ازيكم كلكم اكيد مبسوطين بشهر رمضام المبارك اعاده الله علينا بالخير والبركات

طبعا النهارده 3 رمضان واحنا عايزين نغتنم الخير والثواب الكبير فى رمضان
ورمضان السنه دى بالنسبه للطلبه جى فى اجازة يعنى مافيش دراسه مافيش مدرسه مافيش جامعه وهم المذاكرة
فبالتالى لازم يبقى جهدنا اكتر من رمضان اللى فات
وطبعا بجانب الاعمال المعتاده فى رمضان
زى الصلاه (الفرض والسنه لان السنه اجرها اجر الفرض والفريضه اجرها سبعين فريضه)
وطبعا صلاة التراويح
وقراءة القران وختمه ع الاقل مرة فى رمضان
والاذكار والصلاة ع الرسول والدعاء
احنا عايزين السنه دى نعمل حاجه كمان
يعنى كل واحد يقول عمل ايه جديد عن رمضان اللى فات علشان يزود اجتهاده اكتر فى العباده
يعنى انا مثلا ناويه رمضان ده اختم رمضان 4 او 5 مرات زياده عن رمضان اللى فات
مثلا ناويه اصلى قيام الليل غير صلاة التراويح (ربنا يعينا ويقدرنا)
طبعا لايكلف الله نفسا الا وسعها
ولكن رمضان شهر خير وبركه فيه بيتنافس كل الناس ع الطاعه والعباده وربنا سبحانه وتعالى بيباهى ملائكته بعباده وتسابقهم فى الخير
فانت تقولنا ناوى تعمل ايه جديد او عندك اقتراح نعمله كلنا
يعنى مثلا لو كنت بتتفرج ع مسلسلات قول السنه دى مش هتفرج وهاضيع وقتى وبدل الساعه دى اقرا قران او اتفرج ع برنامج دينى
مثلا لو ماكنتش بتصلى السنه تصلى ع قد ماتقدر
لو حد مش بيصلى التراويح يصليها
لو حد قادر يتصدق حتى لو بالقليل يتصدق
مثلا كل يوم نستغفر 100 مرة او نصلى ع الرسول 100 مرة
وبجد هتحس ان كل مالواحد يقرب لربنا وممكن يتعب شويه فى العباده لكن مع التعب ده الواحد بيشعر بفرحه من قلبه قليل مالواحد يحسها
وجزاكم الله خير
ويارب مااكون طولت عليكم
ومستنيه اقتراحاتكم
لو انت عملت جديد قولنا ونستفيد ولو ماعملتش ياريت تنوى حاجه حتى ولو بسيطه وربنا سبحانه وتعالى عنده الاجر الكبير

انا مش هاكدب عليكى

أنا رمضان السنة بقرأ قرآن

وباعمل اللى كنت مش بقدر أعمله أنا وفى ثانوية عامة

ولما خلصت قلت أعمل اللى ما كنتش أقدر أعمله

ورمضان كريم

وكل سنة وانتى طيبة

وشكراااااااا على الموضوع

دة بردو راى وافكار دكتور معانا

السلام عليكم جزاكم الله خيرا علي كل اللي اتقال حقيقي اسفدت منه بس عايز اضيف حاجات بسيطه ولكن نغفل عنها جميعا وهي اننا ما ننساش ندعي لاخونا في فلسطين وخصوصا اثناء الافطار وكمان اننا نجدد التوبه كل يوم في رمضان وما يكونش شهر رمضان شهر عبادات بس واكن يكون شهر عبادات وتوبة لان النسا بتكون في رمضان اعمالها عليا ووردها عالي ما شاء الله انما بعد رمضان بيرجع زي الاول يبقي كده هو ما اتغيرش والتوبه والعزم علي ان الانسان يغير نفسه اكبر دافع للاستمرار في طاعه الله وكمان بس ده بالنسبه للرجال اكتر جلسه الشروق يوميا تصلي الفجر وتصلي ركعتين وتقرأ جزء بتدبر كده تكون اخدت اجر حجه وعمره تامه تامه علشان تقدر تستمر فيها بعد رمضان مره واحد يوم الجمعه والصدقه لانها تمحو الخطايا وتطفئ غضب الرب والرسول صلي الله عليه وسلم كان اجود ما يكون في رمضان بس اهم من ده كله ان الواحد ما يتقلش علي نفسه مره واحده علشان ما يتعبش ويحمد ربنا علي كل طاعه هو عملها لان ده توفيق ورحمه من ربنا اني خلاك تعمل الطاعلاه والفلانه وكما قيل الطاعه ولود وعقوبة الذنب الذنب وحاجه تانيه انه يكون في حد ماشي معاك في نفس الورد اللي انت عامله علشان لو الواحد لوحده ممكن يتكاسل وكمان يبقي في منافسه وما اجمل المنافسة علي طاعه الله اسف علي الاطاله وانا عارف ان الكلام مش منظم اهو اللي كنت بفتكره بكتبه

الفكرة والعمل اللى انا بعمله جديد السنه دى هو انى بصلى الفجر جماعه فى المسجد وبعدين اقول الاذكار واقرا قران حتى طلوع الشمس وبعدين اصلى الضحى
وبكده ان شاء الله يبقى لك اجر 30 حجه وكنت عايزة اوصيكم بكده
وافتكروا ان لايكلف الله نفسا الا وسعها لكنه اجتهاد اكتر
ده تعليقى
يارب اتكونوا استفدتم

ربنا يحميكي يا شيمو
جزاك الله خيرا
ان السنة دية بصلي التراويح ف المسجد وبصلي الفجر وبحاول اختم القران عدة مرات
اللهم تقبل منا ومنكم ان شاء الله