لمسة إخلاص لواحد من أهم الناس

زائر

هل تعودنا علي تحريف التاريخ ؟ أم إننا نتعمد دائما تجاهل عطاء من نريد تجاهلهم ؟ أم أصبحنا نتلذذ بتجاهل تاريخ واحد من أهم الناس دون سبب مقنع ؟ والاهم من كل ما سبق لماذا نتعامل مع رموزنا بهذا الأسلوب الغير لائق ؟ كل ما سبق يدور في مخيلتي وأنا بصدد الحديث عن واحد من أهم الناس الذين أعطوا لمصر وافنوا حياتهم في ملاعب الكره لرفع علم مصر أتحدث اليوم عن العميد حسام حسن هذه الأسطورة المظلومة رغم انه يستحق كل التقدير علي ما حققه لمصر والنادي الأهلي ونادي الزمالك من انجازات وبطولات وأرقام حسام حسن أفضل لاعب في تاريخ القارة الافريقيه بحسب استفتاء ألفيفا غير أن المؤسسات الرياضية في مصر كان لها رأي أخر وتجاهلت تماما هذا الحدث بمنتهي الاستفزاز ولم تبدي أي اهتمام تجاهه ولم تكلف نفسها بحفل تكريم لهذا النجم الكبير ولو بشكل معنوي وكان التكريم حاضرا من مؤسسه رياضيه قد تكون ليست بعراقة المؤسسات الثلاثة التي تجاهلت وعن عمد تكريم العميد أتحدث عن تكريم نادي الترسانة لحسام حسن هذا التكريم الذي اظهر من خلاله نادي الترسانة آصاله كبيره جدا ويحترم عليها في حين اكتفت المؤسسات الرياضية الثلاثة بالحديث عن أنصاف النجوم الذين لم يصنعوا 1 علي مليار مما صنع العميد لمصر والناديين الكبيرين واليوم لن أتحدث ولن اسرد انجازات حسن لان انجازاته تتحدث عن نفسها ولكن اكتب كلمسة وفاء وإخلاص لواحد اسعد كل الناس في مصر علي مدار 22 سنه واكتب لمعرفة شئ خطير وهو ليه دايما نظلم ؟ نعم ظلم حسام حسن في الأهلي وظلم حسام حسن في الزمالك وظلم العميد من اتحاد الكره المصري ظلم في الأهلي حينما تناست جماهيره انجازات وبطولات حسام حسن مع نادينا العظيم الأهلي وبعضها قام بحذف حسام من تاريخ الأهلي تماما دون أن يقوموا هؤلاء أنفسهم بحذف وشطب بطولات الأهلي التي تحققت في حضرة العميد وغيرها من المرات التي ظلم فيها العميد في الأهلي ولم يسلم العميد حسام حسن من الظلم في الزمالك حيث انه أرغم علي إنهاء تعاقده مع الزمالك وترويج شائعات عليه داخل أروقة النادي من قبل أعضاء في مجلس الاداره ظل حسام يظلم في الزمالك إلي أن رحل عن الفريق بعد سلسله من الأفعال الظالمة ضده داخل الزمالك وما أدراكم ما الزمالك واختم مقالي برسالة هامه للقارئ العزيز أنصفوا هذا العملاق حسام حسن وأنصفوا عطاءه وأنصفوا تاريخه وتذكروا يا مصريين اللحظات السعيدة التي عاشها الكاتب والقارئ بفضل إبداعات العميد حسام حسن والكاتب يري أن هناك رسالة تريد أن تخاطب حسام حسن ويقول فحواها لا تحزن أيها النجم الكبير لست أول الرموز المظلومة لكن عليك أن تؤمن انك ستنصف يوما ما لأنك واحد من أهم الناس .

