عشنا وشوفنا
بقى حلم العمر
ماتش كوره
الله يلعن دى يا ناس دى شُوُره
راح فين العقل
بس قوللنا
ضحكوا علينا بكاس عالم
واحنا يا عينى
آخر العالم
فى الفضائيات وجع دمغنا
من كتر برامجهم تلفوا املنا
تاهت واتلخبطت
معها احلامنا
الكوره يا بابا
الكوره يا بابا
مات عليها حتى عيالنا
ضحكوا علينا بدرى زمان
ارقص يا حضرى
ارقص يا عصام
شوط يا تريكه
هات يا زيدان
عرضيه يا سيد
كمان وكمان
وباصى يا شوقى
لعماد الفنان
وصوت الكاديكى
عزف الالحان
وجميل الشوالى
قصايده تمام
لحظه يا ساده
حبة نظام
دى حكومه وشعب
فى التوهان
بصرخ فيكم
بقالى زمان
محد سامع مره كلام
دا اللى بيحصل
ولآ فى الافلام
راح فين بس
طابور العيش
وشباب بالهم
على الكورنيش
وفساد للركب
ماعليه تفتيش
ولبن الاطفال منه مفيش
وسحابه سوده عليها عِيش
ورئيس فى قصره عايش
وشعب فى الفقر والتهميش
انا عمرى يا غاليه
فى الدنيا قليل
بس اللى شوفته
وربى كتير
فيها ايه لو تتغلبى
معايا فُوره
موش جايه معاكى
معلش عارف
اضحكِ على نفسكِ مره
وشايف
اوعى تفتكرنى
يا حبى هايف
انا من كلابك
يا عمرى خايف
واخر الحكايا
بقى حلم العمر
ماتش كوره