثنين معا؟

زائر

أي حال وصل إليه القلم الرياضي المصري وأي منقلب قاتم انقلب إليه اعرق الأقلام الرياضية في العالم العربي ومن سبب هذا الانهيار الكبير للقلم الرياضي في مصر اليوم فحديثي اليوم بخصوص ما يحدث في الصحافة الرياضية في مصر من عدم مصداقية وصلت لذروتها وازدراء كبير جدا فلم يعد القلم الرياضي المصري كسابق عهده يبحث عن التميز في تغطية الأحداث الرياضية ولكن هذا القلم أصبح يلهث وراء الفضائح الرياضية والادهي من ذلك أن القلم الرياضي المصري أصبح يفتعل بنفسه فضائح رياضيه بإطلاقه لبعض الشائعات عن أي رياضي مصري مشهور والمثل موجود عزيزي القارئ حينما كانت مصر تستضيف كاس العالم للشباب لكرة اليد والتي انتهت فعالياتها منذ أسبوعين تقريبا لم يكتب احد الأقلام الرياضية في أي صحيفة مصريه كلمه واحده عن هذا الحدث العالمي والسبب هو انشغال هذه الأقلام بالتشنيع علي هذا اللاعب و بفضح هذا الرياضي وهكذا …. أصبحنا نجد أقلام رياضيه في الصحف المصرية ممسكتا براية الدفاع عن هذا النادي أمام ذاك النادي وصحف تتهم هذا النادي تهم مسيئة وأخري تنشر صور فاضحه لهذا اللاعب أو ذاك متناسين وسط هذا الهراء ألكتابه عن أي نجاح لمصر في تنظيم هذا الحدث العالمي الكبير ومتناسين إشادة الدول المشاركة في البطولة بمصر وأنا النهارده بكتب لان الموضوع بجد زاد عن حده بقينا بنشوف أقلام الصحفيين الرياضيين بتوجه التهم لبعض في أعمدة الجرايد وأمام أعين القارئ وقلم أخر يعترف وبكل تبجح انه قام بتركيب صور للاعب الفلاني بصحبة فتيات ليل في احدي ملاهي شارع الهرم وصحيفة أخري نجد فيها لفظ أبيح بالألف علي غلافها وأغلفة جرائد تحمل عناوين مثيره عن لاعب مشهور دون أن تحوي هذه الجريدة أي خبر للعنوان المكتوب كل هذا أصبحنا نشاهده من القلم الرياضي المصري دون حسيب أو رقيب إلا من رحم ربي قلمه وهم قله لا تعد ولا تحصي وتكمن كارثة الكوارث في أن يظل احد أصحاب الأقلام الرياضية في انتظار خطأ اللاعب الفلاني ولو بكلمه ليقوم هو بتضخيم هذه الكلمة يبدأ بذبحه والهجوم عليه بشكل غير مبرر وغير مفهوم ليملئ صفحات جريدته تارة و ويكتسب شهره من هجومه علي اللاعب الفلاني تارة أخري ورغم أن هناك أحداث رياضيه أجدها أهم بكثير من فضح رياضي أو الهجوم علي رياضي ومن شانها ملئ صفحات هذه الصحف فمثلا لدينا عزيزي القارئ كاس العالم لكرة القدم للشباب التي ستنطلق فعالياته في مصر في سبتمبر الجاري بمشيئة الرحمان هل قرأ احد سطر واحد من احد هذه الأقلام عن استعدادات منتخبنا الوطني للشباب لخوض فعاليات هذه البطولة الكبيرة أو عن البطولة بشكل إطلاقا لان الأقلام الرياضية كيف لها أن تكتب وهي مشغولة بشئ أهم وهو البحث عن فضائح الرياضيين المصريين الحقيقة عزيزي القارئ الموضوع فيه كتير لكني اكتفي بهذا القدر والسؤال كل ما يحدث في القلم الرياضي المصري هل هو هراء أم ازدراء أم الاثنين معا ؟

يسلمووووووووووووووووو اخي بارك الله فيك
توبك جميييييييييييييييييييييييييييل جداااااااااااااااااا

فعلا كلامك كله سليم النهاردة القلم الرياضي يبحث عن المال فقط و تحقيق اكبر مبيعات ممكنة للربح ولكن هل الاخبار الرياضية صحيحة ام خاطئه فلا يهم فالمهم هو جذب القارئ لكي يشتري الصحيفة

و ممكن تكون في قلوب مريضة كل هدفها انها تسئ للاشخاص الاخرى وتقول فيهم اي حاجة وحشة و خلاص

