استفتاء هل تعيش فى دولة حرة

هل تعيش في دولة حرة؟

استفتاء هل تعيش فى دولة حرة _46104702_handcuffed_203

صنفت مؤسسة أمريكية معنية برصد الحريات حول العالم معظم الدول العربية على انها غير حرة.

المؤسسة هي "فريدم هاوس"، التي تصف نفسها بانها هيئة مستقلة هدفها دعم الديمقراطية حول العالم.

"فريدم هاوس" وصفت كافة الدول العربية بأنها غير حرة، باستثناء الكويت ولبنان والمغرب والبحرين وجيبوتي والأردن واليمن التي صنفتها المنظمة بانها حرة جزئيا.

التقرير اعتمد على مجموعة من المؤشرات من بينها: العملية الانتخابية وحقوق المرأة واستقلال وسائل الاعلام والحريات الدينية.

كيف تصنف انت الدولة التي تعيش فيها؟ ما هي معايير الحرية بالنسبة لك؟ وهل الديمقراطية هي النظام السياسي الوحيد الذي يضمن الحرية؟
هل تعيش فى دولة حرة

فى الاول احب اشكرك يانانا ع الفكرة الجميلة دى

مااعتقدش ان فى دولة فى العالم فى الزمن دة بتعيش كامل حريتها وديمقراطية كاملة

بس كدة بقا علشان المنتدى دة متراقب يانانا انا حذرتك اهو

ههههههههههههههههههه

cherry

والله انا شايف ان اول اشكال الحرية بل وأهمها هو اني اكون ليا الحق في اختيار من يمثلني
يعني باختصار ان العملية الانتخابية تتم بنزاهه مش زي مابنسمع دايماً
لدرجة ان الناس خلاص بقت تكبر دماغها وماتفكرش اساسا في حاجة اسمها انتخابات
الحاجات اللي بعد كده بقي كلها توابع
ماهو انا لو اخترت الناس اللي هتحكم البلد
اكيد هيبقي منهم اللي مسؤل عن الاعلام او اللي هيحاسب المسؤل عن الاعلام وبالتالي فيه جرية للاعلام
وبالمثل بقي في كل حاجة ماهو انا اخترت اللي قاعدين ع الكراسي
واللي قاعدين ع الكراسي عارفين انهم موظفين عند الشعب وعارفين ان في ناس بتراقبهم وهاتحاسبهم .. وبالتالي كله هيبقي قشطة
اي نعم هو في كل وقت ومكان ربنا رقيب ع الكل وهيحاسب الكل
بس للاسف الناس مابقتش بتخاف من ربنا .. الا مارحم ربي

اهم حاجة الاجابة على السؤال

وبعدين رأيكم

الظاهر ان الناس خايفة حتى ترد على السؤال

تسلمي يا نانا ع فكرتك
وانا شايف اننا بنعيش ف حريه

انا شايف انه جزئيا
انا ممكن نكون دوله حره بس لسيت بالحريه
الكامله وابسط حقوق الحريه
ليست متوفره عتد الشعب

مشكوووووووووووووووووووره

مشكوررررررررررررره

مشكوررررررررره

مشكوررررره

مشكورره

مشكوره

شكرا

هيه فين الحرية الجزئية اللى بتتكلمه عنها ديه
ولا فى تداول السلطات عشان حتى تقولوا انها جزئية

بس احنا يانانا جوابنا انتى مش شوفتى ردى ولا اية

شوفته والله انا قصدى الباقى اظاهر شايفين اننا فى حرية كاملة

ههههههههههههههه

ع رايك والله يانانا يمكن هما عايشين فى حرية واحنا لا

اناكان قصدى كده
حاسة انى عايشة فى مجتمع لا يقدر ان يقول نعم او لا او مش تفرق معايا
ايه الرهبة اللى احنا فيها ديه

اللى بيحصل يانانا فى الناس وفى المجتمع ممكن يوصلنا لـ اكتر من كدة

كويس ان فى زيك وغيرك بيتكلموا

مين عالم بكرة نوصل لـ اية

يا نانا لو مفيش حريه ف مصر
مكونتيش حتي قدرتي دلوقتي تقولي فيه حريه ف بلدنا ولا لا
شوفي السقا بيقول النهارده مفيش حكومه ومفيش حد حاسبه
يبقي فيه حريه ولا لا
شوفي الجرايد بيتكت فيه ايه عن الرئيس لو مفيش حريه كل ده هيتقفل
شوفي الاحزاب المعاكسه للحزب الحاكم بتعمل ايه وبتتكلم ايه عن الحزب الحاكم
اه احنا شعب نعشها وخلاص لكن وقت اللزوم بتلاقي كله بيخرج عن صمته
والتاريخ يشهد
اه فيه عندنا زياده ف الاسعار وانخفاض ف المستوي المعيشي
لكن فيه حريه ومعلش محدش يقدر ينكرها
والدليل ان اي حد دلوقتي بيتكلم ف السياسه

