طبعا مش ممكن تروح مصر

باذن الله تعالى لان في ناس كثير ما تقدرش تبيع نفسها لانها بتحب بلدها بجد, وان شاء الله دول هيكونوا الامل لمصر

انا بحييك يا احمد على التوبيك والكلام اللى بجد معبر جدا ووفوق الرائع
انا كنت داخلة اصلا عشان اتكلم فى الموضوع ده اتكلم معاكو فمصر وعن مصر بلدنا اللى اكيد مفيش حد مصرى بجد الا وتهمه بلده اوى ويخاف على مصلحتها وكرامتها اوى والحمد لله لقيتك يا احمد فاتح الموضوع
انا بوجه كلامى لكل واحد بيقول يسقط المجلس العسكرى وللى اسمهم الثوار مفيش حد فمصر بينكر النجاز اللى انتو حققتوه لما سقط مبارك بس حد فيكو يقولى كدا ايه اللى كسبناه من اليوم ده دا مفيش يوم الا وفيه اعتصامات واحتجاجات واى قرار يطلع لازم نقول لا عليه وخلاص وقال ايه بنعمل كدا عشان نعيش فحرية وكرامة ونجيب كمان حق الشهيد وحق المصابين .
علش الكلام ممكن يكون شديد او كتير مش هيعجبهم الكلام بس اللى انا شفته واللى كلنا شفناه اليومين دول واللى بيحصل فمصر ده حرام حرام حرام اوى عليكو بجد ليه كدا يوصل بينا الحال لده كله انا وحيات ربنا كل ما اشوف منظر المجمع العلمى وهو بيتحرق قلبى بيتقطع وبحس فعلا انى انا اللى بتحرق والنار والعه فجسمى انا
حرام عليكو بقى اللى قاعدين فالتحرير انتو ارحمونا بقى عاوزين ايه اكتر من كدا عاوزين امريكا تيجى تقولكو دا انتو مش عارفين تحمو بلدكو هنيجى احنا نحميهالكو وساعتها هتتبسطو اوى بقى وهتفضلو تقولو بردو يسقط المجلس العسكرى
ايييييييييييييييييييييييييييييييييه انتو مش مصرييييييييييييييييييييييييييييييييييين
تقدرو تقولولى اللى قاعدين بقالهم عشرين يوم عند مجلس الوزرا دول قاعدين بيهببو ايه بالظبط هما اكيد فاضيين مواراهمش حاجة عشان كدا قاعدين اهى اعدة هنا اعدة هناك ومش حاسين باللى البلد فيه
تقدرو تقولولى الجنزورى عيبه ايه كل ما واحد من المعترضين عليه يطلع يتكلم يقول ايه اصله كان فى عهد النظام السابق الراجل ده الوحيد اللى قال لمبارك لا واتعمله حبس جبرى من مبارك ومبارك تقريبا عزله عن العالم عشان معملش اللى هو عاوزه
انتو عاوزين كل حاجة تتعدل فاسبوع انتو ايه ما تفهمو بقى دا فاليومين اللى فاتو دول شفتو بنفسكو كام بلطجى ومسجل خطر الشرطة مسكتهم وكام عصابة وشفنا الشرطة راجعة عاملة ازاى
انتو بغمو عنيكو عن الحقيقة وعن الصح
عيب عليكو مش مكسوفين من نفسكو لما تطلعو تقولو على الجنزورى مينفعش عشان سنه اصل عنده معرفش كام سنه اييييييييييييييييييييييييه انتو بتقيسو النجاح بالسن اد كدا عقلكو على ادكو عاوزين واحد عنده 25 سنه يجى يمسلكو حكومة الانقاذ زى ماسميتوها عشان بدل ما ينقذها يغرقها ومتقوملهاش قومة تانى
ارحمونا بقى حرام عليكووووووووووووووووو
انتو السبب فكل اللى بيحصل فالبلد ده وفالخراب اللى حصل فالبلد ده
احنا كلها شهر واحد ومصر هتشحت وبدل مافيه مثلا مليون عاطل هيبقو 80 مليون عاطل لان المصانع بتقفل ومفيش فلوس مرتبات للناس اللى شغاله والشركات كلها بتفلس ارحمونا بقى وسيبو الناس تشتغل ونديهم فرصة بجد والجنزورى قال ادونى فرصة لاخر يناير والراجل فعلا شغال والمجلس العسكرى قال اخر يونيه هيكون اتسلمت السلطة لرئيس احنا اللى هنختاره حكمو عقلكو ياللى عقلكو غايب ياللى كل اللى انتو عاوزينه انكو تعدو فالتحرير وتحدفو جيشكو بالطوب وتقولو يسقط يسقط حكم العسكر مبسوطين اوى بالاغنية
ااعتقد بردو كلنا شفنا العيال اللى كانو بيولعو فالمجمع العلمى دول ثوار؟؟؟؟؟ دول عاوزين حق الشهدا والمصابين ؟؟؟؟؟ دول عاوزين مصلحة مصر ؟؟؟؟؟؟؟ دول انتو ياللى اسمكو ثوار وشباب التحرير ؟؟؟؟؟؟؟دول اصلا مصريييييييييييييييييييييييييييييييييييييييييييييييييييييييييييييييييييين ؟؟؟
لو حابين اوى تحدفو بالحجارة وكدا روحو احدفو فعدوكو وعدونا كلنا وعدو الاسلام اليهود اللى فارضنا فلسطين روحو حاربوهم بجد وورونا شطارتكو دى معاهم
اظن لما يتقال علينا بنحدف الطوب فالصهيونى عدونا ارحم واحسن بكتييييييييييييييييييييييييييير مايتقال علينا اهم شوفو المصريين بيضربو فبعضهم ولا اكن الجيش المصرى العظيم ده هو اسرائيل
عيب عليكو بقى عيب ارحمونا وكفاية اللى احنا وصلناله
كفايـــــــــــــــــــــــة ارحمونــــــــــــــــــــــــاااااااااااااااااااا

