لا بجد

زائر

زى ما في حاجات كتيره بتحزنني في مصر واعترف أن ما يحزنني في مصر هو حزن عليها حزن علي مصر الوطن ووطن يعني الشجر يعني الشوارع والحواري والحيطان يعني الناس البيوت والعماير بياعين الفل مش حزن منها أو زعل منها هو حزن عليها لكن بجد في حاجت تانيه بتسعدني في مصر وبتديني إحساس أن مصر لسه بخير وسيظل الخير فيها بإذن الله وأجمل الأشياء التي أسعدتني في مصر بل وجعلتني فخور بمصريتي وفخور إنني مصريا هو خروج مستشفي سرطان الأطفال 57357 إلي النور ففخري بخروج هذا الصرح الطبي العظيم لا ينبع من أن المبني خرج إلي النور بمظهر رائع ومبهر ولكن شعوري بالفخر نابع من الطريقة التي خرج بها المستشفي إلي النور وكما نعلم جميعا إن خروج هذا الصرح الطبي العظيم إلي النور كان من خلال تبرعات أهالي المحروسة سواء كانوا في مصر أو حتى المصريين المغتربين في الخارج فخري نابع من كيفية تلاحم أبناء هذا الشعب ووضع أيديهم في أيدين بعض لتحقيق هدفهم وهو ما كان بعون الله تعالي ما هذا الشعب العظيم نعم الشعب المصري هو الأجمل علي الإطلاق لان لو كان المتبرعين من سكان مصر فقط من المصرين فهذا شئ رائع أيضا أن يتوحد 85 مليون إنسان علي هدف واحد لكن أن يكونوا المغتربين خارج مصر من المتبرعين هذا شئ عظيم يظهر لك الاصاله المصرية والروح الحلوة المصرية هذا يثبت إننا شعب عظيم ويثبت لكل المشككين في مصر وفي عظمة الإنسان المصري ويثبت للجميع إننا نملك من الحب والعاطفة والخوف علي بعض ما هو اكبر من أي مؤامرات تهدد مصرنا الحبيبة وأمنها القومي ونثبت أننا اكبر من أي مهاترات وان مصر لا تحتاج للغرباء لان شعبها حاضر وموجود ونثبت لمن يحاول العبث بمصر من الداخل أو من الخارج أننا أقوياء ف 57357 هي اكبر إثبات علي صلابة شعبنا المصري العظيم هذا الشعب المقدام فالموظف محدود الدخل لم يبخل وتبرع للمستشفي والعامل الغلبان في مصنع أو غيره كذلك والطالب اللي بياخد مصروفه من أبوه مخرجش يهيص مع صحابه وراح وساهم في بناء هذا الصرح العظيم والعيل الصغير في السن إنما هو كبير أوي في قيمته وإنسانيته اللي هو العيل اللي بيبيع جرايد عالناصيه مهانش عليه أخر الليل يتعشى ولو طبق فول وأخوه عيان ومش لاقي حته يتعالج فيها وراح العيل الجميل بتاع الجرايد وتبرع وساهم في بناء المستشفي والمدرسة اللي بتشقي وتتعب عشان 170 جنيه مقالتش لا ده قوت ولادي ومقالتش عيالي أولي وراحت وتبرعت وساهمت في بناء المستشفي عشان قالت في عقل بالها أنا عندي عيال كتير مرضي محتاجين مكان يتعالجوا فيه كل دول توحدوا عشان أخواتنا يلاقوا حته يتعالجوا فيها لا بجد بقي أنا فخور جدا بمصريتي بذمتك في شعب في الدنيا كده وأنت بقي يا قارئي العزيز وبعد كل ما سبق ذكره في المقال منتاش فخور انك مصري بذمتك مش فخور لا بجد ؟

موضوع: رد: لا بجد 2009-08-28, 6:58 am

حقيقى يا ميدو هو انجاز من الانجازات اللى تتكتب لمصر ربنا يكتر الخير فى مصر ويشفى كل مرض المستشفى يارب العالمين
تسلم ايدك يا ميدو

موضوع: رد: لا بجد 2009-08-28, 7:18 am

بجد عندك حق ياميدو
فعلا انجااااااااز يحسب
لمصر وعظيمه يامصر
ومشكور يا ميدو ياشا على
الموضوع المهم ده

موضوع: رد: لا بجد 2009-08-28, 7:36 am

طبعا فخورة اني مــــــصـــــــــــريـــــــــة
طبعا ده من اهم الانجازات الموجودة مش في مصر بس ولكن
في العالم العربي والعالم الخارجي
بنثبت اننا متقدمين و متحضرين
والجميل فيها ان ما فيهاش فرق بين ولاد عم عبده بتاع الفول
وبين ولاد اي وزير
الكل سواسية ولازم نفضل ع كده لان ده اللي ربنا امرنا بيه
التعاون و الاتحاد ولما نتعاون اكيد هنبقى اقوى من اي حد
وهنبقى كسبنا الدنيا والاخرة بجنيه واحد اتبرعنا بيه
وفعلا مافيش احسن من مصر
صدق اللي قال انها ام الدنيا

ميرسي يا ميدو ع طرح الموضوع الجميل ده

clapi

موضوع: رد: لا بجد 2009-08-28, 2:58 pm

فعلا مازالت مصر بخير وستزال مصر بخير انشاء الله

وفعلا فيها حاجات كثير تدل على انها مصر بخير
لكن اكثر الاشياء التى تحزننى
اننا سرقة فلوس الشعب من الوزراء والمحافظين وكل ذالك لو اتشال االفساد من مصر مصر اتفضل بخير انشاء الله

