متخافوش

زائر

متخافوش هو اسم مسلسل للفنان نور الشريف كان قد عرض في شهر رمضان الماضي ما ظهر علي شاشات الفضائيات من إبداع وإبهار للعالم كله من المصريين في حفل افتتاح كاس العالم للشباب لكرة القدم ويوجه هذا الإبداع رسالة للعالم بأسره ورسالة لكل من يزايد علي عظمة مصر وشعبها الأصيل علي إننا قادرين علي تحقيق المستحيل بل ما حدث يؤكد أن المستحيل ليس له وجود في حياة المصريين والأجمل والأروع أن كل هذا الإبداع الذي كان حاضرا في حفل الافتتاح لم بالبهرجة و بالفشخره بالبلدي كده ولكنه كان مبهرا ببساطه دون تعقيدات رائعا بخفة دم ظاهره فيه وهي خفة دم مصريه خالصة وكان هذا الحفل الجميل ينطق ويقولها لنا كمصريين متخافوش من أي حاجه كيف نخاف ونحن نملك هذه الإمكانيات البشرية الرائعة المتلاحمة لإخراج هذا الحفل الرائع إمكانيات بشريه مجتهدة في عملها واثقة من قدراتها مؤمنه كعادتها وكما عودتنا الأيدي المصرية علي مر العصور نعم لقد كانوا المصريين مؤمنين بنجاحهم في إخراج حفل الافتتاح في ازهي صوره فكان إيمانهم في محله بتوفيق من الله جل جلاله وعلا سلطانه متخافوش أقولها لكل مصري شاهد الحفل الرائع الذي كسب احترام العالم والاهم أننا كسبنا احترامنا لأنفسنا ولقدراتنا متخافوش وتخافوا أزاي وكل ما كان في حفل الافتتاح من عمل هو صناعه مصريه وبأيدي وسواعد مصريه لا وجود لأيدي خارجية في هذا العمل الإبداعي وهذه العبقرية وهذا العمل الجاد ومن عبقرية حفل الافتتاح لإبداعية أخري حضرت في الافتتاح وهذا الشيء مصري هو الاخر ألا هو إستاد برج العرب ما هذه التحفه الابداعيه الفنية الراقية جدا نعم هذا الإستاد مفخرة لمصر والمصريين لا للسعه الجماهيرية ولا لأرضيته العشبية الرائعة ولكن لان هذا الإستاد صناعه مصريه خالصة بأيدي مصريه نعم افخر بهذا واتباهي وارفع راسي بابن بلدي فوالله بعد رؤيتي لهذا الصرح الرياضي العظيم أتقويت ورفعت الرأس وبكيت فرحه وشوق حماس بمصر وأولادها وشبابها وكما سبق لي القول أن إستاد برج العرب هذا الصرح العملاق تم إنشائه بسواعد مصريه ونفوس حرة أبيه دون أي تدخل من الخارج عملت هذه السواعد المصرية لأشهر طويلة لتخرج لنا هذه القلعة الرياضية الجميلة والمبهرة للعين وتهديها لمصرنا الحبيبة بعد كل ده أكيد متخافوش وحتى لا انسي أن اذكر أن تمويل بناء هذا الصرح كان مصريا عن طريق القوات المسلحة المصرية والتي لها كل الشكر والتقدير علي مجهوداتها الكبيرة متخافوش لأننا قادرين علي فعل المستحيل متخافوش واتحركوا واشتغلوا وصححوا الأخطاء الموجودة وأحب أن أتحدث عن النقطة السلبية الوحيدة في اليوم الأول للمونديال لان من تحضر الأمم والشعوب إظهار سلبياتها ليتم حل هذه السلبيات وتداركها فيما هو قادم وهذه السلبية تكمن فيمن ذهب للإستاد من حاملي تذاكر المباراة ولم يتمكنوا من الدخول للملعب لعدة أسباب علينا دراستها والتحرك لحلها ومتخافوش علينا أن لا نكتفي بالولولة وان نواصل إبداعنا الذي بدئنا به ونصحح هذه السلبية وأخيرا أرجوكم كفاية خوف رجاء خاص من دلوقتي متخافوش.

