عفوا أيها الحجاب انه ليلة العمر

انا هاتكلم النهاردة عن موضوع مهم جدا هو انا ليه كل مابروح فرح بالاقى
العروسة بشعرها و لابسة فستان كت مثلا او

حمالات مع انها اصلا محجبة ويا
ريت العروسة بس هى اللى بتكون كده لا دا بنات العيلة و اصحاب العروسة كمان
و

لما بسأل ليه يقولوا ده فرح وان دى ليلة فى العمر وكلام من ده كتير.

كل اللى انا عايز اعرفه هو ليه البنات بتعمل كده ع اساس ا ن دى ليلة محلل فيها كل حاجة و لا ايه يعنى؟

انا عايز مشاركة من البنات فى الموضوع ده

. ويا ريت من الولاد وايه رأى الولد لو خطيبته طلبت منه انها تكون بشعرها يوم الفرح.؟؟؟؟؟

انا معاك في الموضوع ده
بعدين حكاية الحجاب اه او لا دي حرية شخصية في الاول او في الاخر بترجع للي لابسة الحجاب
اذا ملتزمتش بيه يوم الفرح يبقى هي اكيد لبساه عن غير اقتناع
فبالتالي انصحها بانها تقلعه تماماً افضل من انها تضحك على نفسها قبل غيرها
ومعتقدش انه ليلة العمر هتبوظ لو لبست الحجاب في ميت طريقة وطريقة لابراز جمالها من غير متقلع الحجاب

اعتقد ده تيار بنمشي فيه من غير منحس بيه
تحت ما يسمى بشعار الموضى

تسلم لطرحك هيك موضوع

انا وحده من البنات فرح اختي كان قرريب وكنا كلنا محجبين حتى العروسه
و ياريت متعممش عشلن مش الكل كده
و الي بيعمل كده دينه قليل و ربنا يهديه

يعني هو الحجاب لوحد هو الأزمة

ده المكياج كمان وكل حاجة في الفرح

ممكن واحدة "عاملة فيها محجبة" يوم الفرح

تقلع الحجاب وتلبس قط وتحط ميك أب كامل متكامل والأغاني شغالة ماشاء الله

ده يوم الفرح ده أسود يوم في العمر

والله فعلا انا معاك ف الموضوع ده وبصراحه العساسيل اللي سبقوني مخلوش حاجه اقولها بس لو البنت دي قابله انها تقف قدام ربنا كده هي حره حسابها مع ربنا
وبعدبن انا بعتبر ده تحدي لربنا وقدره لانها لو حاطه قددامها فكرة انها ممكن تموت ف اي لحظه مش هتعمل كده
بجد موضوع هاااااايل

انا معاك اياد والله الحجاب جميل جدااااااااااااااااااااااا واحترام

انا عمري ما هعمل كدا واقلع الحجاب يوم الفرح
ولو اتخطبت وخطيبي طلب مني كدا هرمي الدبله في وشه
ليله عمر ايه وبتاع ايه
دا المحجبه ال بتقلع الحجاب في يوم الفرح بتاخد ذنوب الرجاله ال شافوها كلهم
واقلع حجابي وابين شعري وجسمي ليه ولمين اساسا
انا ابين شعري وجسمي لانسان ال هيتجوزني بس
لاني مش فرجه وعازمه الناس في الفرح تتفرج عليا
هستفاد ايه لما الناس تقول الله دي شعرها جميل ولا جسمها حلو
هيشفعولي عند رنا لا طبعا زي ما الواحد يفكر في دنيته يفكر في اخرته
وانا بنت خالتي كان فرحها قريب وهي كانت محجبه واخواتها محجبين
وانا كنت محجبه واصحابها كانو محجبين
ومرسي يا اياد علي الطرح الجميل
واسفه علي الاطاله تقبل مروري

شكرا اوى انك فتحت الموصوع ده
انا واحدة من البنات اللى عمرى ماهعملها واخلع حجابى يوم فرحى لانى عاوزة ابدا حياتى بطاعة ربنا عشان ربنا يباركلى فيها
بس فى حاجة المنقبات بيلبسوا اللى هما عاوزينه وفساتين عادية وشعرها بس بتلبس حاجة بتغطى كل جسمها وشعرها ولما بتروح المسجد بتخلعها لانهم كلهم ستات مع بعض ممكن البات اللى عاوزة تخلع الحجاب تعمل كده

الحجاب دا وقااار

ربنا يهدينا ويهدى الجميع

بس ماسمعناش راى الشباب

لو عروستك طلبت منك الطب ده هتعمل ايه؟

موضوعك جميل يا اياد
ومعاك حق
بس فى بنات بتلبس الحجاب فى الفرح برده
وبيبقى شكلها قمر
كفاية انها بترضى ربنا

بصراحه مش بحب العروسه تكون من غير حجاب لكن بحس ان البنت بتقل دى ليله ومش هتعدى نعمل الى احنا عايزينه الواحد لما تلبس الحجاب احسن واجمل وحتى ربنا بيبارك فى فرحها
انا ان شاء الله فى فرحى هلبس الحجاب
وتسلم يااياد ع التوبيك الجميل

طيعا الموضوع ده مهم جدا وشكرا لفتحه طبعا مفيش حاجة اسمها ليلة العمر والكلام ده ده حرام وانا مرضاش انى الى هتجوزها تبقى الناس كلها بتتفرج عليها

انا متاكدة انى مستحيل اقلع حجابى لا فى الفرح ولا فى غيره ولو اللى هتجوزه طلب كدة يبقى عنى متجوزت خالص احسن

اقتباس :: هستفاد ايه لما الناس تقول الله دي شعرها جميل

والله اغلبهم بيبقى شعرهم يقرف ولولا المدة والكوى لكانت بانت خبيتها

وانا والله كان فرح بنت خالتى فى الاجازة وكان فرح اسلامى وبالرغم من كدة كانت العروسة لابسة الحجاب وكنا كلنا لابسينه منكرش انها كانت حاطة ميك اب بس كان خفيف خالص

تسلم يا باشا على الموضوع وبجد هو مهم لكن برده متعممش

ايوه والله يا اياد حاجه مستفزه جدا
ازاى تبقى محجبه وتيجى يوم الفرح وتبين شعرها
هو يعنى ربنا حلل انه يبان يوم الفرح؟
دا تناقض مع النفس
دى لو مقتنعه بالحجاب اصلا مش هتفكر تقلعه خالص لا يوم فرح ولا غيره
ربنا يهدى بنات المسلمين اجمعين وكمان شبابهم لانى اعرف ان فى عرسان هى اللى بتطلب من العروسه تقلع الحجاب يوم الفرح
ربنا يهديهم

المسألة بتتوقف على المبادىء
يعنى البنت دى لابسة الحجاب عشان كل الناس لابساه ولا على اقتناع وراحة نفسية منها
بس للاسف زى ما انت قلت فى ناس بتحلل لنفسها ده ومعرفش لييييييييييه بصراحة
والولد اللى يقبل ان خطيبته او زوجته تعمل كده يبقى مشكوك ف انه راجل اصلا !!
ميرسي ع التوبيك