التجاوز مرفوض .. هام للجميع

عدل سابقا من قبل Madyan في 2011-02-20, 2:14 pm عدل 1 مرات

بسمـ الله الرحمنـ الرحيمـ
السلامـ عليكمـ ورحمة الله

كيفكمـ جميعا .. اعضاء وزوار
اهلا بيكم شباب وبنات كبار وصغار

في الفترة الاخيرة - وللأسف - سمعنا كتير اوي ان عضو شتم عضو وعضو تاني داخل الدردشة عشان يتخانق
وعضو تالت مقضيها معاكسة بالرسايل الخاص ورابع ماعرفش ماله وفلان اتمنع من دخول الدردشة وفلان انطرد ... الخ

اولا .. انا مابكونش سعيد لما اتخذ قرار بطرد حد من المنتدي او امنعه من دخول الدردشة وكذلك مشرفين الدردشة
لكن التجاوز مرفوض رفضا باتاً .. ومش مسموح لاي حد اياً كان انه يتطاول علي غيره بالكلام - سواء المباشر او التلميح - عشان كدا هانقول مع بعض ازاي بيتم التصرف تجاه اي تجاوز من اي عضو

1

الدردشة

نبتدي بغرفة الدردشة لان اكتر المشاكل بتحصل فيها
وده نظرا لان في ناس داخلة الموقع اصلا عشان تعمل تشات وبس
اهلا بيهم طبعا وبالجميع ولكن انا اقصد بالاخص الناس اللي غاوية مشاكل

عدد مشرفين الدردشة مش قليل وده عشان نضمن انه في اغلب الاوقات يكون فيه علي الاقل مشرف متواجد
الكلام بقي للاعضاء .. اذا حصل اي تجاوز من احد الاعضاء وانت في غرفة الدردشة لو فيه مشرف متواجد
يبقي حضرتك المفروض ماتردش وتسيب المشرف يتصرف - طبعا اقصد ماتردش وتتخانق - .
المشرف بقي مشكورا هيتكرم ويتدخل .. والله قدر يحل سوء التفاهم والامور تمشي يبقي كان بها
ماكانش يبقي بيتم منع المخطئ من دخول الدردشة سواء كان واحد او اكتر

ده لو كان الموضوع مشادة كلامية ونرفذة او سوء تفاهم او غيره

اقتباس :

اما لو هناك تجاوز بالفاظ خارجة بيتم اقصاء صاحبها من الدردشة فورا ودون اي تنبيه او تحذير

اما لو مفيش حد من المشرفين .. يفضل حضرتك برضو ماتردش وتبعتلي رسالة خاصة وانا اول مادخل هاتصرف

2

مواضيع و صفحات المنتدي

الموضوع مش هيختلف كتير عن الدردشة
اي لفظ خارج في رد او موضوع بيتم ايقاف اشتراك صاحبه نهائيا

وبالنسبة للمواضيع الموجهه لمهاجمة شخص معين في المنتدي حتي وان لم يكن فيها الفاظ خارجة
ممنوعه منعا باتاً واذا حدث هيتم تحذير صاحبها مرة واحدة فقط - باعتبار انه ممكن مايكونش قرا الموضوع ده -
وان تكرر منه نفس الفعل العقوة هي الطرد النهائي

كذلك اي تجاوز في حق اي عضو عن طريق الردود ممنوع ومرفوض وهيتم تحذير صاحبه
وبعدها لو كرر نفس الاسلوب هيتم ايقافه

3

الرسائل الخاصة

الكلام موجه لكل قارئ
حضرتك فتحت المنتدي لقيت عندك رساله خاصة
محتواها -اياً كان- معجبكش
سواء كانت بقي شتيمة او واحد بيستهبل او معاكسة - بالنسبة للبنات -
واحنا برضو بنتعاكس والله ..

ههههههههههه

في حاجة اسمها انك تحط العضو ده في قائمة المنبوذين
وفي الحالة دي مش هيعرف يبعتلك رسائل تاني
ومفيش مانع برضو انك تبعتلي شكوي باسم العضو وبيتم النظر في الشكاوي ومش باطنش اي حاجه صدقوني

لكن انا باقول الحل الأمثل انك تريح دماغك منه
ولو صدر ضد العضو اكتر من 3 شكاوي هيتم تحذيره وبعد كده بيكون منعه من استخدام الرسايل
او الطرد .. وده بيتحدد علي حسب نوعيه التجاوز او المضايقة اللي بيسببها للاعضاء

انا تقريباً خلصت كلامي ..

