منافسة حادة مع المتصدر عنتر يحيى على موقع صدى حملة مصرية لمساندة أبوتريكة في استفتاء أفضل لاعب عربي

الثلاثاء 8 ديسمبر 2009م
................................................
منافسة حادة مع المتصدر عنتر يحيى على موقع صدى
حملة مصرية لمساندة أبوتريكة في استفتاء أفضل لاعب عربي
خالد مدحت – صدى الملاعب

منافسة حادة مع المتصدر عنتر يحيى على موقع صدى حملة مصرية لمساندة أبوتريكة في استفتاء أفضل لاعب عربي Treeeka_l

فيما يبدو أنه استمرار لمسلسل التنافس المصري الجزائري في مجال كرة القدم، قام الشباب المصري بحملة على مواقع ومنتديات الإنترنت من أجل مساندة نجم منتخب بلادهم محمد أبو تريكة في استفتاء أفضل لاعب عربي، والذي طرحه برنامج صدى الملاعب أواخر الشهر الماضي.
وبعد التفوق الواضح للجزائري عنتر يحيى الذي يتصدر الاستفتاء حاليا بفارق يزيد على 85، 000 صوت، يسعى المصريون لتدارك الموقف عن طريق عمل دعاية في معظم المنتديات الرياضية لتضييق الفارق وقلب النتيجة لصالح النجم المصري المحبوب.
وأنشأ المصريون "جروب" على فيس بوك بعنوان "حملة لجمع مليون صوت لأبو تريكة في تصويت إم بي سي" في محاولة منهم لمساندة لاعبهم المحبوب؛ نظرا لما قدمه لمنتخب بلاده ومحاولة تعويضه، بعدما تضاءلت آماله في الظهور في كأس العالم لتخطيه حاجز الثلاثين عاما، وأيضا بعدما تأكد غيابه عن كأس الأمم الإفريقية القادمة بأنجولا في يناير/كانون ثان المقبل؛ نظرا لإصابته بشرخ في وجه القدم.
بينما نظم أعضاء المنتديات حملات في كل من موقع الأهلي الرسمي "أهلي إيجيبت" بعنوان "أين أنتم يا شباب الأهلاوية.. بسرعة صوتوا لأبوتريكة ضد عنتر يحيى" ومنتدى "كووورة مصرية" تحت عنوان "الناس اللي مش عارفة تصوت لأبو تريكة.. الطريقة بالداخل" ومنتدى الأهلي دوت كوم تحت عنوان "يا جماعة عنتر يحيى الجزائري مكتسح أبو تريكة في التصويت على أحسن لاعب عربي خش وصوت"، ويستمر أعضاء هذه المنتديات في الدعاية لنجم الأهلي والمنتخب المصري.
كما انتقلت الدعاية من المنتديات الرياضية مثل "أهلي كايرو تحت عنوان "عااااااااااااجل تعالوا صوتوا لأبوتريكه ضد الجزائري" ومنتدى أهلي ديفيلز تحت عنوان "ادخلوا صوتوا لأبو تريكة بسررررررررررررعة" إلى كثير من المنتديات غير الرياضية مثل "صحبة نت" بعنوان "صوتوا لأبوتريكة ضد عنتر يحيى"، نادي المزيكا، تحت عنوان "عاجل صوتوا لأبوتريكة مهم جدًّا" أملا منهم في مساعدة "الساحر" وتعويض الفارق الكبير بينه وبين عنتر يحيى.
يذكر أن قائمة الاستفتاء تضم 21 لاعبا من أبرز النجوم في كرة القدم العربية يتنافسون على لقب أفضل لاعب عربي من كل البلدان العربية، ويمتد التصويت في الاستفتاء -والذي تجاوز عدد الأصوات به حاجز النصف مليون صوت بأكثر من 33، 000 صوت- حتى نهاية شهر ديسمبر/كانون أول الجاري.

منقوووووووول من ام بي سي

من الردود اللي استفذتني جداااا

اقتباس :: حتى
لو جمعتم مليونا صوت فلن يفوز لانه و بكل بساطة سياتي عنتر و يقذفه بعيدا
100 كلم في دقيقة هاهاهاهاهاهاهاهاهاهاه....................

دي من التعليقات اللي تحت الموضوع عشان نبقى نسكت قوي ونريح دماغنا بجد حرااااااااااام

وده كان هيجيبلي شلل

اقتباس :: احنا مصريين و صوتنا لعنتر القصة مش قصة صراع و ماتش و الصراجة عنتر يحي بيستاهل

انا مش متعصبه ولا منحازه بس تريكه افضل والله

احنا من حقنا اننا نكون متعصبين ومنحاذين لتريكة ده شئ طبيعي بس اللي مش طبيعي النتيجة بتاعت الاستفتاء ده وكمان المصري اللي صوت للبربري ده هو مين المنافق ده اللي مايستهلش يكون مصري اصلا

معلش يالاء نسيت اشكرك علي الخبر ده بس متقلقيش انا والله مش ساكتة ومش بسكت ومش هسكت وبرده انا اتشليت قبل منك
بس انا عوزة اعرف ازاي اشترك فالحمله بتاعت المليون صوت دي ياريت تفهمونى ضرورى

