السلام عليكم ورحمة الله وبركاتة

ازيكم جميعا يارب تكونوا بخير

........................

الروتـــــــــــين

لما تكون مريض وليك تأمين صحى والدكتور قالك لازم عمليه مش معاك ثمنها عشان تعملها فى مستشفى خاص فهتعملها على حساب التأمين والمفروض إنها تكون فى أسرع وقت يقولك فى مستشفى التأمين الصحى دورك كمان سنه تقوله ما ينفعش يقولك ده الروتين
الروتين ........... الروتين............. الروتين
كلمه بنقابلها على طول فى حياتنا وتقريبا هى مش موجوده غير فى مصر فقط
لما تكون عايز تخلص ورق وتذهب لمصلحه حكوميه وتدخل المكتب تلاقى أول حاجه تقابلك الروتين وطبعا خد تعطيل لورقك زى ما تقول
وطبعا أشكال الروتين كثيره ومتعدده
يعنى مثلا
الورقه الفلانيه قبل ما تخرج لمواطن لازم تمر على إثنين موظفين وبعدهم تمر على مدير الإداره وبعدها لمديره واللى بعده واللى بعده واللى بعده مش هنخلص تكون مصالحك إتعطلت وإحتمال يكون المواطن مات على ما ورقه يخلص مش مهم المهم الروتين
متى نتخلص من الكارثه والعبئ اللى إسمه الروتين إمتى هنتخلص منه ونتقدم لأن الروتين سبب رئيسى من تأخرنا
الروتين حاجه تخنق
قولولى رأيكم إيه فى الروتين