و في النهاية باوجه رساله للجميع اعضاء وزوار
احنا كلنا اسرة واحدة وكلنا اخوات ويجمعنا ببعض علاقة اهم ما يميزها الاحترام المتبادل
فياريت الاخوة اللي اعتادوا اثارة الشغب والمشاكل يراجعوا نفسهم شوية
لانها مش شطارة ولا فهلوة وان كنت فاكر انك بكدة بتلفت نظر الناس ليك .. فانت فعلا بتلفت نظرهم ولكن بتسيب
عندهم انطباع سئ ناحيتك .. وتذكروا ان الانطباع الاول يدوم

واعتذار باوجهه لاي عضو تعرض لاي نوع من المضايقة .. وباهديله بيت الشعر ده

إذا سبني نذل تزايدت رفعة ... وما العيب إلا أن أكون مساببهُ
ولو لم تكن نفسي علي عزيزة ... لمكنتها من كل نذل تحاربهُ

وتاكد اننا مش ممكن نسمح لحد يخطئ في حقك

واعتذار تاني لاي عضو تم طرده من المنتدي .. لكن انت اكيد اللي اضطريتنا لكده
لان المسالة ماهياش فرد عضلات ولا انا باستغل سلطتي كمدير .. انا بقدر الامكان باحاول ان الامور تمشي
بدون اي مشاكل او نزاعات لكن في حالات بيبقي لازم فيها قرار فاصل

ورسالة شكر لكل فريق العمل في المنتدي علي مجهوداتهم وسعيهم لابراز المنتدي في
افضل صورة ممكنة

وشكرا لتعاونكم معنا

نمتوا اكيد .. مش كده
معلش الموضوع رخم بس كان لابد منه
واتمني بجد ان اي حد يدخل المنتدي يبقي داخل يستفيد او يرفه عن نفسه ويريح اعصابه
ويستجم ومفيش مانع يضرب لبس بحر ونظارة شمس ويسحب كرسي ويمدد ع البيسين

معلش بقي لو طولت عليكم
وكل سنة وانتم طيبين

..

Madyan

الله عليك يامدين والله كلام مية مية والله بجد هو دة فعلا

انا فعلا عملت ناس كدة من المنبوذين فعلا والله بجد والله معتش فى حد بيبعت حاجة والله

وانا بجد مبسوطة من الكلام دة والله

تسلم يااحمد

شكرا يا مدين على كلامك الجميل والحمد لله ان اخيرا اكتشفتم المواضيع دى
وربنا يعنيكم انت والمراقبين وفريق العمل لان بجد هما ناس محترمين
وشكرا مرة تانية على بيت الشعر لانى عجبنى

إذا سبني نذل تزايدت رفعة ... وما العيب إلا أن أكون مساببهُ
ولو لم تكن نفسي علي( عزيزة) ... لمكنتها من كل نذل تحاربهُ

بس معلش عندى سؤاال ؟؟؟
مين عزيزة دى

جزاك الله خيرا كلام زي الفل بجد

يا سلام ع مواضيعك يا ابو حميد
بجد تسلم ايدك
وان شاء الله الكل يلتزم بالكلام ده

ياسلام على مواضيعك يا ابو حميد
بجد تسلم ايديك ميه ميه
كده انت قولت وعملت الصح
مشكوووووووووووور

كلام جميل جدا
ولكن اعتقد بالشروط الموضوعة دي اعطيت للمتجاوزين فرص اكثر من حقهم

تمام التمام
وتعظيم سلام
ومليون تحية
وألف إحترام

كلامك يا مدين أكيد كله صح
موضح مبين نظامنا وشرح
نرحب بكل اللى يمشى بنظامنا
ولو حد مش عاجبه هانقله بح

فارقنا وسيبنا كده كويسين
ولا احنا عبايط ولا مهيسين
دى روح منتدانا النضيف الجميل
ما تقدر تغيرها لو كنت مين

يا ناس منتدى تريكة بيتنا الكبير
يضم الصغير فى حضن الكبير
بأخلاق وود ومحبة وحكمة
وصبر وتفاهم وحب وضمير

