بسم الله الرحمن الرحيم

فى ناس كده بتحاول تدور للاهلى على اى مصيبه وتحط الاهلى فى وسطها لانهم مش قادرين يستحملوا
الحاله المستقره اللى فيها النادى الاهلى فى الوقت اللى انديتهم على وشك انها تصارع على الهبوط

منذ عدة ايام واثناء احدى مباريات الدورى العام ولا اتذكر تحديدا ان كانت المباراه تخص الاهلى ام غيره فكما هو معروف للجميع ان قناة الاهلى تذيع كل المباريات واثناء هذه المباراه وجدت الكابتن محمد كمال ريشه فى الاستوديو
التحليلى على قناة الاهلى واول شىء تبادر الى ذهنى هو الكابتن خالد الغندور وقلت لكل من حولى ان الكابتن خالد الغندور سيقول فى برنامجه غدا كيف يظهر الكابتن ريشه فى قناة الاهلى بعد ما حدث فى مباراة طلائع الجيش الموسم الماضى وشعور الزملكاويه قبل الاسماعلاويه ان ريشه جامل الاهلى وهو من اضاع درع الدوى منهم

لم يكن كلامى بان الكابتن خالد الغندور سيعلق على ظهور الكابتن ريشه فى قناة الاهلى مجرد تخمين او توقع بل اننى كنت متأكده تمام التأكد بان هذا ما سيحدث ( وهوه معقول يفوت فرصه ممكن يقطع فى الاهلى فيها )

المهم طبعا تانى يوم حصل الكلام ده والكابتن خالد الغندور قال اللى فيه النصيب وقال كل اللى فى نفس كل زملكاوى واسمعلاوى
الغريب بقى ان يوم الجمعه الماضى وفى برنامج الكره فى دريم مع الكابتن مصطفى عبده ظهر الناقد الرياضى ابو المعاطى ذكى وقال نفس الكلام وزود عليه ان كده الكابتن ريشه حط نفسه فى موضع شبهه بظهوره فى قناة الاهلى
( ههههههههههه الظهور فى قناة الاهلى بقى شبهه هههههههههه ) خصوصا بعد ما جامل الاهلى فى ماتش طلائع الجيش
وهنا بقى لازم نقف شويه اذا كان ظهور الكابتن ريشه لتحليل التحكيم فى قناة الاهلى على اى مباراه وليس مباريات الاهلى تحديدا يعتبر شبهه فما رأى سيادتكم فى الحكم السيد فتحى الذى ظلم الاهلى ظلم فادح وبمنتهى التعمد ثم ظهر
فى برنامج اسماعلاوى بعدها بفتره قصيره يعلن انتمائه للنادى الاسماعيلى ايهما يستحق ان يكون موضع شبهه
الكابتن ريشه الذى اخطأ فى كرة ابو تريكه بدون قصد ( مع العلم ان نفس الكره تكررت فى مباراة مصر وزامبيا ودفع مهاجم زامبيا محمد شوقى وايضا تم احتساب الهدف ) اذا فهو مجرد خطأ غير مقصود اما السيد فتحى فكان يعتبر
مباراة الاهلى بالنسبه له جهاد من اجل الاسماعيلى على الرغم من ان الاسماعيلى لم يكن يحتاج الى مسانده من احد
لا من السيد فتحتى ولا حتى من نادى الزمالك الذى تنازل عن كرامته وتنازل ايضا عن نقاط المباراة الثلاث للنادى
الاسماعيلى املا فى اغتصاب درع الدورى من الاهلى دون وجه حق .

على اقل تقدير الكابتن ريشه عندما ظهر فى قناة الاهلى لم يعلن انتمائه للاهلى كما فعل السيد فتحى الذى اعلنها صراحة انتمائه للنادى الاسماعيلى وايضا ليس معنى ظهور الكابتن ريشه فى قناة الاهلى انه اهلاوى بدليل ان الكابتن حلمى طولان والكابتن محمد صلاح والكابتن حمزه الجمل وغيرهم كثيرون يظهرون على شاشة قناة الاهلى رغم عدم انتمائهم
للاهلى هل هذا يعنى ان ظهورهم فى قناة الاهلى يضعهم موضع شبهات

ياريت بلاش تتكلموا فى الحاجات دى عشان مانقلبش فى القديم وساعاتها هيطلع شكلكوا موضع شبهات ..!

بسم الله الرحمن الرحيم

ميرسى يا ايود على مشاركتك

نورت التوبك كعادتك دائما

فعلا حكمة جدتك سليمه ميه فى الميه

وهمه لولا انهم حاسين ان الاهلى احسن منهم كان حالهم بقى كده للاسف همه
مش عايزين يطوروا نفسهم همه بس كل اللى شاغلهم الاهلى عمل ايه وجاب مين
وكسب ازاى بس لكن مش بيركزوا مع فريقهم خالص

مره تانيه شكرا على مشاركتك يا ايود

بسم الله الرحمن الرحيم

ميرسى لمرورك يا قمر نورتى
وعندك حق همه عايزين يعملوا هيصه وخلاص
همه مشكلتهم ان الاهلى مستقر وبيكسب مش قادرين يستحملوا الوضع ده
فبيحاولوا بكل الطرق يضربوا الاستقرار ده
وخصوصا فى بدايه الموسم ده قالوا على الزمالك فريق الاحلام
بس للاسف الاحلام طلعت كوابيس
ربنا يهدى الجميع
مره تانيه شكرا لمرورك ياقمر

بسم الله الرحمن الرحيم

اولا وقب اى حاجه نورتى التوبك يا رودى
ثانيا بقى انا من الاول وانا شاكه فى اخوكى ساعات بحس وهوه بيكتب انه زملكاوى
اه لو طلع زملكاوى بجد ههههههههههههههههههههههههههههههههه
ولا على ايه كفايه اللى الزمالك بيعمله فى جمهوره هبقى انا كمان عليهم ههههههههههههه

بحييكى على روحك الرياضيه وميرسى لمرورك يا جميل وفرصه سعيده انى اتعرفت عليكى
وسلامى لرؤى

فى ناس كده بتحاول تدور للاهلى على اى مصيبه وتحط الاهلى فى وسطها لانهم مش قادرين يستحملوا ههههههههههههههههههههههههههه

اوكى

تسلم ايدك

بسم الله الرحمن الرحيم

ميرسى لمروركم جميعا
نورتوا التوبك