ازيكو جميعا يا رب تكونو بخير

انا استنيت ينتهى العيد عشان اكلمكو شوية

قريت فى جريدة لا اذكر اسمها
ان اخر احصائية للمترو

ان المترو الجميل بتاعنا دة بيركبوا كل يوم 2.700000 شخص
يعنى بالعربي 2 مليون و 700 الف شخص

وبعد المترو الجديد مايتعمل هيكونو 4.500000 سخص
يعنى 4 مليون ونص

خلينا فى دلوقتى

2 مليون و 700 الف
نسيبنا من الفكة دى ونقول 2 مليون (على اساس ان ال700 دول فكة)

المهم 2 مليون شخص فى جنيه
يعنى 2 مليون جنيه يوميا

فى الشهر ب 60 مليون جنيه

فى السنة بــ 720 مليون ( بصوا الرقم 720000000 ايه رايكم)

سؤال

فين الفلوس دى

وليه الخصخصة مع ان المترو بس بيجيب الفلوس دى كلها
مش معقولة بيتصرفوا كلهم مرتبات وصيانة

ويا ريت محدش يوقلى يبقا انت اكيد فى مصر
لانها بتدل على اليأس والاستسلام

وشكرا
وهو ده اللى مجننى