ولا بروباجاندا ولا بولوتيكا
بقولهالكو واضحة يا عشاق تريكة
هاتفضل كويس يا مرحب واهلا
هاتصبح مهيس كده نضحى بيكا

يا مدين يا باش يا كينج بحقيق
يا قائد وكابتن ونجم الفريق
فريق الادارة وراك وانت ماشى
معاك منتدانا فى أجمل طريق

ـــــــــــــــــــــــــــــــــــــــــــ
أنا بأيد كل كلمة قالها أحمد مدين وبجد
مدير صاحى وواعى وفاهم هو بيعمل ايه
وكل كلمة بيقولها مافيهاش جدال ولا عليها إختلاف
بنشكرك بجد والله يا أحمد على كل حاجة حلوة بتعملها للمنتدى
شكرا يا أحسن أدمن لأحسن منتدى فى الدنيا

مجـــــدى

اقتباس :

الكلام بقي للاعضاء .. اذا حصل اي تجاوز من احد الاعضاء وانت في غرفة الدردشة لو فيه مشرف متواجد

بص يا احمد معلش على الكلام اللى باقولو
المشرفين بيعملو اللى فى مصلحتهم يعنى لو واحد شتم واحد مش بيبص على مين غلطان ولا بيطرد الاتنين لا بيوقف جنب صاجبو ويطرد التانى وده حصل قدامى كذا مره
وكمان فيه مشرفين بشتمو ا ومحدش بيعمل فيهم حاجه وكمان القوانين مش بتتنفذ على الاعضاء بسواسيه يعنى فى ناس اطردت عشان اتشتمت شئ غريب بصراحه
وفى ناس اطردت ورجعت وفى ناس اطردن ومممنوعه من الرجوع
القوانين يا احمد ش بتتنفذ بالعدل
وكتير بقولى انكم عشان اصحاب بعض بتقفو جنب بعض
وخاصا المشرفين وعلى فكره ده بيحصل قدامى بس انا لمنع المشاكل فى المنتدى مش بحب اظهر الكلام ده وبقول هو منتداكو انتو حرين فيه
اتمن انك مش تكون زعلت من كلامى
انا نفسى الكلام اللى يتقال يكون فى حيز التنفيذ مش مقالات وخلاص

تسلم ايدك يا احمد على قوانينك الروعه

zamalek_lover كتب:

اقتباس :

الكلام بقي للاعضاء .. اذا حصل اي تجاوز من احد الاعضاء وانت في غرفة الدردشة لو فيه مشرف متواجد

بص يا احمد معلش على الكلام اللى باقولو
المشرفين بيعملو اللى فى مصلحتهم يعنى لو واحد شتم واحد مش بيبص على مين غلطان ولا بيطرد الاتنين لا بيوقف جنب صاجبو ويطرد التانى وده حصل قدامى كذا مره
وكمان فيه مشرفين بشتمو ا ومحدش بيعمل فيهم حاجه وكمان القوانين مش بتتنفذ على الاعضاء بسواسيه يعنى فى ناس اطردت عشان اتشتمت شئ غريب بصراحه
وفى ناس اطردت ورجعت وفى ناس اطردن ومممنوعه من الرجوع
القوانين يا احمد ش بتتنفذ بالعدل
وكتير بقولى انكم عشان اصحاب بعض بتقفو جنب بعض
وخاصا المشرفين وعلى فكره ده بيحصل قدامى بس انا لمنع المشاكل فى المنتدى مش بحب اظهر الكلام ده وبقول هو منتداكو انتو حرين فيه
اتمن انك مش تكون زعلت من كلامى
انا نفسى الكلام اللى يتقال يكون فى حيز التنفيذ مش مقالات وخلاص

تسلم ايدك يا احمد على قوانينك الروعه

مين قاللك بس اني زعلان
بالعكس والله انا سعيد انك بتقول رايك بصراحة وانا ياجماعه اكتر من مرة اشرت الي ان الناس لازم تقول
ايه السلبيات الموجودة في المنتدي عشان نعالجها .. ماهو احنا مش ملايكة
والمشرفين والمراقبين والمدير برضو مش ملايكة ممكن يخطئوا وممكن يسيئوا التقدير
وممكن يكون اللي انت بتقوله صح .. لكن انا هاتكلم عن نفسي بس في النقطة دي
انا الحمد لله باحاول ابص للمشكلة نفسها وليس لطرفي المشكلة وبقدر الامكان باحاول اكون عادل .. لكن ماقدرش ابرأ كل المشرفين واقول انهم عادلين ولا اقدر ادينهم واقول ان كلامك صح .. كل انسان مسؤل عن تصرفاته و دي حاجة ترجعله ..