والاختلاف ف الراي لا يفسد للود قضيه

وشكرا لطرحك الاستفتاء والموضوع

مافتكرش ان احنا عندنا حرية
الحرية فى بلدنا بالفلوووووووووووووووووووووس وبس

وكمان كنت هنسي

دلوقتي في مصر فيه الاخوان المسلمين
والاخوان من اكتر الناس الي بيعارضوا
وكمان لو مفيش حريه في مصر مكنش الاخوان المسلمين دلوقتي في مجلس الشعب
هو اه الحريه ف مصر مش كامله اوي لانها متنفعش تكون كامله
يعني مش هنقول الحريه ف العلاقات بين البنت والولد زي امريكا واوربا
لاننا لو عزنا كده يبقي مش حريه هتبقي قله ادب
اه فيه اعتقالات بتحصل لناس من الاخوان المسلمين ولغيرهم وده لان الحكومه شايفه ان ده ف مصلحه الدوله
وطبعا مش هنقول للحكومه متشتغليش
وشكرا تاني مره لطرحك للموضوع يا نانا

بصوا انا هاقول حاجة صغنونة قيسوا انتو عليها بقا

الحرية = الديموقراطية

ولكي يكون هناك ديموقراطيه لازم تتوافر 7 شروط اساسية :

حرية الرأي : حرية ان يعبر كل فرد عن حقوقه وارائه ومتطلباته
المحاسبة : يحاسب فيها المذنب صغيرا او كبيرا وفقا لمبادئ الدستور وما ينص عليه من قواعد
المسؤولية : تحمل كل جهة معنية المسؤولية .. وتحمل الافراد مسؤولياتهم تجاه وطنهم
الشفافية : ظاهرة تعني التصرف بطريقة واضحة ومكشوفة
المساواة : العدل بين المواطنين .. واعطاء الجميع الفرص المساوية
فصل السلطات : اختصاص كل سلطة بمهامها وعدم تدخلها في مهام السلطات الاخرى
رأي الشعب : - no comment ( معروفة )

الديموقراطية / الحرية بمعنى ان للمواطن :

الحرية : ما تمنحها له الدولة ويكفلها الدستور
واجبات : ما للدولة عليه من حقوق يجب ان يؤديها
حقوق : ما على الدولة ان تقدمها لنهضة البلد

بمعنى ان الحرية ليها اتجاهين من الشعب وللشعب .. اذا لقينا انو احنا عايشين في بلد بتتمتع بالصفات دي .. فيبقى احنا بنعيش في بلد حر

مرسي على الموضوع

.........
لورا

كلام جميل جدا
على فكرة السياسة لعبة صعبة جدا
ووجود الاخوان دول ابطال داخل لعبة
الاستيلاء على ثروات مصر

الاخوان عددهم كبر اوي يا نانا ع فكر
ومش ف مصر بس
بقي ف دول كتير اوي
لو هما علي حق ربنا هينصرهم
ولو علي باطل فكما قال الله تعالي في كتابه العزيز
يمكرون ويمكر الله والله خير الماكرين

بس انا مع الاخوان المسلمين فى الدين بس
لكن السياسة لها ناسها ومكرها
الحكومة فرحانة بوجودهم
عشان ننشغل بيهم لكن الذكى اللى يعرف انها حرفنة سياسية

الاعداد عايشة فى حرية الحمد لله

حسبنا الله ونعم الوكيل

يا ريت اعرف رؤية شباب مصر فى المستقبل تبقى عاملة ازاى

الحمد لله ارض توشكى بتباع والحمد لله مصر بخير

انتم فين يا مصريين

» قلوبنا تعيش لأن ..............
» هل تحيا ام تعيش؟
» اقرأ لتتعلم كيف تعيش

استفتاء هل تعيش فى دولة حرة

استفتاء هل تعيش فى دولة حرة

مواضيع مماثلة

مواضيع مماثلة