ف النهايه على رأي ابوتريكه وهو بيقول انه لما بيشوط كوره قريبه من المرمى بيقول
بسم الله الرحمن الرحيم
وما رميت اذ رميت ولكن الله رمى"
صدق الله العظيم
وربنا يقدر بامر انه يقلب النتيجة بس احنا نعمل اللي علينا

بصي يا سمسمه انتي هتدخلي ع اللينك ده
http://www.mbc.net/portal/site/SadaAlMalaeb/menuitem.5546b293f1b61a9c31739bd7480210a0/?vgnextoid=a30b52998a212210VgnVCM1000008420010aRCRD&vgnextnoice=1

للتصويت مره اخري اعملي ريفريش للصفحه مرتين وصوتي تاني
وعشان الصفحه متهنجش استخدمي برنامج المتصفح اوبرا ميني

لكن لو عايزه الفيس بوك ف الجروب ده
https://www.facebook.com/group.php?gid=187470504764

الغرض منه انه يجمع مليون مشترك كل دول بعد مايشتركو ف الجروب هيدخلو ع اللينك اللي فات ويصوتو لتريكه

لو مش فاهمه اقولك تاني بس قوليلي

تسلمى يالاء انا عارفة الموقع اللي بنصوت عليه ومتقلقيش انا تقريبا اتبرمجت عالموقع ده

بس انا كنت عاوزة اعرف بس حاجة احنا بندخل علي موقع الجروب نشترك فيه ازاى اعمل sine up
انا اسفة علي الازعاج

ههههههههههه وانا كمان اتبرمجت

لو انتي عندك اكونت ع الفيس بوك ادخلي ف المجموعه واعملي انضم
لو لسه معندكيش اكونت املي البيانات واعملي sine up زي ما بتقولي وبعد ما تدخلي اكتبي اللينك واشتركي
يارب اكون عرفت اشرح
لا ازعاج ولا حاجه احنا نطول نخدمك
وبعدين كله يهون عشان تريكه

بلاشك ابوتريكه الافضل

طبعا وهيفضل الماجيكو ف نظرنا على طووووووول

Antar est toujours le leader inchallah, et tout mes respect au joueur Boutreka

شكرا لمرورك ومع احترامي لعنتر يحيي ولعبه الرائع
بس ابوتريكه كان ومازال وسيظل الافضل ف نظرنا وبنحبه
ولكن احنا عرب ياريت تستخدم اللغه العربيه

عندك حق ياالاء هو الاخ اللي بيتكلم فرنسي ده مش مصري ولا ايه

لو كان مصري ياريت يكلمنا بالعربي ويوضح وجهة نظره اكتر عشان نعرف نرد عليه كويس
بس لو هو مصري او مش مصري وبيقول ان عبلة ده لاعب اصلا يبقي مبيعرفش يعني ايه اصلا
كلمة لاعب كرة قدم صح ولا ايه معلش اصل اللي يقول كلمة كدا ولا كدا علي تريكة مش هقدر اسكت عليه
وياريت لو شاف الكلام ده يرد علينا بالعربي عشان زى ماقالت الاء احنا عرب مصرييييييييييييين

ابو تريكه متفوق باخلاقه

ربنا هينصر أبوتريكة أن شاء الله

عندك حق يا سمسمه بس دا اكيد جزائري مسمعتيش الاديب اللي بيقول بتكلمني ع العروبه وتقول algerie
وبعدين انا احترمت رأيه طالما مغلطش ف ابوتريكه هو كاتب انه بيحب عنتر يحيي مع احترامه لابوتريكه وبعدين مينفعش نهينه وهو ف منتدى تريكه
زي ماحماده قالك ابوتريكه متفوق باخلاقه بس كمان بلعبه يا حماده
وانا وكل المصريين بنحب تريكه بصرف النظر عن اي كلام تاني
واحب اهديله اغنية جوا القلب وجوا العين تريكه ساكن ف الاتنين

معلش ياألاء انا اعصابي بايظة من النتيجة دي ومش مستحملة اي حد يقول حاجة علي تريكة
وطالما هو بيحب عبلة ده خلاص هو حر لازم يعنى يدخل عشان يقولنا مايحبه في أي منتدى تانى

ولا هو لازم ينرفزنا وخلاص انا مش فاهمة ايه غرضه يعني انه يدخل يقولنا كدا
وعموما احنا خلاص عرفنا انه بيحبه معلومته وصلت
احنا كمان نحب نعرفك ان تريكة عندنا احسن من احسن لاعب علي وجه الارض

كلامك صح يا سمسمه وابوتريكه ده قدوتنا بعد الرسول
واللي مش عاجبه يخبط دماغه ف اجمده حيطه
انا كنت بقول كده عشان لو احنا اهننا عبله هو ممكن يهين ابوتريكه وساعتها هناكله ويحصل كلام مش حلو وبعدين لو تريكه كان هنا كان هيرحب بيه بس انت معاكي حق احنا مش هنسمحله بالتخبيط فينا ولا في تريكه

