الحب..الصحوبيه..كله يشارك برايه

السلام عليكم ورحمه الله
التوبيك ده هنتكلم فى عن الحب والصحوبيه بين الولد والبنت
وانا اعتقد ان الموضوع ده اكتر واكبر موضوع شاغل الولاد والبنات
والله العظيم ما عملت التوبيك ده الا خوفا على اخواتى
الصراحه يا جماعه انا شايف دلوقتى الصحوبيه بين اى ولد وبنت شىء عادى خاص
طب فين الصح احنا مش هنتكلم بالدين دلوقتى نتكلم بعقولنا بعد كده نشوف الدين عاوز سعدتنا ولا لا
والتوبيك ده معمول اكتر
للشباب اللى هو مش عارف ده صح ولا غلط ولا ايه
ولا لازم اصاحب مرة واتنين وتالته علشان لما اتجوز اعرف اخترها صح
وفى شباب مش عارف ياخد موقف صح لا لا او اه
وفى بردوا بنات بيضحك عليها من شباب كتير مهرجك ومستهتره
وفى ولاد وبنات لسه داخلين الجامعه فبيشوفوا الحياة فرى خالص
فبيكونوا عاوزين يقلدوا
وفى جزء يكون عاوز وبيدور فعلا وبصدق عن السعادة
طب السعادة فين
وفى ولاد وبنات وخدنها تسالى ع النت
يبدها بصحوبيه وبعدين تتحول لحب
حب ازاى دى ماعرفش
ماهى ظيطه بقى
الحب..الصحوبيه..كله يشارك برايه 870595

والغلبانه تصدق ههههههههههههه هولعها انا دلوقت
الحب..الصحوبيه..كله يشارك برايه 399640

بصوا يا جماعه انا مش عاوز اطول عليكم
ومش هقول رايى دلوقتى خالص
بس اسيب التوبيك ليكم
وكل واحد يدخل يقول ايه رايه
ونشوف فين الصح وفين الغلط
وعيد سعيد عليكم

قوانين التوبيك بعد اذن الكل :ـ
1- احترام جميع الاعضاء احترام تماما وارائهم
2-*- مراعاة الذوق والآداب العامة علشان احنا هنا اولاد وبنات فالازم الالفاظ تكون متحضرة وعدم ما يخدش الحياء
3- الكلام فى الدين يكون برفق ولين ومن غير تعصب ارجوكم
ربنا قال لسيدنا موسى يقول ايه لفرعون اكبر ظالم وطاغيه فى الارض
الذى قال انا ربكم الاعلى
قال تعالى: (اذهبا إلى فرعون إنه طغى* فقولا له قولا لينا لعله يتذكر أو يخشى).

(الكلمه الطيبه صدقه )

فاللى انا اعرفه ابلغه برفق ولين ومش عارف ابلغه كده مبلغهوش علشان احبب الناس فى ربنا والدين
4- عدم قصد احد فى الكلام اى عضو تانى

مبدئنا
الحوار والنقاش
واحترام بعضنا لبعض

انا رايي الصحوبية بين الولد والبنت عادي
قد تتحول لحب بس مش عارف ايه نسبة نجاحها لاني مش جربت صراحة
لكن لو من النت اعتقد ممكن ف وقت ممكن تتحول حب لكن بيفشل غالبا

انا من رايى ان كل حاجة بتحصل بين الولد والبنت سواء حب او صحوبية لازم تبقى بحاجز يعنى تقف عند حد معين وما تتخطاهوش لان ما ينفعش تبقى العلاقة طبيعية زيادة عن اللزوم لان ده غلط جداااااااااا وبالذات على البنات

وميرسييييييييييييييييييييييي جدا جدا على التوبيك فعلا لازم الموضوع ده نناقشه وكل واحد يقول رايه بصراحه

تحيتى/ دلوعة التريكاوية

انا شايفه ان العلاقه بين لبنت والولد لابد ن تكون ي اضيق الحدود
وان تحكم هذه لعلاقه طوابط متكنش متسابه كده
لن طبيعه اي بنت في الدنيا انها بتحب الكلام وخصوصا اذا كان علي الحب
والرومانسيه وبتنخدع بيه مهما تكن شخصيه البنت حتي لو هي مش مبينه
بس هتضعف ف ليه بقي من الاول ويحصل ما لايحمد عقباه
اما لو العلاقه زماله بس وميتطرقوش لاي كلام غير الدراسه
فدي مفيهاش مشكله حتي لو قلبت بحب
ولو حد معجب بنت وبيحبها وعايز يعرفها يروح من الباب وميلفش ويدور
وعلي فكره انا مش بحبذ الصحوبيه لان مفيش ولد بيتجوز البنت ال هو مصاحبها وبيدور علي البنت ل عمرها ماصحبت ولد
ودا بسبب ان اكيد في علاقه الصحوبيه دي بيحصل فيها حاجه غلط
فالبتالي الولد بيفضل ان البنت تكون عمرها ماصحبت ولد
عشان يضمنها فليهبقي من الاول نعرض نفسنا لكده
وممكن نعمل ي العلاقات دي حاجه تغضب ربنا
احنا نبعد عن كده ونمشي حسب تعليمت ربنا
لان ربنا بيرد الخير لينا