للاسف مكنتش احب نختلف بالصوره دي يا اياد بس للضروره احكام

الوقت الي فعلا هتغتصب فيه اخواتنا هيكون الوقت اللي هيسقط في الجيش
الوقت اللي هتضيع فيه مصر هيكون الوقت اللي هيضيع فيه الجيش
ممكن تقولي احنا مش عايزين الجيش ينهار احنا عايزين نغير القاده
لكن ف مصر للاسف لما القاده بتتغير الكيان كله بينهار

والدليل علي كلامي وزاره الداخليه العادلي لما انهار واتسجن الكسان كله بيعاني لغايه دلوقتي
مع ان الضباط هما هما واللواءات هما هما
هو يعني ايه مظاهرات يا اياد
يعني انك بتعمل تجمع عشان التلفزيون يصور والناس اللي ف البيوت تتعاطف معاكوا
بس يا يااياد الناس الحقيقيه مش الكام واحد الللي بتسمعلهم علي النت
الناس بجد مش عايزه مظاهرات
انا عن نفسي مقبلتش حد الا وبيدعي عليكوا والله مش عشان انا ضدكوا
لكن ده اللي بشوفه
مينفعش كام الف الي هما انتو يفتروا علي الملايين
انتو دايما بتقولوا الشعب طب انتو ازاي بتتكلموا علي الشعب والشعب اصلا مش وكلكوا

وياريت بلاش نغمه الشهداء الشهداء لو شافوا الي بتعملوه دلوقتي من حرق المجمع وغيره هيتبري منكوا
ومعني ان يكون فيه مظاهره او ثوره ان يكون الشعب متضامن معاكوا زي بالضبط ثوره 25
ثوره حق طلعتوا وكان معاكوا ثوار حق وربنا وقف جنبكوا وبعتلكوا الجيش اللي دلوقتي عايزين تاكلوا ف لحمه
وكان الشعب باكمله واقف وراكوا

لكن دلوقتي انتو ثوره اه بس ثوره باطل
بتخربوا مش هتعمروا
اندس وراكوا بلطجيه
وبعض الناس منكوا جاب اطفال الشوارع عشان العدد يكتر وادي لكل واحد كام جنيه هيقف معايا
مهم اطفال شوارع مش لاقيين