فعلا اغلب الناس و ليس الكل اصبحت تافه مش بيهمها الا الجري ورا الاشاعات سواء صحيحة او خاطئة و ده بيخلينا ننسى حاجااااااااات مهمة كتير

سلمت يداك

فعلا والله عندك حق هم مش لايقيين حاجة يعملوها دول مش عاجبهم حد ابدا
مثال : لما جوزيه كان بيدرب الاهلي ماكانش عاجبهم ابدا كل شوية جوزيه عمل
وجوزيه سوى ... وياسلام لو خسر الاهلي بطولة معاه تقوم الدنيا
وماتقعدش ولما جوزيه مشي بقوا يقولوا الخواجه مشي والخواجه ماعرفش ايه
دلوقتي بقى جوزيه كويس .. دول كرهوه في الصحافة من كتر اللي كانوا بيكتبوه عنه
وبتلاقي اشاعات غريبة بتتطلع كل يوم عن الرياضيين .. هو بصراحة انا مش متابعة
كرة اليد بس اللي بيعملوه ده بقت حاجة تخنق اووووي مش كل شوية اشاعات
وتخاريف والكلام الفاضي ده مش عشان الجرنال يتباع والناس تقراه يكتبوا تخاريف مالهاش
اي اساس م الصحة ويوم عرض اهلي دبي لابوتريكة قلبوا الدنيا واللي كاتبلك الام ابوتريكة في صفحة
والتاني بيقولك .. ماتسيبوا الراجل يحترف .. والخطيب غلب مع تريكة في اقناعه بالبقاء مع
الاهلي .. وفي الاخر كله كلام .. اللي انا بقصده ان الصحفي من دول يراعي الناس
اللي بيكتب عنهم ويراعي الناس اللي بتقرأ ويراعي حتى ضميره
مش مجرد انه يبيع ويكسب وخلاص بجد بقت حاجة تخنق اووووووي
وميرسي جدا جدا لطرحك الموضوع الهايل ده يا ميدو

clapi

جزاك الله خيرا موضوع مهم نتكلم فيه

فعلا كلامك صح فالصحافة الرياضية معظمها وليس كلها طبعا كل همها المال و المبيعات وبينسوا ان احنا اللى بنتورط فللاسف فى ناس كتييييييييييير بتصدق اى حاجة تتقال فى مقال صحفى وممكن ده يضر اللاعب او المدرب او اللى مكتوب عنه الخبر

تحيتى / دلوعة التريكاوية

فعلا كلامك ده عشره على عشره يا ميدو
الصحافه الايام دى ملهاش كلام غير انها
تقطع فى بعضها ومعظم اخبارها
كذب فى كذب وممكن تلاقى واحد صحفى
عامل حوار واسئله واجوبه على لسان لاعيب
كوره ويطلع كله كذب فى كذب ايه ده
لا بجد موضوع لازم يتناقش ونشوف حل
فى الصحافه الصفرا دى لا موضوع
عشره على عشره وميرسى يا ميدو
يا كينج الكتاااااااااااااااااااااابه فى المنتدى
هنا مواضيعك كلها روووووووووووووووووعه
بجد تسلم ايديك واسلوب الرائع ده

جزاك الله خيرا موضوع جميل

والله فعلا ان الصحافة المصرية بقت بتجري ورا الفلوس وبس مش مشكلة الكلام اللي بيكتبوه علي حساب مين وبقي الواحد عارف ان كل اخبار الجرايد كدب في كدب
والاخبار دي بتكتر في موسم الانتقالات وتجديد العقود وحاليا مشكلة بين احمد السيد وشريف عبد الفضيل لان في جريدة كتبت ان احمد السيد قال كلام علي شريف عبد الفضيل
وفي بطولة العالم لكرة اليد فعلا مفيش ولا كلمة اتقالت علي البطولة
والبطولة دي مصر عملت فيها انجاز وحارس المرمي خد احسن حارس في العالم ومحدش اتكلم عنه خالص .
شكراااااااااااااااااااااااااا
جدااااااااااااااااااااا
علي التوبيك يا ميدو

والله عندك حق يا ميدو
الاقلام الكويسه واللى عندها ضمير بقت قليله اوى
والصحافه الرياضيه بقت مهنه من ليس له مهنه

موضووووووووووع رائع

تسلم يا ميدو على التوبيك الررررررررروعه

وفعلا والله هى دى بقت الصحافه دلوقتى ,, وكأن اللى فاتح الصحيفه دى فاتحها مخصوص

عشان يهاجم شخص معين او نادى معين ,, بس هو عامل اسم للجريده مش كده خالص

يعنى كان المفروض من الاخر يسمي الجريده جريده الهجوم الرسمى على ..........