موضوع: رد: متخافوش 2009-09-25, 3:30 am

بسم الله الرحمن الرحيم
مموضوع متخافوشى موضوع رائع جدا جدا جدا
والمجهودات التى بذلها المصريين فى استاد برج العرب تبرهن ان المصريين رجاله واننا قادرون عل التحدى بين الدول الاجنبية كما فى كاس القارات برهن العالم ان مصر ليس دولة ضعيفة للكوروة
وهاهو منتخب مصر للشباب يحقق حلم المصريين
واخيرا كلمتى الى مومن ببلدة عمره مايخاف من الصعاب
شكرا ياميدو على الموضوع

موضوع: رد: متخافوش 2009-09-25, 3:41 am

الله بجد الموضوع جميــــــــــــــــل جداااااااااااا

فعلا انا النهاردة لما شوفت الاستاد والجماهير اللي فيه

حسيت بفرحة شديدة وبجد كانت عينيا بتدمع

من كتر الفرحة اللي حسيت بيها ، اشتقت جدا لبلدي

وفعلا مافيش زيها ابدا ولا هايبقى في زيها ابدا

والنهاردة اثبتنا للعالم كله اننا شعب متعاون بيحب الخير والعمل وع قد الظروف

اللي بيشوفها الا انه دايما فرحان ومبسوط وسعيد

بيحب بعضه البعض بيشارك الحزين احزان وبيشارك الفرحان فرحه وبيقف جنبه

وبعد كده مش هانخاف من اي حاجة ابدا ما دام احنا متعاونين وبنقف جنب بعض

وبالتعاون والارادة والعمل والاجتهاد والايمان بالله سبحانه وتعالى والاتحاد والعلم

هانبقى احسن من اي دولة في العالم

وميرسي لطرحك الموضوع المميز ده يـــــــا ميدو

ودي عادتك طبعا ، صاحب المقالات المميزة

متخافوش 736642

موضوع: رد: متخافوش 2009-09-25, 7:48 am

الله عليك التوبيك فعلا راائع
واسلوبك ايضااا رائع وليست لروعه ي لاسلوب او المقال فقط
بل الروعه تمتد لما بعد المقال والقصد منه
بجد تسلم ايدك
واحيك علي سلوبك الراقي لانك كتبت عن شيء وتقصد منه ايضااا اشيء اخري اكثر منه
فعلا انت كاتب قدير وتستحق التحيه والاحترام

موضوع: رد: متخافوش 2009-09-25, 8:04 am

كتير الموضوع رائع بس ربنا يتم الفرحه ان شاء الله ونفرح بالمنتخب الكبير وعملاق افريقيا ونصعد بكاس العالم وبجد انا اتباهى بان الاستاد الرائع استاد مبارك دا عندنا فى مصر ويارب نفرح بكاس العالم للشباب ويكون الكاس عندنا مش يخرج من هنا
وان شاء الله هنكسب ايطاليا

موضوع: رد: متخافوش 2009-09-25, 9:17 am

بجد التوبيك رائع جداااااااااا وانشاء الله نكسب العالم كلة

موضوع: رد: متخافوش 2009-09-25, 2:55 pm

ميرسي يا ميدو على التوبيك الروووووووووووووووووعه ده

بجد انا كنت فرحانه اوووووى امبارح وربنا يحرس مصر دايما ويزدها ربنا ف كل حاجه

ياااااااااااااااااااااارب

موضوع: رد: متخافوش 2009-09-25, 3:13 pm

مرسى اوى اوى يا ميدو على موضوعك الرائـــــــــــــــــــــــــع وان شاء الله مصر تكسب كاس العالم
شكرا على موضوعك وحنا مصريين ما بنخافوش

موضوع: رد: متخافوش 2009-09-25, 4:51 pm

بجد ياميدو موضوع هايل جداااااااااااا تسلم ايديك
وطبعا مصر عظيمه بشبابها وبرجالها
وهي قادره علي انها تتحدي اي حد بغض النظر ع المنتخب
مصر قويه في كل وقت وفي كل مجال سواء كوره او سيايه او فن
رائع ياميدوبمقالك جميله يامصر بشبابك

موضوع: رد: متخافوش 2009-09-25, 5:07 pm

تسلم ايدك وبجد احنا محتاجين منخفش لان الخوف بيقضى علينا وعلى احلامنا

وعلى اى حاجه حلوه

موضوع: رد: متخافوش 2009-09-25, 5:35 pm

بسم الله الرحمن الرحيم

اولا ((متاخفوش)) الكلمه دى لازم نطبقها فى كل حاجه مش فى الكوره بس

لان مشكلنا دلوقتى ان الكل بقى بيخاف

الى بخاف من الفقر والعياذ بالله والى بيخاف يعطى رايه والى بيخاف يعمل حاجه جديده ويفرض اسلوب شخصى له والخ ...الخوف اصبح منتشر بشكل رهيب

