على فكره مبئتش فرئه
معايا الحكايا
زى مقالوا
اشتال انا همكِ
ولآ اشوف همى
فى نفسِي احط نئطه
تخلص بيها الروايا
وتنزل الستاره
من غير وجع دماغ
ولا حتى عداوه
اصل مخبيش عليكِ
موش لائى
غير قساوه فى قساوه
معذبه نفسك ومعذبانى
ديما بالاحزان مستنيانى
وغيرك بالاحضان لو اشاور
تندينى
تكرم يا حبة عينى
فى الكون ماليكى مثيل
حتى اللى اقل منك
لأهلها تديى بدون توفير
وتاخد وترضى هى القليل
يكفيها بسمه
وتفرح بزفه حلوه على النيل
موش دم فى طوابير الذل
منه للرُكب تسيل
اجيب مين بس يكتب قصتنا
ارهنِك لو عايش
يعرف يكتبها شكسبير
حاولت افهمك
بالطول بالعرض
فى السما فى الارض
لا نافع معاكى كبير وصغير
يا شيخه الفرح معاكى
مبئاش حتى عمره قصير
فى الغربه لاعت ببكى عليكِ
فى عيد كبير او حتى صغير
هئقولهالك مره
اسمعيها
تشهد علينا الدنيا
فيكي ومِنك
معتش بأمن بالمره
سوابئك معايا مطمنش بالمره
عايزا الحق ولآ بن عمه
انا من هدومى خرجت
ومشيت انادى
انتِ فين وانا فين
يا حلوه قوللى
اصل الحكايا