انا مقصدش بالي بيقبض عليك انتا لاني عارف انتا وطني اد ايه
لكن وطنيتك المره دي السالب ده الي انتا مش شايفه

تقدر تقولي يا اياد مصر من غير جيش هتبقي زي ايه
واد ايه السهوله هتبقي لاعدائنا انهم يدخلوا

انا اسف يا اياد لو كنت بكلمك بطريقه انا عمري ما كنت احب اكلم بيها اخويا كده
بس انا ف رايي اللي مش هرجع عنه انكوا ثوار باطل

اتمني متزعلش مني
وياريت متزعلش مني
والله كلام كتير اتجنبته عشان محبش انك تزعل اوي مني

فالاول انا متشكرة اوى يا ابيه اياد على كل كلمة وجهتهالى
انا احب بس اوضحلك حاجة لما قلت فى ناس قابضين مش معنى كدا انهم انت ولا البلطجية انهم انت بس سيادتك لو بصيت هتلاقى لو انتو الثوار بجد 100 فى وسطكو 200 واحد بلطجى وبيستغلو وجودكو عشان يبقى انتو اللى فالصورة ويتقال اهم شباب مصر بيضرب ويشتم فجيشه وبيولع فبلده
انا لما بقول قلبى اتحرق على المجمع العلمى مش مستنياك يا استاذ اياد تيجى تتريق عليا لما بقول كدا دى حاجة الحاجة التانية ودى الاهم والله لما الثورة قامت يوم 25 يناير لحد ما سقت مبارك كل شاب وقع كان قلبنا بيتقطع عليه لانهم شهدا فعلا غير كدا مش كل واحد مات هتقولو عليه شهيد لان الشهيد هو اللى بيموت وهو بيدافع عن ارضه ضد العدو وانتو مش بتضربو فعدوكو دول مصريين مننا واحنا منهم اخويا واخوك وانت وغيرك وكل الشباب المصرى مر ولسه هيمر على مرحلة الجيش وكان فيوم من الايام مجند قولى بقى يا استاذ اياد لو كنت انت فالايام السودة دى مجند فالجيش كان هيبقى ايه كلامك وموقفك
ياترى كنت هتشتم بردو فيهم وهتقول عليهم كلاب
ياباشا الكلاب دول لو راحو هما كمان هيجلكو كلاب مبترحمش واهى شغالة فالبلاد العربية كلها وبتنهش فيها ومستنية لمصر والجيش المصرى على وقعه وعلى غلطة
سيادتكو عاوزين ايه امريكا تيجى تقول انتو مش عارفين تحمو بلدكو هنيجى احنا نحميهالكو ولا فرنسا ولا اسرائيل تختار مين ولا تختار التلاته مع بعض وساعتها بقى هتلاقو اللى مش هيرحمكو ولا هيرحمنا ولا هيرحم اى مصرى على البلد دى
بدل مانتو قاعدين تردو على كل كلمة المجلس العسكرى يقولها ردو على اللى امريكا وفرنسا بيقولوه كل يوم
اخر حاجة هقولهالك يا استاذ اياد قبل ماتقولى لما بكرة هتغتصبى من اى حد فى اى حته قولى بقى انت كنت مغمى عنيك ولا كنت نايم وقت ماكانو البنات بيغتصبو من الشباب اللى كانو فالتحرير ايام اتعصام التحرير قبل ما الجنزورى يجى اعتقد انك شفت المناظر دى ومكنش بقى فى جيش جوا الميدان ولا حتى شرطة وكان عينى عينك كدا عادى وعلى فكرة كانت على الجزيرة اللى مبتجبش غير كل حاجة تشعلل الناس وتولعها واللى كل ثوار التحرير بيحبوها
حاجة اخيرة الشيخ عماد عفت لو حضرتك سمعت انه طلقة الرصاص كانت جياله من الجنب يعنى مش من الجيش

للاسف كنت فاكرة انى لو اتكلمت هلاقى اللى يرد عليا بالعقل ويبقى فى بينا نقاش لاننا اخوات ده اللى انا كنت فاكراه بس للاسف طلع الحقيقة عكس كدا خالص
كلمة اخيرة اللى موجودين فالتحرير دول لو عددهم مليون او اتنين المصريين عددهم 90 مليون