* اما كلامك بقي عن المشرفين واللي بيحصل في الدردشة والتحيز وكده فده موضوع تاني وممكن نتكلم فيه ع الخاص عشان نعرف مين اللي بيعمل كده وننصحه لان النصيحة علي الملأ فضيحة

* برضو كلمة المنتدي منتداكوا دي وانتو حرين مش حلوة خالص .. وزعلتني اوي اوي بجد
المنتدي ملك لكل الاعضاء يا غالي وانت زيك زي اي حد هنا اخ وصدييق لينا وصدقني عمر كلامك ده ما هيقلل
من احترامي ليك بالعكس انا مبسوط جدا انك حريص علي المصلحة العامة وبتنبه لوجود اخطاء

* كمان هي مش قوانين ولا لوايح ولا روتين .. احنا بنحاول ننظم المسالة بيننا مش اكتر
وبقدر الامكان زي ماقلت باحاول اطبق اللي باقول عليه ..

ومرة تانية باقول لكل الاعضاء
اي حد ياجماعه شايف اي حاجة غلط بتحصل يقول عاوز يعمل موضوع بشكوي يعمل
عاوز يبعتهالي في رسالة مفيش مشكلة
وان شاء الله هاعمل موضوع مثبت لتلقي الشكاوي والاقتراحات

هو ده الكلام يامددين
الله ينور عليك

مشكور لازم الاعضاء يشوفوا الموضوع

كلامك حكم والله ههههههههههههههههههه ميرسي يا مدين عالتوبيك وياريت الكل يلتزم بالكلام ده

كلام جميل جدا
ولازم كلنا نعمل بيه
شكرا يا مدين علي مجهودك الكبير ف المنتدي انتا والمشرفين

لا مشكله صحيح
تشميه وقله ادب يا راجل
دا انا لو قاعد فى مدرجات الجزائر مش هسمع الشتيمه دى
ههههههههههههههههههههههه
...
تسلم يا مدين
ومتقلقش الامن مستتب والحياه عنب

موضوع جميل جدا ولو سمحت شيل حظر الرسايل الخاصة بتاعي

القرار الاخير لى احمد مش لى اى حد

منيح انو في شويت اعضاء شافوه

كلاااااااااااااااااااااااااااااااام في السلييييييييييييييييييييييم

يسلم ووووووووو الايادي مدين

كلام جميل جدا
ولازم كلنا نعمل بيه

موضوع: كل عام وانتم بخير 2009-11-08, 1:03 am

السلام عليكم ورحمة الله.......بارك الله فيكم على الاهتمام....و جازاكم الله على كل الخير .........................................الكلمة الطيبة صدقة..

موضوع: كل عام وانتم بخير 2009-11-08, 1:11 am

السلام عليكم ورحمة الله.......بارك الله فيكم على الاهتمام....و جازاكم الله على كل الخير .........................................الكلمة الطيبة صدقة..

refresh

طبعا تمام كلامك ياكبير

منتدانا طول عمره محترم ولازم نحافظ على صورته المحترمة دى اللى اكيد هتفضل كدا

بفضل اعضاءها المحترمين

كلنا هنا اخوات والتجاوز مش مسموح بيه ابدا ده منتدى للتعارف والنقاش المحترم

مش للتجاوز والخلافات

وربنا يوفقنا جميعا

انت كدة جبت المفيييييييييييييد وخصوصاااااااااا الدردشة
شكرا يااحمد

» الكاف يتوعد الترجى بعقوبات قاسية فى حالة التجاوز أمام الأهلى
» عامر حسين: تأجيل مباريات الدورى مرفوض
» اقامة معسكر خارجى مرفوض لاعبون الاهلى يرفضون الابتعاد عن مصر

التجاوز مرفوض .. هام للجميع

التجاوز مرفوض .. هام للجميع

مواضيع مماثلة

مواضيع مماثلة