واسم النادى بقى او الشخص ,, لانها بجد فعلا زادت عن الحدود اووووووووووووووووى

وكل واحد بقى عايز يهاجم الشخص ده او النادى يقعد يدور فى تاريخه القديم على اى فضيحه

حصلتله او اى حاجه يهاجمه بيها قدام الناس

بجد بقت حاجه تخنق جدااااااااااااااااا وفى البرنامج هكذا زى الصحف بالظبط

ده يهاجم ده وده يشتم ده وده يشتم قناه ده , بجد خلوا الواحد مش يتابع اى اى حاااجه خااااااااالص

وانت ازاى بتقول عايزهم يكتبوا دلوقتى عن كأس العالم للشباب اللى ف مصر ,, ده يحصل

معجزه ولا انهم يعملوا كده ,,, يا ميدوووو دول لم مصر فازت بامم افريقيا برضه قليل اللى

فرحوا وكده ,, والباقى قعدوا يدبخحوا ف شحاته وف اللى حصل مع شوبير و و و و و و

,,,,,,,,, الخ

هما عملوا كده ومصر فايزه اومااااااال لما مصر تستضيف بقى بطوله عاديه مش كسبتها ولا عملت

فيها اى حاجه ,, ف تفكيرك كده انهم هيكتبوا عنها حاجه . ده مستحييييييييييييييييييييييييييييل

يلا ربنا يهدى الكل ياااااااااااااااارب لانى بجد متضايقه من الموضوع ده اوووووووووووووى

وتسلم ايدك بجد على التوبيك الرررررررررررررررررروعه ده

موضوع هايل تسلم

والله يا ميدو مش هتيجي عليهم يعني
كل شخص دلوقتي بيدور على الفلوس

والكلام اللي يعجب الناس اللي ميعجبهاش العجب

ومعظم الجرايد بيدوروا على الناس اللي بتعمل الفضايح علشان تعمل مبيعات أكبر

علشان ييجي ليها فلوس كتير برضه

بس لازم نفتكر الناس الكويسين القليلين

زي إبراهيم حجازي والمستكاوي مثلا

وياما إبراهيم حجازي ده بيتكلم عن منتخب الشباب بصراحة

وتسلم يا ميدو

زائر

ميرسي اوي ياساره علي ردك وتقديرك ربنا يخليكي وميرسي عالمناقشه الجميله والمحترمه دي خصوصا انك طرححت اسباب للمشكله ميرسي اوي عالاسلوب المحترم ميرسي

زائر

ميرسي ياندي علي المساهمه الجميله دي وميرسي علي طرحك لامثله مهمه جدا لكن انتي بتقولي لازم يراعي ربنا ياندي اللي يفكر يفضح انسان هيراعي ربنا ازاي ميرسي اوي علي رايك الفعال الجميل جدا تشرفت

زائر

ميرسي اوي يادلوعه علي مشاركتك المتفتحه واثارتك لنقطة ان في ناس بتصدق الجرايد نظرا لعلمها المحدود او لطيبتهم ميرسي جدا ونقطه تستحق النقاش والحوار ميرسي

زائر

مروان ميرسي اوي لانك تفاعلت بالمشاركه وطرحت نقطه مهمه برضو اللي هي الفبركه اللي موجوده في الصحافه الرياضيه فعلا نقطه مهمه جدا للنقاش وممكن تبقي محور نقاش ميرسي لتقديرك ليا

زائر

وايت انجل كالعاده مناقشتك للموضوع فعاله ومحترمه جدا تنم علي تفتح افكارك والنقطه اللي بتتكلمي فيها عن صحافه موسم الانتقالات دي حاجه محتاجه نتكلم فيها اكيد ميرسي ليكي جدا

زائر

قيصر ميرسي اوي علي ردك وجزاك الله خيرا

زائر

ميرسي ياهيما علي ردك المحترم وصدقت في التعبير مهنة من ليس له مهنه ميرسي اوي ياهيما علي تقديرك ليا

زائر

ميرسي اوي يافاطمه مناقشتك دايما جامده وبتضيف للموضوع وبتفيد القارئ ويا سلام علي مثل بطولة افريا مفيش احلي من كده عندك حق الصحافه مابينتش فرحة المصريين قد ما خلقت فضايح ميرسي اوي لتشريفك المقال بتاعي وردك

زائر