تانيا مش اول مره نشوف العزيمه دى لو لاحظت هتعرف ان دايما عزيمة المصري قويه جدا خاصة وقت الشده

وكان فخر لينا ولكل المصريين استاد بالشكل ده فى وقت قياسى

وزادنا شرف الافتتاح الرائع للبطوله امس

واخيرا اهنيك على اسلوبك الراقى وافكارك الراقيه ايضا

ويارب الاستمرار

موضوع: رد على متخافوش 2009-09-25, 6:59 pm

بالنسبه لصنع المستحيل مفيش حاجه اسما مستحيل فى الدنيا امام عزيمة المصريين والمصرين معروفين بعظمة الحضاره من ايام الفراعنه وعظمة ما صنعوه مع تحيات الكنج

موضوع: رد: متخافوش 2009-09-25, 7:07 pm

والله يابنى مش عارف اقولك ايه ممتعنا كده دايما بمواضيعك الجامدة تسلم ايديك ياميدو باشا ومبررررررروك لمصر

متخافوش 20rlh91

موضوع: رد: متخافوش 2009-09-25, 9:31 pm

موضوع جميل وفعلا مينغعش نخاف لان كل الى بيخاف ضعيف

زائر

محمد بسيوني ميرسي ميرسي اوي علي ردك المحترم وفعلا مصر وقت الجد بتعمل المستحيل وبيظهر المصري علي حق اشكرك علي مناقشتك وفعلا كلمتك في محلها اللي مؤمن ببلده عمره مايخاف ميرسي يامحمد

زائر

ندي كالعاده مناقشتك بتثري مقالاتي بروعتها وبالتفتح اللي فيها وفعلا كلنا فخر بمصرنا العظيمه وبالاتحاد والعمل والاجتهاد مش هيقدر حد علينا اؤيدك جدا في الكلمه دي وربنا يحمي مصر ميرسي ياندي

زائر

دعاء ميرسي جدا علي مشاركتك وعلي كلامك المحترم اوي واحترم فيكي قراءة ماوراء الكواليس في مقالي وميرسي جدا ليكي انا كاتب قدير بيكم انتوا ميرسي

زائر

محمود ميرسي ياصاحبي عالرد الجميل ويارب يفرحنا بالكبار ونروح كاس العالم باذن الله وطبعا كلنا فخر باستاد برج العرب وميرسي علي كلامك في حقي

زائر

ميرسي يامودي اوي وفعلا انشاءلله نكسب الدنيا كلها ميرسي اوي

زائر

ميرسي اوي يافاطمه علي الرد الجميل والزوق ده وبامانه عندك حق كلنا كنا فرحانين امبارح وفخورين ووانا باكد دعوتك ربنا يحرس مصر ويحميها من كل شر اللهم امين وميرسي يافاطمه اوي

زائر

محمد مان اخويا الصغير وصاحبي ميرسي اوي علي تقديرك وانشاءلله نكسب المونديال وانا جبت من الاخر فعلا احنا المصريين مابنخافوش

زائر

ياسمين اشكرك علي المناقشه المحترمه دي والتقدير وميرسي اكتر علي التفاعل وفعلا كلامك سليم مصر عظيمه بشبابها ورجالها وبتثبت انها قادره علي التحدي ومعاكي في ان مصر مش فرقة كوره ومصر في كل المجالات عظيمه ميرسي عالاشاده اللي اعتز بيها

زائر

شقراء الاهلي ميرسي لمشاركتك وتقديرك وميرسي اكتر لانك قلتي نقطه مهمه جدا ان الخوف بيقتل اي حاجه اودامه فياريت متخافوش

زائر

عمر البشير ميرسي جدا علي اثارتك نقطه مهمه وهي ان لازم نطبق متخافوش فعلا ومنخافش ومعاك ان المصري عنده عزيمه جباره تخليه يعمل اي حاجه رغم الصعاب ميرسي جدا طبعا علي كل كلامك الجميل في حقي واقلك ده كتير عليه بجد ميرسي

زائر

عمر البشير ميرسي جدا علي اثارتك نقطه مهمه وهي ان لازم نطبق متخافوش فعلا ومنخافش ومعاك ان المصري عنده عزيمه جباره تخليه يعمل اي حاجه رغم الصعاب ميرسي جدا طبعا علي كل كلامك الجميل في حقي واقلك ده كتير عليه بجد ميرسي

» متخافوش يا جماعة
» تعالوا .....(نسرق).....(ندمن).....(نقتل).....متخافوش على مسؤليتى!!!!

متخافوش

متخافوش

مواضيع مماثلة

مواضيع مماثلة