انا الى اقدر اقولو ان حسام حسن كان افضل لاعب فى مصر وفرح المصريين كلهم وطبعا لاعب عندو اخلاق عالية ولازم كلنا نقف جنبه وننصفوعلى رأى ميدو واحنا وراك ياعميد الكرة المصرية .وتسلم ايديك ياميدو ياجامد انت مية مية والله ياابنى ربنا يوفقك

لمسة إخلاص لواحد من أهم الناس Xgdy00

لمسة إخلاص لواحد من أهم الناس P1-wp-pl-Hossam_Hassan-v1

زائر

ميرسي اوي يا اسلام علي مناقشتك ومشاركتك المحترمه وطبعا حسام لاعيب كبير وبحيي فيك هذه الروح يا اسلام

الوطنيه الجامده مش حلوه عليكو

انا بشجع الجزائر

يسلمووووووووووووو على الموضوع الرائع

ميرسي يا ميدو على التوبيك الرووووووووووووووووووعه ده

وبجد طبعا غصب عن الكــــــــل سواء اهلاوى سواء زملكاوى سواء اى حد بقي

حسام حسن ده العمـــــــــــيـــــــــد بتاع الكورة المصريه كلهاااااااااااااااااااااااااا

يستحق اهتمام فعلا اكتر من كده بكتيررررر لانه مش اى حد ده بيمثل اسم مصر والمصرين بره

وبيشرفنا طبعاااااااااااااااااااااا وانا بحبه جداااااااااااااا جداااااااا جداااااااااااااااااااا

وتسلم ايدك تانى ع التوبيك

اهم هداف جه في تاريخ الكرة المصرية
وبامانة وبدون مبالغه
المفروض المدربين يدربوا الناشئين ويدرسولهم حاجة اسمها حسام حسن
علي رايك يا ميدو
حسام في ال 18 يعني جول ههههههههه

وبغض النظر عن تصرفات حسام الاخيرة واللي يمكن يكون دفعه ليها الاعلام بتجاهله

فحسام هيفضل احد اهم رموز الكرة في مصر

ولكن اعلامنا اليومين دول اعلام سوقي
عاوز الحاجة اللي ماشية دلوقتي وتجيب فلوس وتزود مشاهدين للقنوات ومبيعات للجرايد
فخلاص بقي الواحد بجد فقد الامل بان يبقي فيه اعلام محترم

تسلم ايدك يا ميدو
بجد توبيك جااامد
ومن توفيق الي اخر
ان شاء الله

اولا ميرسى على الموضوع وانا معاك انه فعلا مظلوم مش كتير بيكرموه ولا بيدولوه حقه

واحييك على موضوعك

سمية الاهلاوية عاشقة ابوتريكة

بصراحه موضوع اكثر من رائع

تسلم ايدك يا برنس

بجد ناس كتير ظلموا حسام حسن وكان حسام معملش اى حاجة للنوادى ولمصروبجدلازم كل واحد يعترف بفضله

كل الى اقدر اقولو مهما عدت الايام مصر مش هجيب واحد زى حسام

اولا السلام عليكم ورحمه الله وبركاته
ثانيا حسام حسن لعيب كبير اوى فعلا بس سور فى اللفظ لعيب قليل الادب ياما شتم حكام وضرب لعيبه وبيمثل كتير بس فعلا الى مش هيجى زيهم فى مصر ومدا مش كلامى انا لوحدى دا كلام خبرا كتييييييييير تريكه اولا والحضرى ثانيا دول مش هيجى زيهم فى مصر كتير من المحللين قالو ان ايو تريكه غلب الخطيب مش عاوز اكتر عليكو الخلاصه من الكلام ان العميد لعيب كبير وقدم لمصلا حجات كتير عمرنا ما هننسى هدفه فى الجزائر وصعدنا كاس العالم بس ابو تريكه جاب لينا 2 بطوله امم افريقيا وكان له الفضل فى الاداء الى احنا عملناه فى كاس القارات فى النهايه كل مواضيعك حلوه يا ميدو تسلم ايدك او يسلم الكيبورد

اولا تسلم ايدك علي التوبيك
وعلي فكره دي طبيعه الاعلم لمصري انه بيهتم بكل لتفاهات
وبينسي او بيتانسي الاشياء ذات القيمه
ولان حسام حسن بعد عن الملاعب واللعب فهو بالنسبه لهم ورقه محروقه
يعني هما فكرو لو استضفوه هيستفادو ايه او كرومه برده هيستفادو ايه
ونسوا انو كان رمز من رموز الكره
وهملوه لان الاضواء ابتعدت عنه
مع ان له من التاريخ مايشهد له ويبقي ذكراه لي اجيال واجيال واجيال