خلي موضوع التصويت ده على الله هو قادر على كل شيء طالما احنا بنصوتله وعاملين اللي علينا
ادعي انتي بس وخليها على الله

صح كدا ياألاء وكفاية البنى ادم اللي دخل قبل كدا وشتمنا ومشي كدا بكل سهوله بس انا رديت عليه يومها ولو كنت طولته كنت قرقشته بسنانى لازم منسمحش لحد انه يغلط فينا ونعديها او حتي يفكر بس انه يغلط فينا انا بصراحة مش بقدر اسكت حتى لو هيحصلي ايه المصريين كرامتهم فوق اي شئ ولازم قبل مايجي حد يتكلم يعرف هو هيكلم مين صح ولا انا غلطانةوبنحبك ياتريييييييييييييييييييييييييكة وربنا هينصرك باذن الله

انت ميه ميه والله يا سماسم بجد المفروض كل المصريين بجد يكونو كده وده اهداء لحبيبتي مصر كوبليه من اغنية ام الدنيا لحماقي

ولا اي كلام ... ولا اي كلام في اغاني اتقال في حبيبتي وكفي
دانا مصر حبيبتي ... دانا مصر حبيبتي في كافه وكل الدنيا في كافه
ام الدنيا مين ولا في زيها فين بلدي في حباب العين لاء واقرب من كدا
دي بلد عمي نجيب زويل وسومه والعندليب داليده وبليغ والخطيب وناس كتير جامدين كدا .

اوووووووووووووووه اوووووووووووووه اوووووووووووووووه

ناسها ولاد اصول من دمي دول تربية ايديهم
منين ما هروح بقول انا اهلي دول وبتباها بيهم
وانا مطمن طول مانا في ضهري دول وبتحامي فيهم
بلد عمر الشريف عادل امام ابو دم خفيف حسن شحاته غني ع التعريف
ايه تاني احسن من كدا ؟
مصر بحبها بلدي واللي يمسها اكله بسناني وانتهي
اللي يفكر في كدا
ام الدنيا مين ولا في زيها فين بلدي في حباب العين لاء واقرب من كدا
دي بلد عمي نجيب زويل وسومه والعندليب داليدا وبليغ والخطيب وناس كتير جامدين كدا

بلد عمر الشريف عادل امام ابو دم خفيف حسن شحاته غني ع التعريف ايه تاني احسن من كدا

مصر بحبها بلدي واللي يمسها اكله بسناني وانتهي اللي يفكر في كدا .

اكيد ابوتريكه الافضل
ويا جماعه الحكايه اكبر من انها تكون تصويت عادى لافضل لاعب
هما داخلين معانا كانها حرب ويشوفوا مين اللى هيفوز المصريين باصواتهم لتريكه ولا هما باصواتهم للجزائرى
والعرب كلهم عارفين مين ابوتريكه كويس وانه من افضل اللعيبه
فالحكايه خرجت عن نطاق التصويت لافضل لاعب
ودايما تريكه سيظل الافضل والامهر فى تاريخ الكوره

ميرسى على التوبيك

يا جماعة متتكلموش كتير
المهم صوتوا اكتر من مرة
يعني المنتدى فيه حوالي عشر تلاف عضو
لو كل واحد صوت 50 مرة مثلا
يبقى خمسميت الف صوت زايد
اقفل المتصفح وافتحه تاني عشان تقدر تصوت مرة تانية
عايز اشوف انتفاضة تريكاوية في التصويت

والله انا فاتحه الموقع بتاع التصويت ليل ونهار

ماهو عشان الموضوع خرج عن انه مجرد تصويت وبقي الموضوع تحدى بينا وبينهم نفسي اشوف عزيمة المصريين اللي بتظهر فالشدة نفسي بجد يكون فيه فعلا انتفاضة مصرية مش عارفة ليه مش عاوزين ناخد الموضوع بجد اكتر من كدا ليه منهتمش شوية زي ماهما مهتمين ووخدين الموضوع تحدى ياريت نشوف حل سريع ياجماعة والنبي

والله انا تعبت يا سمسمه كل يوم بفكر اصحابي واقاربي ع الفيس بوك وبصوت كتير ومعمول 4 جروبات للموضوع ده ومع ذلك تحسي بيأس رهيب

مشكور

» ابوتريكة أفضل لاعب عربي حسب استفتاء لصحيفة الهداف الجزائرية
» جريدة "الهداف" الجزائرية تمنح أبوتريكة جائزة أفضل لاعب عربي
» الفيفا يختار ابوتريكة ضمن استفتاء أفضل لاعب خارج أوروبا

منافسة حادة مع المتصدر عنتر يحيى على موقع صدى حملة مصرية لمساندة أبوتريكة في استفتاء أفضل لاعب عربي

منافسة حادة مع المتصدر عنتر يحيى على موقع صدى حملة مصرية لمساندة أبوتريكة في استفتاء أفضل لاعب عربي

مواضيع مماثلة

مواضيع مماثلة