قصيده مليون شهيد للشاعر محمد السعيد

القصيده دي قالها امبارح ف البيت بيتك الشاعر محمد السعيد بصراحه اثرت فيا جدااااااااااااااا
عارفه انها كان المفروض تتحط ف المنتدى الادبي
بس حسيت ان احنا لازم نتناقش فيها

مليون شهيد
**********
مليون شهيدوتاريخ مجيد من الكفاح المشترك
وخوض غمار المعترك وفي اخر الشوطه أخترق
مين علمك تقتل أخوك وأمك وأبوك
وأحنا اللي قدمنا الدما قبل العرق
******
خلاص وصلنا المفترق .. وثورتك.. حريتك
دول كان مخاضهم أرضنا وفي حضننا
تيجي أنت تهتك عرضنا !! تحرق علمنا !!
اللي كان شاهد علي قبر الشهيد
وترهب الطفل الوليد تنسي تاريخك يابليد !!
*******
بقي هو ده الجيل الجديد
ده نسل بن بيلا وبومدين والرجال !!
اللي لما ضاق الكون عليهم شدوا لبلدنا الرحال
رفعوا علمهم فوق صدورنا قبل مايغوص في الرمال
********
غمض عيونك جوه قبرك ياجمال
متشوفش أحفاد النضال
وأقفل ودانك أصل البيان
اللي جي من صوت العرب
بيقول علي المصري أنضرب !!
*******
بيقول تاريخك كله كان وهم وخطب
نام يابطل لاعليك ملامه أو عتب
وأنزل يا واد يا ب... من فوق كتاف القاهره
أنت فقدت الذاكره
********
لاتصلي في الازهر ولا تمشي في حواري السيده
ولا تسمع الكوكب وهي منشده
ولا تقرأ محفوظ النجيب ولا حتي تسمع عندليب
خليك كده تحرم عليك كل العيون والأفئده
تحرم عليك كل الدماء والاورده
وبريئه منك الف مدنه وكل جبهه ساجده
********
وأنا حفضل المصري كريم العنصرين
اللي متربي وساكن في الحسين
اللي علمتك تقول الضاد وتنطق كلمتين
يابو اللسان الأعجمي
********
أنزل يا واد من فوق كتاف القاهره
من امتي بتشيل العيال دي مصر ولاده رجال
سادات مبارك ومعاهم الناصر جمال
واقفين علي شط القنال رافعين علمها اللي بأديك أتحرق
رجاله من عزه وشهامه مش ورق
ياحارق الطوق والشراع مين راح ينجيك مالغرق !!
*****************
للشاعر المصري محمد السعيد
ردا علي فاقدي الذاكره

__________________

قصيده مليون شهيد للشاعر محمد السعيد Wky7ih2z0

قصيده مليون شهيد للشاعر محمد السعيد Gangsofarabia_150x60

تسلم ايدك قمر
قصديده روعه

تسلمى ياالاء ياعسل جامد اوى والله