{{ { {{ رباعيات فى حب الله }} } }}

تأليف:- نبيل خلف

اداء :- محمد منير

الكلمات

1 :- (((( الليل طويل ))

الليل طويل وانا ابتديت
والنور جميل شوفتة وبكيت
ربى الغفور فى قلبى نور
وانا روحى شمعة فى كل بيت

يا يا يا ...................الله

2 :- ((( انا بدعى )))

انا بدعى فى ليلة القدر
وبحلم برضا والستر
اله الكون يصبرنى
وانا ماسك فى ايدى الجمر

يا يا يا ............. الله

3 :- (((انا وشى ليه )))

انا وشى ليه شاحب
والهى لى حاسب
فى ذنوبى انا غرقان
من الكعب للحاجب

يا يا يا ...............الله

4 :- ((( بجرى على مهلى )))

بجرى على مهلى
وشيطان بيندهلى
وانا بستغيث يا غفور
تسامحنى على جهلى

5 :- ((( بكيت فى غروبى )))

بكيت فى غروبى يا شمس البصيره
وبفرد ذنوبى وانام على الحصيره
بفضله وكرامه انا زورت حرامه
وبشبع بنووره بعينى الضريره

6 :- ((( توبت ياربى )))

توبت ياربى وقلبى جريح
نقطه مطره تخاف من الريح
واى سراب يبانلى سحاب
ونفسى اكون فى الحق صريح

7 :- ((( جانى الريح ))

جانى الريح بيقول للراوى
والمصابيح من برج سماوى
زرعت الحب بذور وتقاوى
وكنت جريح والرب يداوى

8 :- ((( حلو ومر )))

حلو ومر الصبر يمر
والحكمه من طبع الحر
سر القلب يبان فى الحب
حب الله فى ايديه الامر

9 :- ((( دوام الحال ))

دوام الحال يا دنيا محال
لاعز يدوم ولاأرث مال
ولما بعوز يارب كنوز
تشبعنى بلقمه حلال

يا يا يا ................... الله

10 :- ((( ذره سكر )))

ذرة سكر فى الفنجان
قالت الرحمه من الرحمن
لما بدوب من الحب فى نوره
روحى تشبع اى جعان

يا يا يا ............ الله

11 :- ((( ذو الجلالة ))

ذو الجلالة والكمالة زيدنى من نعمتك
القمر بدر وهلال والتمام بقدرتك
مهما ههرب من الذنوب العيوب فى القلوب
ببكى ليك لما اكون
واتعشم فى رحمتك

يا يا يا ................... الله

12 :- ((( رب الارباب )))

رب الارباب وحنين تواب
العيشه عذاب فى زمن كداب
صبرنى يارب على اللى انا فيه
وافتحلى بنورك مليون باب

13 :- ((( رب احمينى )))

رب احمينى فى الزمن القاسى
لما اخاف من اهلى وناسى
من مخلوق يقدر يحاسبنى
وقصاد ابنى اطاطى له راسى

يا يا يا .............. الله

14 :- ((( سامحنى ياربى )))

سامحنى ياربى انا كنت طاغى
بأيدى بداوى العيب بالعيب
لحاد ما جانى مريض وشفانى
ونفسى اموت وانا طاهر الايد

15 :- ((( سبحان الله )))

سبحان الله
من غيره اناديه
للروح الطاهره الف دليل
فى شروق وغروب بترش النور
وتشوف الشمس فى نص الليل
سبحان الله

16 :- ((( سبحان الله 2 )))

سبحان الله النور وهاج
وجميل الصورة من غير تاج
ورسول الله بيطير فى سماه
بيقابل ربه فى المعراج

الله الله

17 :- ((( طيبون طيبات )))

طيبون طيبات
والربيع من النبات
بدعى من قلبى واقول
يارب سترك على البنات

18 :- ((( عطر طيب ))

عطر طيب من النسيم
من الصراط المستقيم
يا رحيم يا كريم
خدنى من دار اللئيم

19 :- ((( عيبو مستور )))

عيبه مستور
يخاف من النور
وليل ونهار ينام فى بحور
لكن ربه شايف قلبه
وقادر يكشف المستور

20 :- ((( قلت اعوذ ربى )))

قلت اعوذ يارب الناس
من الوسواس من شر الناس
من جهلى ومن قلت حيلتى
لما اشك فى كل الناس
يا يا يا ................. الله

21 :- ((( قلت ياريت )))

قلت ياريت وعملت العيب
واستنيت يداوينى طبيب
مهما ندمت انا هعمل ايه
ربى عليم بحجاب الغير

22 :- ((( لا اله الا الله )))

لا اله الا الله
وارضى بقضاء الله
واصبر على بلواه
وملكش الا رضاه

23 :- ((( ليه بكيت )))

ليه بكيت فى المنام
لما صليت فى المقام
كنت بتوضى بدموعى
والملاك هو الأمام

24 :- ((( نورهم بين اياديهم )))

نورهم بين اياديهم
وضميرهم بينجيهم
بدعى تنولنى ياربى
وامشى على الشوك وسطيهم

25 :- ((( نورهم طاهر )))

نورهم طاهر بين اياديهم
ربنا عالم وبيديهم
اتوضيت من نهر دموعهم
ونفسى اصلى وانا وسطيهم

26 :- ((( يا الله ))

يا الله
الله
بخاف من الناس ومن خوفهم
وقلبى مرايه بتشوفهم
واهل الروح فى نور الله
ولو غمضت بعرفهم
لو غمضت بعرفهم

27 :- ((( يارب انا ذنبى )))

يارب انا ذنبى زلزلنى
وطلعنى ونزلنى
ولو تسامحنى ياربى
مفيش مخلوق يزعلنى

28 :- ((( ياربى حزين )))

ياربى حزين انا بينهم
وانا منهم ومش منهم
فى كل صلاه بقول الله
اوامرك مش اوامرهم

الله الله يا يا يا ................ الله

29 :- ((( يا طير الروح )))

ياطير الروح واخدنى لفين
انا مجروح وهشكى لمين
تداوى جروحى فى زمزم
وبنسى همومى فى الحرمين

30 :- ((( رزق الروح )))

رزق الروح من عند الله
وحى القلب بامر الله
نفسى اروح لمقامة وابوح
وانا مشتاق يا رسول الله الله الله

بجد كلام جميل اوي بارك الله فيك يا محمد
وانا اعجبتني ده
طيبون طيبات[/b]
والربيع من النبات
بدعى من قلبى واقول
[b]يارب سترك على البنات

حلو اوى
جزاك الله خيرا

اقتباس :: انا بدعى فى ليلة القدر
وبحلم برضا والستر
اله الكون يصبرنى
وانا ماسك فى ايدى الجمر

يا يا يا .............
الله

اقتباس :: ]لا اله الا الله
وارضى بقضاء الله
واصبر على بلواه
وملكش الا رضاه

جمال اوى ماشاء الله
جزيت خييييرا

mo22amed gad كتب:: 25 :- ((( نورهم طاهر )))

نورهم طاهر بين اياديهم
ربنا عالم وبيديهم
اتوضيت من نهر دموعهم
ونفسى اصلى وانا وسطيهم
[/b]

جزاك الله خيرا يا محمد
بجد توبيك جمييييييييييييييل جدا جدا
ربنا يبارك فيك ويجعلة فى ميزان حسناتك باذن الله

تسلمو لمروركم
جزاكم الله خيرا

جزاك الله خيرا يا محمد
ربنا يجعله في موازين حسناتك