موضوع: رد: لا بجد 2009-08-28, 2:59 pm

فعلا ده انجاز يحسب لمصر بجد وبالاتحاد هنبقى اقوى ونتحدى اى حاجة فى الدنيا

جزاك الله خيرا على الموضوع الجميييييييييييييييييييييييل ده

زائر

ميرسي يادينا اوي علي ردك الجميل وهو فعلا انجاز لمصر والمصريين وربنا يسمع دعاكي يارب ميرسي

زائر

ميرسي يامروان جدا علي مشاركتك المحترمه ةظبعا عظيمه يامصر ميرسي اوي

زائر

ميرسي اوي يا ندي علاي مناقشتك المحترمه اللي بتؤكد كلامي اللي في المقال ومش بسكده مناقشتك اللي بتضيف للمقال وانتي خلصتي الموضوع في كلمتين صدق من قال انها ام الدنيا ميرسي

زائر

ميرسي يا محمد علي ردك والمناقشه اللي فتحتها واللي اثارت من خلالها مواضيع مهمه ميرسي اوي يامحمد

زائر

دلوعتنا كالعاده بتجيبي المفيد بالاتحاد هنبقي اقوي من اي حاجه ميرسي اوي يادلوعه وميرسي علي زوقك وعالاشاده ميرسي

موضوع: رد: لا بجد 2009-08-28, 3:33 pm

لا بجد ده انجاز عظيم في مصر والاروع لما تلاقي ناس من الدول التانية بتيجي تتعالج هنا في مصر
تحس انك فخور بحاجه في بلدك وبجد المستشفي دي الناس كلها متعاطفه معاه خصوصا انها للاطفال

شكرا جداااااااااااااااااااااااا علي الموضوع الرائع

موضوع: رد: لا بجد 2009-08-28, 3:34 pm

لو مهما حصل وحاولوا يطفوا شمسنا الجميلة

هنفضل منورين ونخلي العالم كله يتكلم على إنجازاتنا الجميلة

واللي طبعا أهمها مستشفى 57357 وقبلها شعبنا اللي عمره ما يشوف حد محتاج ويبخل عليه ولو بالمال اللي معاه ومش معاه غيره
المستشفى دي من جوة فاقت كل حدود النظافة والإهتمام ده ناقص يخلوا الزائرين يخلعوا الأحذية بتاعتهم علشان صحة المرضى

وأحسن حاجة كمان إن هي لكل المرضى في العالم مش مصر بس

وبجد شعبنا أثبت إن الجدعنة موجودة وهتفضل فيه إلى أجل غير مسمى

ودايما هقول فخورة موووووووووووووت إني من شعب مصر الجميل

وربنا يشفي كل مريض في المستشفى

زائر

وايت انجل ميرسي جدا علي ردك وتعليقك الجميل ومناقشتك المحترمه

زائر

سلمي روعه كالعاده ومناقشاتك محترمه كالعاده وتعبيرك جميل مهما يحاولوا يطفوا الشمس شمسنا هتفضل منوره بعون الله احترم فخرك بمصريتك واحترم اسلوب مناقشتك المحترم واسلوب طرح المواضيع ميرسي اوي

موضوع: رد: لا بجد 2009-08-28, 3:50 pm

انجاز عظيم يا ميدو ومشكورررررررررررررررر على الموضوع دة ونحن كلنا فخورين اننا مصريين

زائر

وميرسي اوي يامان علي ردك ومشاركتك الجميله وطبعا مصر مفخرة التاريخ ميرسي

موضوع: رد: لا بجد 2009-08-28, 7:18 pm

ميرسي يا ميدو وطبعا تعبيراتي مقتبسة من كلامك الجميلة
ميرسي على ذوقك

زائر

ميرسي اوي علي التواصل بتاعك وميرسي علي زوقك وتعبيراتي الجميله مقتبسه من الردود المحترمه انا بتشرف بردودك المحترمه ميرسي

موضوع: رد: لا بجد 2009-08-29, 12:03 am

هو ف حاجات فعلا ف مصر عايزه اصلاح كبير

بس ده مش يمنع انى طبعاااااااااا فخوره انى مصريه

وبجد الانجاز ده اثبت فعلا ان الشعب المصرى يملك ارق قلب

وربنا يشفى اطفالنا

وتسلم ايدك يا ميدو ع الموضوعات الجامده دى بصراحه انت كاتب رائع

زائر

ميرسي اوي اوي يا عاشقة متعب علي ردك المحترم ده وانا كاتب رائع بيكم انتوا وميرسي لذوقك واحترم فخرك بمصريتك وطبعا لازم الواحد يبقي فخور ان بلد التاريخ وربنا يشفي اطفالنا ويعافينا ميرسي جدا لتقديرك ميرسي

موضوع: رد: لا بجد 2009-08-29, 4:50 am

فعلا رغم الحاجات السيئة اللى فى مصر اللى ان المستشفى حاجة جميلة جدا وشئ طيب من الناس

زائر

ميرسي اوي يانانا علي مشاركتك بس مقولتيش بذمتك منتيش فخوره انك مصريه ميرسي واتمني الاجابه

زائر

ميرسي اوي يانانا علي مشاركتك بس مقولتيش بذمتك منتيش فخوره انك مصريه ميرسي واتمني الاجابه

زائر

ميرسي اوي يانانا علي مشاركتك بس مقولتيش بذمتك منتيش فخوره انك مصريه ميرسي واتمني الاجابه