استفتاء:هل توافق على ضم أبو تريكة للمنتخب رغم إصابته

ده استفتاء حبيت اعرف منه ايه رأيكم ف ضم أبو تريكة للمنتخب رغم إصابته

هنتختار واحد من دول

1- لا اوفق

2- اوافق

3- لا اعرف

4- ربنا يشفيه ويقدره يلعب
يعني مفيش مشاكل يروح ويكمل علاجه هناك

5- دا يرجع لحسن شحاته ورؤيته
يعني لو هو شايف انه ميقدرش يلعب مكنش هياخده معاه
لكنه اكيد واثق من تحسن حالته

انا ف رايي ان كويس انه خد ابو تريكه
لان تريكه لو مكنش راح كانت حالته النفسيه هتزيد سوء
ووجود ابو تريكه مع اللاعبين بيديهم دفعه معنويه قويه
لحبهم ليه
انا شايف ان حسن شحاته موفق في اختياره لتريكه
وربنا يشفيه يارب

لا اوافق

اوافق لان ابوتريكه بيدي دافع لللاعيبه وبعدين يلعب اوميلعبش ديه يقي في ايد الجهاز الفني
وربنا يوفق الكل

بالطبع حسن شحاته موفق جدا فى قراره بأشراك ابو تركية
لأن المنتخب من غيره بلا روح
و كمان هو فى حد ذاته بركه للملاعب
غير تأثيره القوى على زملاؤه
يا رب يا شافى يا معافى اشف ابو تركية شفاء عاجلا غير آجلا برحمتك يا ارحم الراحمين
و رده افضل مما كان
اللهم صلى على سيدنا محمد بقدر حبك فيه و نجى ابو تركية مما هو فيه

لا طبعا قرار خاطىء
ازاى يصر ياخده وهو مصاب
مش كفاية ان اصابته دى سببها
اصراره برضو مشاركته فى مباراتى الجزائر
واحنا كدا كدا مش واخدين كاس الامم دى
يبقى مانخسرش تريكة كمان
وبعدين هو استبعد بركات وشوقى لعدم مشاركتهم مع انديتهم
وده على اساس ان ابوتريكة منتظم فى مبارايات الاهلى

يا جماعه الراجل مقلش انى هاخد ابو تريكه الاعبه وهو مصاب هو قال انا هاخد الراجل علشان دى بيدى دافع للاعبين
ولو ربنا شفاه وقدر يلعب والمنتخب استمر فى البطوله هيلعب
لقدر الله فضل مصاب مش هيشاركه
بعدين ابو تريكه قال فى تصريح
انا هروح انجولا حتى لو كابتن حسن مضمنيش للمنتخب
هروح حتى لو هشيل الشنط للاعبين
ابو تريكه هو اللى عايز يروح
بعدين ابو تريكه دى راجل بركه
يعنى لازم يكون موجود فى المنتخب
وان شاء الله هيلعب وهو برده اللى هيجبلنا البطوله
عاشق تريكه للابد

اقسم بالله العظيم عايز اى وسيلة اتصال بالنجم ابو تريكه
لمسالة حياه او موت
لو حد يقدر يساعدنى يكلمنى على الايمل دى mido_s616@yahoo.com
يا ريت اللى يكلمنى يكون جاد مش بيهزر
والله العظيم انا عايزه فى مسالة حياه او موت
شكرا لكم

انا موافق بس لو كان يقدر يلعب وهو سليم مش مصاب
اما عن مبدأ مرواحه انا شايف حتى لو مصاب يروح
لانه بيدي دفعة للاعيبة
وان شاء الله ناخد كاس الامم ياااااااارب

اولا اشكرك ياألاء علي موضوعك الجميل ده
ثانيا انا مواقفة جدا علي القرار ده انا رحت جدا ان تريكة هيروح انجولا مع المنتخب
فرحت لانه هيكون موجود مع اللاعيبة مدورتش هيلعب ولا مش هيلعب لان وجود تريكة مع اللاعيبة هناك ده لوحده دفعة كبيرة للاعيبة وكمان دفعة لتحسن حالة ابو تريكة لانه هيكون في قمة سعادته وبعدين حسن شحاته مبيضحيش باي لاعب عشان خاطر بطولة او ماتش مابالكو بقي بمحمد ابو تريكة انا متأكدة ان المعلم مش هياخد قرار نزول تريكة الملعب غير لو اتأكد مليون فالمية انه سليم وانا شخصيا امنية حياتى ان تريكة ربنا يشفيه ويلعب مع بقية زمايله ويرجعولنا بالكاس ان شاء الله
كلمة اخيرة اتمنى ان كلنا نقف ورا منتخبنا فالفترة دى لانهم فرحونا كتير اوى

اولا ميرسي عالتوبيك
ثانيا انا بوافق انه تريكة يبقى فى القايمة بس طبعا اعارض انه يلعب الا لما يكتمل شفاؤه

طبعا طبعا طبعا اوافق لان ده حلم ابوتريكه وزى ما احنا بنفكر فى نفسنا وبنفكر فى الفوز لازم بردضوا نفكر فيه هو نفسه يلعب ونفسه يروح وكمان هو كده كده مش هيلعب غير لما يخف
وهو ممكن يخف كده بين الماتشات ويلعب باذن الله

طبعا ان شاء الله حيكون زى الفل

انا رأي ان يروح داه لوحده هايشجع اللعيبا فى الملعب حتى لو مالعبشي وجوده لوحده له معني يعلى من معنوية الفريق
وممكن انه يكمل علاجه اثناء البطوله وربنا يشفيه انشاء الله وهو موجود فى الفريق