مفيش ( micon _ahlawy ) خلاص ماااااااااااااااات

السلام عليكم ورحمة الله وبركاته

بسم الله الرحمن الرحيم

ازيكم يا اجمل اعضاء ؟ يارب تكونوا بخير ومش فى اسوأ ايامهم زيى . انا دلوقتى حالا اخدت واحد من اصعب القرارات لو مكنش الاصعب فعلا وهو ان دى اخر مشاركة ليا . الحاجة الوحيدة اللى مبسوط بيها هى انى عرفت ناس بجد كانوا ليا اكتر من اخوات ناس بجد تحبها ومتبقاش عاوز تسيبها بجد انا لو بإيدى عمرى ما كنت اسيبهم . بجد مش هقولكم انتم هتوحشونى اد ايه ولا بجد اد ايه هحس بفراغ فى حياتى بس بجد مش عارف هتصدقونى ولا لأ لو قلتلكم انى فعلا بعيط لانى مش هبقى قادر اكون فى تريكة تانى . بس عاوزكم تعرفوا انى عمرى ما كنت هسيبكم غير لسبب قوى جدا اقوى منى خلانى مقدرش ادخل المكان ده علشان خلاص فعلا فى ناس ميتفعش احنا الاتنين بيقى فى مكان واحد . انا مش عاوز اطول عليكم . بس بجد قبل ما امشى رجاء ليا عندكم ياريت لو انا زعلت اى حد منى فى يوم ياريت ميزعلش منى . و سورى لان اكيد التوبيك ده ميخصش ناس كتير لانها متعرفنيش او انا مش فارق معاها بس انا قولت مينفعش امشى من غير ما اودع اجمل ناس عرفتها ناس فعلا استفدت منهم واتعلمت منهم كتير اتعلمت منهم ازاى نبقى يونت واحدة اسرة واحدة . و سورى برضو لاى حد كان عاوزنى ابقى هنا فى المنتدى بقوله انا اسف مش بإيدى انا عمرى ما كان فى بالى انى اسيبكم . بجد بحبكم كلكم يا احلى اعضاء واشوف وشكم بخير .

السلام عليكم ورحمة الله وبركاته

اخوكم محمد

محمد انا مش حقول حاجة غير انى فقدت من المنتدى صديق واخ غالى اوى
وانت اكيد حتوحشنا اوى وحتوحشنا مساهمتك الجميلة وحنفتكرك بكل خير
وانت شخصية جميلة جدا من اجمل الشحصيات اللى شوفتها وعرفتها هنا
فى المنتدى بس يامحمد لو فى فرصة انك ترجع تانى ياريت ترجع وانت
حتفضل موجود بمساهماتك وشغلك الرائع اللى هنا وانت مامتش ولا
حاجة انت حتفضل موجود معانا ومحدش حينساك ابدا بس يامحمد
لو فى امل ان لموضوع يتصلح وتيجى تانى لازم تعمل كدة ماشى
واتمنالك كل خير ومدام دة الصالح ليك واللى انت شايفه صح خلاص
ويارب نشوفك تانى على خير
اختك مروة

ليه كدا بس يامايكون مايكون لو سمحت ماتسبش المنتدى بجد انت لو نفذت كلامك ده انا هفتقد اخ عزييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييز اوى عليا وممكن انا كمان اسيب المنتدى بجد المنتدى ماينفعش من غيرك
طيب بص يامحمد لو ممكن تقولى المشكلة وانا ربنا يقدرنى واقدر اصلح الموضوع بس عشان خاطرى يامايكون انا بكلمك كدا لانك بجد اخويا الصغير وانت عارف كدا يامحمد اعتقد ان اعضاء المنتدى كلهم بيحبوك لانك فعلا تستاهل تتحب فمينفعش تسيبنا عشان واحد وحش مبيحبكش هو اللى يسيب المنتدى مش انت
لو قرأت كلامى ده يبقى ارجوك ارجوك يامايكون ترجع تانى متضحيش بناس كتير بيحبوك عشان خاطر واحد والا انا كمان هسيب المنتدى لانه مش هيبقى له طعم من غيرك
اختك ريم (سمسمة )
مفيش ( micon _ahlawy ) خلاص ماااااااااااااااات 72472

مفيش ( micon _ahlawy ) خلاص ماااااااااااااااات 72472

بصراحة يا محمد انا مش عارفة اقولك ايه بس اللى انا متاكدة منه ان سبب خروجك من المنتدى سبب مهم اويييييييييييييييييييي لان انا عارفة بتحب المنتدى جداااااااااااا وياريت متخرجش لاننا فعلا اتعودنا عليك بس لو هى دى رغبتك يبقى ربنا يوفقك فى حياتك

متزعلش مني يا محمد
دا كلام خايب
مش معني ان فيه واحد مدايقك او انتو مش متفاهمين مع بعض يبقي تسيب المنتدي
فيه حاجه اسمها تشتكي لمدير المنتدي
وتقوله ان بيحصل كذا وكذا
ومعلش يا محمد دا اسمه ضعف
انك تسيب المنتدي عشان حد مزعلك او مدايقك
ياريت يا محمد تفكر ف الموضوع ده تاني
لانك مش صغير وكلنا بنحبك

ليه بس كدة
لو كان حد عمل فيك حاجة فى المنتدى يبقى هوة اللى يستحق انة يخرج مش انت
بصراحة انا مش معاك فى موقفك
ياريت يا محمد متسبش المنتدى
لانك بجد أخ عزيز علينا كلنا

يا حلاوة المولد
ايه الروح الانهزامية الاشمئناطية دي .. انت اكيد بتهرج .. انت هتفضح بتوع هندسة كلهم بالشكل ده ههههههههههههه
انا ليا معاك كلام تاني
لما تفتح ايميلك ابقي اديني خبر يا حلو انت ياحلو
والموضوع مغلق