تسلم يا ميدو ع المقال
حسام حسن بصراحه مش بحبه دا دايمن بيعمل مشاكل فى الملاعب ودايمن فاضح النادى بتاعه

والله يا ميدو عندك حق في كل كلمة كتبتها

الراجل بجد زي ما بسمع عنه إنه هو من أصحاب الفضل على الأهلي والزمالك

وأهم شخص كان في منتخب مصر

وبصراحة زعلت قوي لما عرفت بالصدفة إنه أخد أفضل لاعب في تاريخ الكرة المصرية

وإزاي ميتعملش له تكريم بس في مصر أو حتى شو إعلامي عالموضوع

وبالنسبة للإعلام أنا قولتهالك قبل كده عن إن في وفي

وربنا يوفقه ونشوفه بيدرب منتخب مصر

لإنه هيعمل مجهود جامد آخر حاجة بجد

كل الى اقدر اقولو مهما عدت الايام الجزائر مش هجيب واحد زى رابح سعدان

بجد يا ميدو انت اختياراتك لتوبيكات روعة العميد أهدا لمصر الكتير و يوم ما اتهاجم بره الكل وقف ضده و اتنسى كل اللى قدمه و من غير ما نشوف ايه سبب اللى عمله

تسلم اديك يا ميدو

تسلم ياميدو ع المقال الرائع وده حاجه مش جديده عليك
دايما بتمتعنا بمقالاتك
وطبعا من غير شك ان الكابتن حسام حسن من عظماء الكره المصريه
و هو صحيح علي رايك قدم كتير لمصر بس لسه مصر مقدمتش حاجه تليق
بعميد الكره المصريه ويكفيه ان مصر كلها عارفه مين هو حسام حسن
ومره اخيره تسلم ايديك ع المواضيع الجميله اللي بتقدمها

طبعا حسام حسن لاعب كبير بس للاسف عصبيته دفعته لكره بعض الاطراف ليه

زائر

ميرسي علي المشاركه يا ميسي لافر وارجو تحترم نفسك في الرد والمشاركه دون استفزاز الاخرين من خلال مقالي ومش ليك علاقه بالوطنيه بتاعتنا

زائر

ميرسي اوي يافاطمه علي مشاركتك وتقديرك وميرسي عالمناقشه المحترمه والاضافه الحلوه خاصة انك قلتي حسام عميد الكره المصريه ولازم نهتم بيه اكتر لان بيمثل مصر كلها ميرسي جدا علي الاضافه وميرسي عالتفاعل الجميل ده

زائر

مدين ميرسي علي مشاركتك اللي فيها الكتر من حاجه مهمه اولا عجبتني اوي حتة لازم يدرسوا حاجه اسمها حسام حسن لان فعلا حسام ماده تدرس في العزيمه والاصرار ثانيا اللي عمله حسام انت بتقولا ان الاعلام بتجاهله دفعه ليه وارد برضو يامدين ثالثا والاهم لا اتفق معاك في ان الامل مفقود في ان احنا نشوف اعلام محترم لانم في اقلام محترمه حتي وان قلت ميرسي

عندك حق يا ميدو احنا لازم نهتم بالنجوم الكبار ونكرهم حتى لو بطلوا لعب كوره

زائر

ميرسي جدا يا منوسا علي ردك ومشاركتك المحترمه ميرسي علي زوقك

زائر

ميرسي اوي يا سميه تريكه علي ردك ومشاركتك المحترمه والجميله وميرسي عالتحيه وعلي زوقك ولكن نعمل ايه عشان ندي للانسان ده حقه مجرد سؤال ميرسي

» لعل لحظة إخلاص ...
» برشلونه يدحر ارسنال بـ 4 اهداف لواحد ويتقدم لنصف نهائي دوري الابطال
» كلاجينفورت النمساوية تضفي لمسة ثقافية على يورو 2008

لمسة إخلاص لواحد من أهم الناس

لمسة إخلاص لواحد من أهم الناس

مواضيع مماثلة

مواضيع مماثلة