شباب جزائريون يطلقون حملة لحماية المصريين

أطلق عدد من الشاب الجزائريين حملة تحت عنوان "كل جزائرى يحمى مصرى فى الجزائر" تستهدف الحملة حماية كل المصريين بالجزائر من أى اعتداء أو إيذاء يقع عليهم من قبل المتعصبين ومشعلى الفتن فى الجزائر.
تأتى هذه الحملة بعد أن تعرض عدد من المصريين فى الجزائر للإيذاء والعنف من قبل بعض الجزائريين، وضمن عدد من الفاعليات التى أطلقها هؤلاء الشباب لتهدئة الأوضاع بين الشعبين المصرى والجزائرى.
الحملة تتضمن قيام هؤلاء الشباب الجزائريين بزيارة أفراد الجالية المصرية بالجزائر، والاطمئنان عليهم وحمايتهم إذا لزم الأمر، كما تتضمن الحملة توعية الشباب الجزائرى بضرورة حسن ضيافة المصريين وحمايتهم.
وأعلن هؤلاء الشباب عن حملتهم على موقع الفيس بوك ودعوا الجزائريين للانضمام إليها والمشاركة فى فاعليتها، كما أطلقت سارة بلجودى أحد منسقى الحملة "جروب" على الموقع نفسه لشرح الفكرة والتشجيع عليها.

طب كويس
ميرسي ع الخبر يا دودو

ربنا يبارك فيهم
هما دول فعلا الرجاله الي العرب يعتمدوا عليهم
ايد وحده وووطن واحد

جازاهم الله كل خير
و كل من يقف مع الحق

علشان كده انا قلت الف مره ان مش كل الجزائرين وحشين ومش كلهم حلوين كل بلد فيها الحلو والوحش وده مش معناهاه انى ااقول اننا نسيب حقناه لا كام لازم ناخد حقنا لكن
حسبى الله ونعمل وكيل

شكلهم عملو كدا عشان يهدونا ويحسسونا انهم فعلا خايفين علينا

لو كانو كدا فعلا يبقي كانو فين من بعد اللي حصل علطول ده مفيش ولا مسئول طلع واعتزر للمصريين علي اللي حصل ده بلاش مسئول كانو فين هما دول اللي عاملين الحملة دي من يومها ولا ماكانوش سمعوا بيها لسه
عموما اللي حصل فالمصيين ده مش حمله هيا اللي هتنسيهولنا ولا حمله هيا اللي هتصي قلوبنا من نحيتهم
الموضوع بقي اكبر من كدا ولازم يعرفو ان مش المصريين اللي يتهانو ابدا من اي مخلوق علي وجه الارض دي مصر هيا اللي مشرفة العرب كلهم قدام العالم كله
ولما نشوف فعلا ان الجزائريين بيحمو المصريين ويبقي الكلام ده فعل مش مجرد كلام نبقي ساعتها نفكر فالموضوع مصر كبيره اوى ياعرب

انا مختلف معاكي با سمسمه
مش كل الناس وحشين ومش كل الناس حلوين
الناس دول موجودين من زمان
وبعد الماتش جت بنت جزائريه ف موقع الاستاذ عمر خالد وكتبت موضوع جميل جدا
من جماله اتثبت في خبر علي الماشي
لازم نغفر ونسامح
الرسول الكريم قال في حديث له فيما معناه
اغفر لاخوك 70 خطا
ومعنا الحديث اننا نغفر لبعض اخطائنا مش نكون دايما كارهين بعض
هما العرب ناقصين تشتيت
والرسول صلي الله عليه وسلم
تحمل كراهيه اليهودي جاره ليه
واتحمل الاذي اللي كان بيسببه
يعني مش هنكون زي رسولنا الكريم
دا القدوه بتاعنا

طب كويس
ميرسي ع الخبر

بفهموا

انا بس مش قادرة اسامح في حق المصريين وحق بلدي

الجرح كان كبير اوي اوي يااستاذ احمد ومش من السهل يتنسي
اعذرونى ياجماعة الصدمة اللي اتصدمتها كانت جامدة اوى حاجة مكنتش متصورة انها تحصل بين الاخوات والاشقاء العرب
وعموما خلينا معاهم لحد الاخر بس اعذرونى برده مش هقدر انسي غير لما اشوف بعينى الفعل

دا حقك انك يا سمسمه انك تزعلي تتاثري علي اهل بلدك واهانتهم
بس احنا مش عايزين الزعل ده ياثر فينا
ولو علي رد الفعل
انا حاسس ان هيحصل مجازر للجزائرين في انجولا
يعين المصرين كعادتنا مش بنسيب حقنا
وربنا يستر
لان الي يقتل اخ ليه الاتنين ف النار
ربنا يستر
وانا بامانه خايف يحصل في انجولا قتل
لان المصري لما بيتشد ويسخن مبيعرفش اي حد ادامه
ودي معروفه وبنشوفها لما اي حد يتخانق عندنا

ان شاء الله يحصل في الفتره دي صلح يخلي البلدين يحبوا بعض زي الاول
وربنا يستر