وانا واقف على اخر سِلمَه
فى بلادى بسلم عليها وماشى
جرحتنى دمعه
كانت اطول دمعه
افتكرت معها شريط حياتى
افتكرت الولد الصغير
اللى كان مليان شقاوه
مجنون بالكره والهجره والسفر
مكنش يعرف انها
انكتبت عليه!!!!
يا ترى هى شافت دمعتى
افتكر شفتها
الغريب انى ملئتها زعلانه
ولا حزينه انى مفارق
طب ليه انا حزين
يمكن علشان اهلى واصحابى
ولاعلى حلم كان نفسى
يكبر هنا
واشوف نفسى فيه
ايه الحكايه يام البلاد
ابنك ماشى ونفسه يسمعها
خليك هنا خليك
محتاجه اشوف عمرى فيك
الظاهر انى هستنى كتير
اقولكِ توكلت على الله
بلاده واسعه
موش هتضيق بيا ارضه
وهستنى يمكن تنادى
يمكن تحنى علينا
يمكن يحن قلبك العاصى
هكتبلك
وهستنى بشوق ولهفه
بس مطوليش السكوت
العمر فى غمضة عين
بيعدى ويفوت
ولو موصلنيش صوتك
هسيب فى كل سفاره وقنصليه
عنوانى
او شئ يدل عليا
اى حاجه من رحتى
توصلك فى يوم ليا
وصيه
لو مت بيعيد
اندفن فى ترابك
ولآ
هتستخسريه
كمان عليا
استنى ولآ اكمل المشوار
اللى موش عارف
امتى ولآ فين يحط بيا
السكوت هيطول
وانا نويت الرحيل
لانا ابن بطوط ولآ سندباد
لكن الظاهر انى
هكرر رحلتهم الطويله
فى بلاد الله البعيده